مواقف الرجال للشاعر / محمد بن محسن بن حشفل الخضران

[معلومات العضو هادي آل حشفل]

بسم الله الرحمن الرحيم

حبيت أشاركـ بقصيده للشاعر/ محمد بن محسن بن حشفل الدوسري
وهي بعنوان (مــــواقــــــف الرجـال )

المدح في من يستحقه يجي زين
يصوغ في ذكره وينقاد صوبه
في كل شهمً في القسا فعله يبين
مواقفه عند الرجال محسوبه
مانافس اللي يكنزون الملايين
يسوق ماله دون حاله جلوبه
ياطالبً سلم الوفا خلك يمين
المرجله ماهي بمنك محجوبه
راعي الوفا يرجح بكل الموازين
والناس يلقونه على ماهقوبه
لا حتجت ولا أحترت من بين الأمرين
ترى السنع لك بينات دروبه
أذخر لحاجاتك فروخ الشياهين
فعل الطيور تشوف فيها العجوبه
الشهم لاجاء واجبه يعجب العين
والحر لولا موقفه ماقنصوبه
والطيب كايد والرجاجيل شرهين
والناس ماخلًوا حداً ماحكوبه
من طاب قالوا فيه والله ونعمين
ومن هان قالوا عند ذكره وكوبه
والعز كنزِ مايقدر بتثمين
للغانمين اللي شقوا وتعبوبه
والوقت يمضي والخلايق مغيرين
ولابه أحداً فيه يصفي شروبه
من عاش قرنً قال أنا عشت يومين
يفطن بها العاقل ويأخذ جروبه
أن الحياه أحلام والعمر تقنين
والآدمي مثل القمر وصفوبه
أتعس حياه جارنا الله من الشين
من طال به عمراً وكثرت ذنوبه
يالله عسانا سالمين معافين
في رحمتك نطمع ونخشى العقوبه
ياللي عبادك لك صيام مصلين
واسمك بمبدأ دينهم وحدوبه
المؤمنين الخاشعين الملبين
من زود جودك يرتجون المثوبه

(وتقبلوا تحيــــاتي )

 

 

 

 

[معلومات العضو أبونواف الدوسري]

لا هنت وبارك الله فيك أخي هادي..

وصح السان الشاعر محمد بن محسن ..

وفقكم الرحمن..

 

 

 

 

[معلومات العضو شافي بن راشد النتيفات]

صح لسانك ولسانه ولاهنت على النقل

 

 

 

 

[معلومات العضو خالد المشاويه]

صح الله لسان الشاعر الكبير / محمد بن حشفل الخضراني

قصيدة تكتب بماء من ذهب

ولاهنت ياهادي بن حشفل على النقل الرائع وسلمت يمناك

جزيل الشكر والتقدير

 

 

 

 

[معلومات العضو اسد الوادي]

لاهنت يا اخييي الشاعر
هادي آل حشفل
كلمات روعه وصح السان الأخ الشاعر
محمد بن محسن بن حشفل الدوسري
وسلمت الأيادي على القصيده الجزله
وفي انتظار ابداعكم



يا حلو الايام لو ترجع على كيفـــــــي
ما كان قلبي شـكى فـرقا مواليفـــــــه
كانـوا بقـربي ولا يحتـاج تكليفـــــــــي
واليوم راحوا ودمعي صعب توقيفـــه

&&&
اخواني واخواتي الشعراء والشاعرات مشاركتكم
في هذا القسم
بالقصائد والخواطر تضفي عليه النور



مع تحيات
Greetings
اسد الوادي ومحب الريان القطري
Lion of the Valley and loving Rayyan of Qatar
مشعل دعثان الودعاني الدوسري
Mishal dathan al wdani al dosari

 

 

 

 

[معلومات العضو مبارك بن شافي النتيفات]

لا هنت وبارك الله فيك ي هادي..

وصح السان الشاعر محمد بن محسن ..

 

 

 

 

[معلومات العضو هادي آل حشفل]

يستاهل أبو محسن وبيض الله وجيهكم ولا هنتوا ،،،،،

 

 

 

 

[معلومات العضو مبارك بن الجوير]

صح الله لساااااااااان ابومحسن

ولاهنت يا هادي على هالاضاءة

استمتعت بماقرات..

تقبل مروري المتواضع لاهنت

 

 

 

 

[معلومات العضو هادي آل حشفل]

اشكركم جزيل الشكر وتقبلوا تحياتي الخالصه ،،،،

 

 

 

 

[معلومات العضو عبدالله بن فهد الصخابره]

صح الله لسان ابو محسن رائع في كل حالته والله لايهينك ياهادي على اتحافنا بهذه الرائعه طال عمرك

 

 

 

 

[معلومات العضو هادي آل حشفل]

الشكر لله رب العالمين والله لايهينك ويطول عمركـ يابو فهد ويستاهل أبو محسن ،،،