مالك الا ولد عمك...للنقاش

[معلومات العضو أبو ريم]

موضوع هادف بس انا عندي سوال يمكن يكون له اجابه عندكم اخواني,,,



وش يخلي البنت ماتبي ولد عمها؟
وش يخلي الولد مايبي بنت عمه؟


والد البنت ادرى بمصلحت بنته فإّذا كان ولد عمها رجل صالح وموضف و عاقل يزوجه. والبنت اعتقد مالها راي في هالموضوع بحكم ان والدها ادرى بمصلحتها ويعرف الكثير عن ابن اخيه.







كما اسلفو الاخوان الشي الغصب ماراح ينجح ولا منه عز
المفروض اذا جا فلان من الناس خاطب فلانه من الناس ,يروحون اهل فلانه من الناس لابن عمها يستشيرونه اذا مايبيها زوجو الخاطب اللي هو فلان من الناس.
وهذي اشوفه افضل من الاكراه.






الولد نقدر نقول انه حب له بنت من قبيله ثانيه فرضاً هي مادرت عنه ولا تعرفه بس لمحها و خطبها ووافقو عليه وتزوجها.
لكن البنت فرضاَ تحب شاب ما وهو اصلا مافكر فيها
وش الحل؟
تروح تحرّج على عمرها؟
انا اقرا في الصحف والكتب عن بعض القصص وبعض القضايا في سبب العنوسه
ومن اسباب العنوسه تمطّع البنت او دلعها الزايد كما اسلفت السبب.


وفي السابق عند بعض القبايل البنت ماترضا ولد عمها يخطب غيرها
مو الشاب < لا بل البنت بنفسها
والان في وقتنا الحالي بعض الشباب مايرضا احد يخطب بنت عمه هو يبيها و هي ماتبيه!!

الحين شوف كيف انقلب كل شي!!! الله المستعان

البنت في هالزمن تدور من يسترها وينفق عليها يكون رجل صالح ويعرف طريقه السليم.تحمد ربها انها وجدت زوج.







تقبل مداخلتي اخوي

 

 

 

 

[معلومات العضو أحمد شمس]

[COLOR="Black"]

[quote=أبو ريم;621012]

وش يخلي البنت ماتبي ولد عمها؟

ماتبية مافي شي الرجل الحمدلله خايف الله وظيفة محترمة
لكن مارتاحت له ..وهاذي ماهي منقصه أو عيب في حقة
ولكن هاذا شرع الله وهاذا حق من حقوقها فقالت رأيها أنها ماتبية
والمسئلة ماهي ضخمة وانا أخوك

وش يخلي الولد مايبي بنت عمه؟
نفس الحكاية الولد مايبي بنت عمة عدم القبول أو عدم
القتناع فيها فهاذا الشي ماينقص من بنت عمة شي
ولكن الله مو كاتبها له ..

والد البنت ادرى بمصلحت بنته فإّذا كان ولد عمها رجل صالح وموضف و عاقل يزوجه. والبنت اعتقد مالها راي في هالموضوع بحكم ان والدها ادرى بمصلحتها ويعرف الكثير عن ابن اخيه.

مافي شك أن الأب حريص علي بنته أنها التزوج أحسن الرجال
ولكن ماتوصل مرحلة أن يجبر الأب البنت علي أبن أخية لآنه يعرفه
او بحكم كماذكرت أنه أعرف بمصلحتها
أبداً هاذا الكلام يدخل في أجبار البنت علي زواج بالقوة
بحجت هوا أبوها وأدرا بالرجال والمصلحة لآ ياااخي الكريم
في شي أسمة الشرع ..شرع رب العالمين
لآ شرع قبيلة ولآ شرع نظام
فالواجب علي الأب علي حرصة الزايد علي بنته علشان مايظلمها
ياخذ رأيها ويسئلها بطيب نفس ولا يكرها علي شي هي موراضيه عليه
وهاذا دينا دين أهل السنة والجماعة

كما اسلفو الاخوان الشي الغصب ماراح ينجح ولا منه عز
المفروض اذا جا فلان من الناس خاطب فلانه من الناس ,يروحون اهل فلانه من الناس لابن عمها يستشيرونه اذا مايبيها زوجو الخاطب اللي هو فلان من الناس.
وهذي اشوفه افضل من الاكراه.[/color]

هاذي النقطة انا أختلف معك بارك الله فيك .وبقووة
وش دخله فيها أصلاً ياااخي الكريم بنتِ وجاها أفلان من الناس رجل فيه خير
ومشهود له بالصلاح أبتوكل علي الله وبعزم عيال عمها علي الملكة
أما أني أخذ رأيهم أنتم تبونها أو بزوجها !!! لآ يخوي ماهي لهذي الدرجة
وبعدين ليه الحرص علي انك تاخذ رأي أعيال عمها ولآ تأخذ رأي البنت
سبحان الله الاقربون أولآ بالمعروف ..

