أعز ضيف

[معلومات العضو مسفر الكبيري]

المشاركة الأصلية كتبت بواسطة فهد الغريري

مرحبا ومسهلا يااعز ضيف=مايجي كون مره فالسنه
إن لفا بالشتا والابصيف=كل وقتٍ يجي به مااحسنه
فضله ربي إله لطيف=جل ماياخذه نوم وسِنه
أحد يستقبله مثل الوليف=بالعمل والذكر بالالسنه
واحد كنّه مربط بالكتيف=ويتمنى متى فك رسنه
والشياطين تصفد به صفيف=راحةٍ للنفوس المحسنه
من خبر ضيف لامن جا المضيف=شال سيته واعطاه حسنه
شهر صومٍ على لشهر منيف=ليت ماهو شهر ليته سنه

الشاعر الكبير والاخ العزيز ابو رائـد " مسفر الكبيري "

علينا وعليك وعلى المسلمين ايتبارك هذا الشهر الفضيل

تعجز الكلمات ان تعبر بما في القلب تجاه هذي الابيات

الايمانيه التي تفوح عبقٍ وشيحٍ وكادي ايماناً وتقوى في الله

ابورائد يسلم احساسك وفكرك ومنطوقك على ما ابديته

في هذي القصيده جعل عمرك طويل على طاعته

ومني لي شخصك العزيز كل محبه وتقديري

اخــــــــــــــوك/ فــهــد الــغــريــري,,

الأخ العزيز والرفيق الغالي فهد الغريري

ماتركت لنا من الكلام الزين شيء حتى نقوله لك

فلله درك من صاحب قلم مبدع ومن ناقد متمكن

ومن صاحب مفتاح لكل القلوب ومن صاحب إحساس مرهف

وقراءتك لقصيدتي وتعليقك عليها شهادة دكتوراه أعتز بها كثيرا

آمل أن أكون عند حسن ظن الجميع

وتقبل وافر الشكر والامتنان

أخوك مسفر