نادوا لي سعود بن عواد

[معلومات العضو ابومبخوت الدوسري]

سلام تسليمة فيهـا جحيـم وبـراد =والملعبة نار من يقرب لها تشتويـه
نادوا لي سعود ابن عواد راع الشداد=وشداده إللي ركب فوقه يحافظ عليه

يامرحبا ردتن تعطيك علمن وكاد=ياشاعرن صايرن تالي زمانه فقيه
حنا هل الاوله في سلم ولى هجاد=جاك الخبر يالصتيمه والخبر تهتويه

حييت.. والخيل يوم نعنّها للطـراد=تمشي على اللي نبي مهيب للي تبيه
فتيلتـك لاتقربهـا لـراس الزنـاد=العامرية عشقها قيس وهي اتهويـه

انته من اهل اضرما ولا من اهل البلاد=اصرف جنيه الذهب ويجيك رد الجنيه
كلمتك هاذي غبا ولامرض فا الفـواد=العلم علمك وقلبـك دايمـن يحتويـه

أنا من اللي لهم جيش المدايح يقـاد=خلك معي يا ابيض الخدين دايم نبيه
صحيح لاقالوا إن النار ترث رماد=كلن نصيبه على دربه وقف يحتريه

احيان واسمك سعد وحيان ترجع سعاد=بعض العرب مادرا بالعلم لوخش فيه
ترا الجمل مايفكر في دبيب القراد=الله يحفظ ابو متعب وابوخالد واخيه