خالد مدعث الخرفاني

[معلومات العضو نايف الخييلي]

ابيات ومقتطفات

تاخذني الدنيـا مشـي !! وانا الحق الدنيـا عـدي =أطول عمر ، عمر الدهر .. وأقصر عمر ، عمر البشر
و أنا بشر .. عبـد ٍ ضعيـف ولا درى ويـن يغـدي =انحاش من ظلمة بطن .. واطيح في ظلمـة قبـر

ابتغانم مابقى لي مع دروب الغانمين= الرابح اللى رحلته يكتب لها مسك الختام
اما حياة يجمع الله عزها دنياً ودين = والا شريت الدين وافلحت وعلى الدنيا السلام

 

 

 

 

[معلومات العضو نايف الخييلي]

عقب التجارب والعبر ومطاول طوال السنين =وعقب المشيب اللى بدا وجهه على وجه الغلام
ابتغانم مابقى لي مع دروب الغانمين= الرابح اللى رحلته يكتب لها مسك الختام
اما حياة يجمع الله عزها دنياً ودين = والا شريت الدين وافلحت وعلى الدنيا السلام
انا بشر والخاتمه مدري متى ولاادري وين = مدري يتم العمر عام او مايتم العمر عام
ماني برسول الله محمد قبل ياتيه اليقين = يخيره رب السما بين الرحيل او المقام
موت خذا خير البشر لازم تشوفه كل عين = اما يصبحنا ضحى والا يبيتنا نيام
دام الدوام من المحال ونعلم انّا مذنبين = اجل محال انه يدوم الحال في الغفلة دوام
مانيب اسير للهوى والنفس وابليس اللعين= انا اسير للعظيم اللى يضين ولايضام
إليه ,, ولافالركاب معقلات باليدين = عليه ,, ولا فالتوكل ذله وخيبه واثام
برحل من رياض الهوى وانزل رياض الصالحين= وبطوي خيام الهوى قدام لاتطوى بخام