الولد نقدر نقول انه حب له بنت من قبيله ثانيه فرضاً هي مادرت عنه ولا تعرفه بس لمحها و خطبها ووافقو عليه وتزوجها.
لكن البنت فرضاَ تحب شاب ما وهو اصلا مافكر فيها
وش الحل؟
تروح تحرّج على عمرها؟

لآ هاذا مو تحريج ..لأن خديجة رضي الله عنها خطبة الرسول صلي الله عليه وسلم
فهل نقول أن خديجة رضي الله عنها حرجت علي عمرها ..
مايصير بارك الله فيك ..
في بنات كثيرين يبون الستر والرجل الصالح فقط
لآ يبون فلوس ولا يبون أقصور يبون السقف المستور
والارض الباردة ..


وبس ياالطيب

 

 

 

 

[معلومات العضو أبو ريم]

[QUOTE=أحمد شمس;622174]

المشاركة الأصلية كتبت بواسطة أبو ريم

وش يخلي البنت ماتبي ولد عمها؟

ماتبية مافي شي الرجل الحمدلله خايف الله وظيفة محترمة
لكن مارتاحت له ..وهاذي ماهي منقصه أو عيب في حقة
ولكن هاذا شرع الله وهاذا حق من حقوقها فقالت رأيها أنها ماتبية
والمسئلة ماهي ضخمة وانا أخوك


والله ماتقول هالكلام الا في راسها احد



وش يخلي الولد مايبي بنت عمه؟
نفس الحكاية الولد مايبي بنت عمة عدم القبول أو عدم
القتناع فيها فهاذا الشي ماينقص من بنت عمة شي
ولكن الله مو كاتبها له ..

نفس جوابي فوق



مافي شك أن الأب حريص علي بنته أنها التزوج أحسن الرجال
ولكن ماتوصل مرحلة أن يجبر الأب البنت علي أبن أخية لآنه يعرفه
او بحكم كماذكرت أنه أعرف بمصلحتها
أبداً هاذا الكلام يدخل في أجبار البنت علي زواج بالقوة
بحجت هوا أبوها وأدرا بالرجال والمصلحة لآ ياااخي الكريم
في شي أسمة الشرع ..شرع رب العالمين
لآ شرع قبيلة ولآ شرع نظام
فالواجب علي الأب علي حرصة الزايد علي بنته علشان مايظلمها
ياخذ رأيها ويسئلها بطيب نفس ولا يكرها علي شي هي موراضيه عليه
وهاذا دينا دين أهل السنة والجماعة

زمن شيبانك وشيباني لا قال الشايب لبنته او لولده شي قالو سم اما الان صار لهم راي



هاذي النقطة انا أختلف معك بارك الله فيك .وبقووة
وش دخله فيها أصلاً ياااخي الكريم بنتِ وجاها أفلان من الناس رجل فيه خير
ومشهود له بالصلاح أبتوكل علي الله وبعزم عيال عمها علي الملكة
أما أني أخذ رأيهم أنتم تبونها أو بزوجها !!! لآ يخوي ماهي لهذي الدرجة
وبعدين ليه الحرص علي انك تاخذ رأي أعيال عمها ولآ تأخذ رأي البنت
سبحان الله الاقربون أولآ بالمعروف ..



حنا سلمنا لاصار لها عيال عم مافيهم كلام ناخذ رايهم اول
عاد انتم بسلامتكم


لآ هاذا مو تحريج ..لأن خديجة رضي الله عنها خطبة الرسول صلي الله عليه وسلم
فهل نقول أن خديجة رضي الله عنها حرجت علي عمرها ..
مايصير بارك الله فيك ..
في بنات كثيرين يبون الستر والرجل الصالح فقط
لآ يبون فلوس ولا يبون أقصور يبون السقف المستور
والارض الباردة ..


وبس ياالطيب




يابوي انت مشكلتك تدعي بالمثاليه و كل شوي ناط لي بالشرع وبالدين وبالشرع وبالدين
انت ما تدري ان اسلوم والعادات اعتلت على الدين والشرع؟؟؟<استغفر الله
والله هذا اللي صاير
اذا انت صادق جاوبني بصراحه هل ترضا ان اختك تخطب ؟

ومدري ويش بلاك خصيتني من بدة اللي ردو
عموما انا ناسي ردي هذا في الموضوع بس صدفه حصلته قلت خلني ارد عليك
و الشي الاخر انت مختلف معي بقوه و انا اختلف معك بدبل القوه
كلن له رايه