العين من بعد فقده

[معلومات العضو محمد بن سالم الخضراني]

المشاركة الأصلية كتبت بواسطة وقيان الصخابره

اخواني الكرام السلام عليكم ورحمة الله

اعتذر عن غيبتي في الفتره الماضيه لظروف خاصه

واليوم اقدم لكم قصيده غزليه متواضعه لعلها ترقى لمستوى ذايقتكم الرفيعه.

بالله ياللي تجون الزين هاكم وصاه=رسالة(ن) من ضميري باح مكنونها
قولو سنين العمر تمضي وانا في رجاه=والحال حب(ن) وعذل الناس طاحونها
والعمر يمضي ودورات الليالي وراه=سود الليالي ورانا تسحب اردونها
صحيح ماكل شخص(ن) يدرك اللي بغاه=دنيا البنادم عليه تحدد اسنونها
العين من بعد فقده كن فيها قذاه=كن البلا بين نون العين واجفونها
ان كان وده بفرقانا ويعلن جفاه=ومطية الصد درجها على هونها
يروح جعل السعد فاله ويتبع هواه= الاجواد مانيب افتش وسط ماعونها
ماني من اللي ليا قفا خليله شناه=ناس(ن)مواثيق سلم الحب ياطونها
وان كان صوبي فانا صوبه وبتبع رضاه=عهد(ن) علي هقوته لشيد اركونها
يادرة(ن)من وجدها حاش كنز الغناه=الموج من حولها والموت من دونها
ويا غصن موز(ن)سبح غصنه على سطح ماه=في واحة(ن)يلعب النسناس بغصونها
كن البرد فالثنايا والشفق فالشفاه=وعين(ن) سهوم المنايا يرسله نونها
برجيه رجوى غرير(ن)دوب يحسب اخطاه=امه بعد ياسها قرتبه اعيونها
لعل نو(ن)غثيره جاك من عقب ماه= يمطر على ديرته ويملي اركونها

وسلامتكم

وقيان الصخابره

لي مده وانا ادخل المنتدى على شانك

صح بدنك مليون ولا تهون