اجمل ماقيل في العيد

[معلومات العضو محمد راشد النتيفات]

اجمل ماقيل في العيد
اتمنى ان ينال اعجابكم

يقول الأمير الراحل سعود بن بندر في العيد :


أقول في نفسي وأنا أعايد الناس
"""""""""" متى بشوفك تــــكمل أفراح عيــدي
أجامل وربي عليم ٍ بالإحساس
"""""""""" وشهو شعوري وأنت عني بعيــــدي
اللي خذاني لك على سهو هوجاس
"""""""""" حسيت نفسي وسط ربعي وحيدي
لو حسوا بما بي يقولون لاباس
"""""""""" بـــــدال قولة على عيدك سعيــدي
لاصرت عندي وقتي أعياد وأعراس
"""""""""" حتى ولو إنــي وسط سجنٍ حديدي
عاشرت خلان وتخالطت بأجناس
"""""""""" محدٍ سواك أهديتــــه القلب بيـــــدي !!
من تحت ما طا الرجل لي هامت الراس
"""""""""" كلش هويــــته فيك والله شهيــــــدي
لقيـــت بك ذوقي وأنا قاطع الياس
"""""""""" ومعك بدا يحيـــــا الأمل من جديــــــدي


وكل عــــــام وانتم بخير

 

 

 

 

[معلومات العضو نايف الفصام]

يامرحبا يابوراشد وكل عام وانت بخير وصحه وسلامه

وصح لسانك على الاختيار الرائع للامير الراحل

وذكرتني بقصيده لشاعرنا المبدع الضغط العالي ( نايف بن مسرع )

واسمحلي بوضعها في متصفحك

الدمعة اللي حدّرت في ضحى العيـد = من موق عيني والخـدود اجرحتهـا
حاولت أخفّيها عـن أهـل المناقيـد = وخانتنـي عيـون الشقـا وذرفتهـا
كني مع جروح الزمن لـي مواعيـد = حتى نهار العيـد... وش تاليتهـا !
أحيا الجروح الميتـة شمعـة الغيـد = شبيهـة اللـي مهجتـي مانستهـا
صغيرة(ن) كنها من الحور وتزيد... = عن غيرها.... كل العيـون بهرتهـا
عرفتها من بيـن الاطفـال بالجيـد = الله فرقـهـا بينـهـم برقبـتـهـا
ولاجت تخطى كـن فارجولهـا قيـد = ريميـة(ن) ذاب العسـل فاضحكتهـا
عيون قرناس(ن) تعوّد على الصيـد = وهـي تصيـد وصيدهـا بهدبتـهـا
عكش(ن) إلى من سلهمت جات بالعيد = فيها حروف المـوت عينـي قرتهـا
قلت: اسمحي سؤال واحـد ولا ازيـد = عمّـن مكانتهـا بقلـبـي بنتـهـا
قالت: (فلانة)؟ قلتنـا إي والله أكيـد = من غيرها بعـد السنيـن أبعدتهـا!
بعد أصبحت داري عن اديارها بعيـد = كيف الليالـي فـي غيابـي قضتهـا
مدري جنت مـن حاليـات العناقيـد = ولا السنيـن اللـي حدتنـي حدتهـا
قالت البارح عرسهـا علّـه سعيـد = ياحظهـا ياسعـدهـا يابختـهـا !
تزوجت... واليـوم راحـت لمدريـد = قبـل دقايـق مقلـعـة طايرتـهـا
وقفت كنـي وسـط طابـور تجنيـد = والرجل عجـزت لاتديـر احركتهـا
كنت أرسم الاحـلام لبعيـد.. لبعيـد = وسـود الليالـي بالفـراق ادفنتْهـا
ياليتنـي ماجيتنـا قـاطـع البـيـد = ولانشـدت اللـي جروحـي نكتْهـا
راحت ورحت وراس مالـي تناهيـد = ياحظ دار(ن) شيخـة الزيـن جتهـا
أنا أشهد إنها جـات بالعيـد فالعيـد = ريمية (ن) كـن الشهـد فاضحكتْهـا

 

 

 

 

[معلومات العضو بنت الذيب]

صح لسان شاعرها

وتسلم يد ناقلها

ربي لاهانك يابوراشد على روعة اختيارك

وكل عام وانتوا بخير

 

 

 

 

[معلومات العضو شافي بن راشد النتيفات]

تسلم يمينك على هذا الطرح الرائع

وكل عام والجميع بخير

 

 

 

 

[معلومات العضو محمد راشد النتيفات]

ارحب يانايف الفصام تراحيب المطر

ولاهنت على مرورك المنور وانت تمون

وصح السان الشاعر : نايف بن مسرع

ولاهنت على النقل

 

 

 

 

[معلومات العضو محمد راشد النتيفات]

بنت الذيب

لاهنتي على مرورك المنور

 

 

 

 

[معلومات العضو محمد راشد النتيفات]

ابوشالح

لاهنت على مرورك المشرف