موقف طريف حصل لي في الخرج

[معلومات العضو عبدالله آل بريك]

السلام عليكم ورحمه الله وبركاته
أما بعد أخواني أخواتي الأعضاء هذا موقف حصل لي في الخرج بعد أن سجلت بالمنتدى
ذهبت الى أحد المكتبات أريد أن أصور أعلان عن موقعنا موقع الدواسر لكي أنشره
وكنت كاتب على الورقه ( الدواسر . كوم )بالعربي
وصادف دخول أحد الأشخاص و قرأ الورقه بالصدفه عندما كانت تصور وفجأه خرج من المكتبه أنا خلصت التصوير بعد خمس دقائق وخرجت من المكتبه
و تفآجأت بوجود خمس سيارات واقفه وقد خرج منها حوالي ثمانية رجاجيل
ومنهم الرجل الذي قرأ الورقه وجاء وقال ( أنت وش عندك تسب الدواسر)
أستغربت وقلت وش سبيتهم فيه
قال :- أنك كاتب على الورقه الدواسر كوم وش قصدك يعني الدواسر كوم رمل يالرمل
ضحكت أنا وقلت هذا موقع لنا يالدواسر و أردت أن أنشره في الخرج هذا كل الموضوع
سكت قليل وكأنه ندم على اللي قال
سبقته وقلت من حقك يا أخوي أنك توقفني وتقول الكلام هذا لكن خذ الورقه و أدخل على موقع قبيلتك يالنشمي
قال :- تعال معي
قلت وين
مسك يدي ودخلني المكتبه وقال للي يصور
بدل الورقه هاذي
قلت وش بتسوي
جاب ورقه وكتب عليها بخط جميل ( الدواسر . com)
وصورها مائتين وخمسين صوره
وقال :- أنا وقفت وتفاهمت معك لكن غيري بيسوي اللي ما راح تنساه طول عمرك
لكن هاذي أحسن صح ولا لا
جاوبته وبكل صراحه :- كلامك كله صح
ضحك وحلف علي بالعشاء وكرمت
قال:- أنت حقك على العين والرآس لأنك واحد تنشر شي فيه فائده لبني عمك
وبعدها أخذ رقمي وخرج وأنا أخذت الأوراق ووزعتها على المحلات التجاريه وألصقتها على الجدران
وسلامتكم يالنشاما

 

 

 

 

[معلومات العضو عاشق الدواسر]

أولا : تسلم ياولد العم على أجتهادك وحرصك

الله يجعله في موازين حسناتك


ثانيا : والله أنك موتني من الضحك على سالفة كوم

يعني رمل يارمل حلووووووووووووووووووووووووووه

حاشاك يا ولد العم

فكك الله وسلمت الله يجعلك سالم دوم يارب

 

 

 

 

[معلومات العضو الصياد]

تشكر على هذه القصة الجميلة

 

 

 

 

[معلومات العضو سعد المقابله]

بصراحه القصه عاديه وفيها شيئ من الضحك

ولاكن الاهم؟؟؟


بيض الله وجهك وجعل من ارثك في الجنه

على نشر المعلومات من اسم الموقع وعن اسم القبيله

وتحملك الخساره والمشاكل من اجل نشر هذا الموقع الغالي

اشكرك اشكرك اشكرك من قلبي

لك تقديري واحترامي

 

 

 

 

[معلومات العضو عبدالله آل بريك]

مشكورررررررررررين أخواني على مروركم اللي يسر القلب ومن ناحية الخساره ما به أنشآله خساره دامه للموقع قبيلتي

 

 

 

 

[معلومات العضو محمد آل بريك]

والله ان قصت تضحك ياولد جدي ولكن بيض الله وجهك على فزعتك لبني عمك

 

 

 

 

[معلومات العضو سعد آل بريك]

	عبدالله بن سفر شر البليه ما يضحك زين ياخوك ما دبوغوك الرياجيل على شي قصدك منه خدمة بني عمك والله أنك اضحكتني يابوسفر أنتبه نفدا خشمك لاتطيح في مثل هالمواقف الخطيره جداً ولازم من أدارة الموقع أن تعوضك على الأضرار النفسيه التي تعرضت لها من أجل خدمة بني عمك وموقعهم

 

 

 

 

[معلومات العضو عبدالله آل بريك]

هههههههههههههههههه مشكوووووووووووورين أخواني محمد وسعد على مروركم الطيب
ومن ناحية كلامك يا سعد فأنا أطالب و أناشد الأداره الكريمه بتعويض الضرب اللي كان بجيني


لكن ما دام الضرب بيجي بفائده للموقع و لأخواني عيال قبيلتي قبيلة الدواســـــــــــــــــــــــــر فأنا أفدي الموقع بروحي