نسعى على الدنياء وبقعاء قصيره// واللي يمر العبد مقضي ومقسوم

[معلومات العضو عبدالرحمن الجبابرة]

اقتباس:المشاركة الأصلية كتبت بواسطة محمد بن سالم الخضراني

العمر فرصه والمقادير خيره=وعمر الفتى وان طال لابد له يوم
ياصاحبي سود السنين الأخيره=اخذت منها درس وافي ومفهوم
في كل يوم والرحى المستديره = تظهر عبر واحداث واحزان وهموم
نسعى على الدنيا وبقعا قصيره=واللي يمر العبد مقضي ومقسوم
لو كل رجالٍ يحكم ضميره=ماشفت بين الناس ظالم ومظلوم
واللي ماياقف للامور العسيره=ماهوب في نطح المهمات ملزوم
يرتاح وامواج البحر لا تثيره=ماهوب ملزوم على الموج والعوم
واللي اهمومه في حياته كثيره=لايطلب الفزعه من انسان معدوم
وسيف ماتفرق سلته من جفيره=ماهو امفرج لك الى صرت مضيوم
والبعد من بعض النفوس الحقيره=فود وسعة بال من الضيق مزحوم
عزلت من رفقت اقلال البصيره=وعرضت خلان الرخى برخص السوم
ليت الردي مهما تقدم مصيره=تظهر علي وجهه علامات ووسوم
واللي على الصاحب ركابه مغيره=نلقى بداله من هل الجود شغموم
نلقى بدال ديار الانذال ديره=ونلقى بدال القوم ياصاحبي قوم
وعد ماتعرف وارده من صديره=اخير لك فرقاه و السد مكتوم
الحظ طيب والهقاوي كبيره=والرزق عند منشي السحب معلوم
لاصار مال الرجل بالطيب سيره=وش ينفعه عمره الى صار مذموم
بعض العرب ماله مع الناس جيره=وبعض العرب سيفه من الحقد مثلوم
وبعض العرب لو ميز الوقت غيره=يشيل له قلب من الخبث مسموم
وبعض العرب مثل الحصاة الصغيره=ماهوب كفو الكبر والبشت والزوم
واللي مايحمي محكمات السريره=ماهوب يحمل شرهة الود واللوم
ياصاحبي جاتك البيوت المثيره=اخذ المفيد وباقي العلم مختوم

ما شاء الله تبارك الرحمن

صح لسانك شاعرنا المبدع , محمد بن سالم الخضراني

قصيدة حكيمة وغنية بالجزالة

بيض الله وجهك اليوم ودوم

ولاعدمنا مثل هذا البوح الراقي