يارب ترحمـــنـــا

**معلومات** **العضو** · 21-05-2010, 12:33 AM

.

.

.

.

من طاع نفسه ساقتة للضلالي=واللي خطمها ساقتة للمسرات
لا عانها الله في صعود الجبالي = ما هابت من طويق ولا السراوات
ترقى الرجوم النايفات العوالي = لو ماقوت رجلك على سير خطوات
ترويضها ماهوب صعب المنالي =بلجامها تعسف وبسروج صهوات
ولا تطرد الدنيا تراها زوالي =ما دام ربي قاسم الرزق واقوات
من هان نفسه لاجل منصب ومالي =بشرة بالخسران لو نال حضوات
واختر لنفسك من قروم الرجالي = صفوت مطاليقن من الناس نقوات
وقت العطاء تعطي ولاهي تبالي =وعند الشدايد محزمن لك وعزوات
اهل النفوس الطامحة للمعالي =واهل الشجاعة والكرم والمروات
وكب الردي لو كان عمن وخالي =اللي يدور من ورى الناس هفوات
واسمع نصيحة شايبن قالها لي = ما تنشرى بفلوس واكنوز ثروات
ازهد ما عند الناس واتصير غالي =واطلب مجيباً ما يبي غير دعوات
واياك لامن صرت بالنفس خالي = عصيان من لا يجهله سر خلوات
في طاعتة منجاك يوم السؤالي =في يوم ما تنفعك حسرة ومنوات
ولا تقول ان الزمن ما صفالي=احذر ترى للنفس عثرة وكبوات
ولا يغرك طول وقت الليالي =حيين معنا اليوم في حسبت اموات
اختر يمين الدرب ولا الشمالي=حفت مكارة جنه او نار شهوات
خذني مثل لو كنت ماني مثالي =راحت حياتي بين نومن وغفوات
يا كبر ذنبي لا حسبت وطرالي =وياكبر حلم الله على النفس بالذات
ادعوا معي للي عليه اتكالي = يغفر لنا ويبدل الذنب حسنات
يارب ترحمنا قبل لا تهالي = اقبورنا ونذوق بالموت حسرات

**معلومات** **العضو** · 21-05-2010, 12:46 AM

صح السانك قصيدة جزله ياسعد لاهنت

**معلومات** **العضو** · 21-05-2010, 01:16 AM

ولا انت وصح بدنك

**معلومات** **العضو** · 21-05-2010, 01:38 AM

صح لسانك يابو فيصل قصيدة جزل ونصيحة طيبه الله لايهينك تقبل مروري

**معلومات** **العضو** · 21-05-2010, 02:30 AM

صح لسانك يابوفيصل وعزالله انها قصيده جزله وتقبل مروري فتى الفررعه الناهشي

**معلومات** **العضو** · 25-05-2010, 08:12 PM

واسمع نصيحة شايبن قالهـا لـي

ما تنشرى بفلوس واكنوز ثروات

ازهد ما عند الناس واتصير غالي

واطلب مجيباً ما يبي غير دعوات

واياك لامن صرت بالنفس خالـي

عصيان من لا يجهله سر خلـوات

في طاعتة منجاك يـوم السؤالـي

في يوم ما تنفعك حسرة ومنـوات

ولا تقول ان الزمن مـا صفالـي

احذر ترى للنفس عثرة وكبـوات

ولا يغـرك طـول وقـت الليالـي

حيين معنا اليوم في حسبت اموات

صح الله لساااااانك لييين ترضى ياسعد
جزالة وفكر وتعمق ومعنى وحكمة
ماشاءالله عليييييك
يالله تجعل هالابيات في ميزااان حسناتك
لما فيها من الرشد وصلاح النفس
سعد بن فيصل
شاعر ذو تجربة ليست في حدود البساطة
ثبتك الله على طاعته وانا اخوووك
وكملك بفكرك الراجح
لاتحرمنا نفداك من خواتها ومن ابداعك يالجزل
ادام الله ابداااعك وعزك واسعد الله اياامك
كما اسعدتني بمروري المتواضع اللي تقبله لاهنت..

**معلومات** **العضو** · 04-07-2010, 11:44 PM

صح لساااااااااااانك يبو فيصل على هذه القصيدة الرائعة اللتي تحمل من الحكم والمعاني الجميلة والصور الرائعة والصراحة لا اقول الا لله درك على هذه الابيات عسى الله ان يجعلها في ميزان حسناتك والى الامام يا ابو فيصل

وتقبل تحيات اخوك ابن ذيب الودعاني

**معلومات** **العضو** · 04-07-2010, 11:59 PM

صح لسانك واعتلى شانك على هذه الدرة الرائعه
لك التقدير وفائق الاحترام

**معلومات** **العضو** · 05-07-2010, 12:10 AM

صـــــــــح لسانك على القصيده الرائعه

ولاهنت ع طرحها ابيات تسكن بالقلب

الله يوفقك يارب

**معلومات** **العضو** · 05-07-2010, 12:34 AM

صح لسآنك يـ الذيب

قصيدة جزلة وذو معنى

الله يرحمنا برحمته > آميين

**معلومات** **العضو** · 07-07-2010, 12:28 AM

صح السانك مليون

**معلومات** **العضو** · 07-07-2010, 01:09 AM

صح السانك وابدعت ابيات اكثر من رائعه اخوي سعد

اعجبتني الابيات كاملة ولكن البيتين هذه ليت الشباب يتأملونها زين

خذني مثل لو كنت مانـي مثالـي

راحت حياتي بين نومن وغفـوات
يا كبر ذنبي لا حسبـت وطرالـي
وياكبر حلم الله على النفس بالذات

تحياتي

**معلومات** **العضو** · 08-07-2010, 03:56 AM

صح لسانك يابن عمي واعتلى شانك

اخوك ابن فيصل العريمي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية