معركة الأميلاح

[معلومات العضو دغش البطي انتقل الى رحمة الله مساء الاثنين الموافق 8-1-2007 رحمه الله واسكنه فسيح جناته]

الأخ العزيز : العقيد

في البدايه أهنئك وأهنىء المنتدى بوجودك ووجود من هم رواة مثلك وشرواك

ويعلم الله إني أتحمس لمَا أقرأء لك مشاركة وذلك لما لك من حساسيه مفرطه في

الكتابه وتتبع كل صغيرةٍ وكبيرة وهنا يحس القارىء أنه مع هذه القصه.

فأشكرك جزيل الشكر على كتاباتك المميزه وماهذه القصة المثبتة بالقصائد الحماسية

والتي تحكي عن بطولات الدواسر وخاصة ( الرجبان ) اصحاب التاريخ الناصع والعلوم

الغانمة منذ قديم ا لدهر إلأ خير شاهدٍ ودليل هلى صحة كلامي،

فعسى الله يرحم قائدهم الأمير مصري بن وثيلة برحمته ويتجاوز عنه،

والحقيقه يستاهلون الرجبان كل علم غانم ( محددة الجمل )

وهم أهل الطولات والفخر من غير قصور في باقي الدواسر.

الرابح اللي ماحضر بالأميـلاح=ولاحضر عزالها في المضاحـي
جونا الدواسر كل قـرم وذبـاح=ثـم عزلـوا ذيداننـا بالمراحـي
شلنا عليها كـل ماعلقـوا طـاح=ولاشحني كـود ظلـة رداحـي
نبغي الستيرة غير منا العزا بـاح=نبغي الستيرة غير حل الفضاحي

ماأحسن الشهادة إذا جاتك من خصمك والله يرحم الأولين اللي ينطقون الصدق

لو كان ضدهم .

ياحشر تركت المزا وأنـت شايـب=ياملقحن هضبة الاميـلاح بلسـان
ياملقحن عوج الهضاب الصلايـب=توالـدت عقبـك بكـار وقعـدان
نشعى محلك والدبش جـاء نهايـب=من فوق قـب فوقهـا كـل داقـان
زبنـت للعمـاج والعـج سـايـب=ولاعاد همنـك حلايـل وورعـان
حلفـت ماترعونهـا بالغصـايـب=مـادام يركبهـا عيـال وشيبـان
ربعي مقيدة الجمل فـي الحرايـب=وأيضا إلى ركبوا على الخيل فرسان

كفو كفو كفو بربعنا الرجبان يفعلون العلم الغانم ويحرون به

لاهنت يالعقيد وبيض الله وجهك وجعلنا مانفقدك ياذيبان

وأشكرك جزيل الشكر على المجهودات المستمره في هذا المنتدى

عاطر التحايا القلبية لمقامك العالي

محبك ومغليك : دغش بن بطي

 

 

 

 

[معلومات العضو ابوعبدالرحمن الودعاني]

هذي عوايد ربعنا من زمااااان وحنا على دربهم وعلى نهجهم إلي

يجينا بالخير يلقانا بإذن الله خير منه وإن جان بالشر نجازيه

بشره ونزيده شوي!!!! وبعض الناس العيب ما يعرفونه ويتجرؤن

وهم ماهم بقدر ذي المشاكل حتى تصير قصص تروى ليعتبر الجيل الحالي

على كل حال إعلوم ربعنا طيبه وعلوم الرجبان تيجان الفخر معروفه

وأخي وإبن عمي الحبيـــب الغالــــــي

((العقيــــــــــــد))

أشكرك على إيراد هذه القصه الطيبه وبارك الله فيك


.