أقرب شاعر (تكانه) للتحدي

[معلومات العضو مسعود المقيبلي]

المشاركة الأصلية كتبت بواسطة ابن مرضي الدوسري

هلا يامرحبا يابو خشيم ٍ بفركه ذاليوم = بسمي بسم ربي ولعنك يابليس من داني
مدام انّ ورثنا هيبتك يازآيد الملطوم = تبي تبرك وتثوي قدمنا ناقة عريماني

خلوووووووووووووها

يدوم بك البقا والليل ساري والنجوم نجوم=تحزم والعصا سيفي وهالميدان ميدان ميداني
عسى الله يستر المسلم مع العالم بستر هدوم=قبل ما تنكشف ويبين عيبك يالعريباني

 

 

 

 

[معلومات العضو شافي بن راشد النتيفات]

ارحبوووووووووووووو

يارجال ولاهنتو وصحت السنتكم جميع

وسرو الليل

 

 

 

 

[معلومات العضو ابن مرضي الدوسري]

تهرج وحفظ اعلومك ترى الشرهه عليك تحوم = تبي تبرد عظامك كلها يشّاعر الجاني
على وكر الحرار اللي منصّب صقر ماهو بوم = على الهدات ماهو يشبهك ياطير برماني

 

 

 

 

[معلومات العضو مسعود المقيبلي]

ايوالله عجل ياخوك الطاروق كامل بالمحاوره نص ساعه وحنا ردودنا بينها ساعه

المشاركة الأصلية كتبت بواسطة ابن مرضي الدوسري

تهرج وحفظ اعلومك ترى الشرهه عليك تحوم = تبي تبرد عظامك كلها يشّاعر الجاني
على وكر الحرار اللي منصّب صقر ماهو بوم = على الهدات ماهو يشبهك ياطير برماني

انا لامن وقفت بموقفي بالموقف المزحوم=اجمل لابتي والخصم يبطي ماتناساني
اشوف الحر الاشقر مير في ريشه كسر وثلوم=وشمله اسم الحرار اللي تعشي كل جيعاني

 

 

 

 

[معلومات العضو غازي المسعري]

المشاركة الأصلية كتبت بواسطة مسعود المقيبلي

انا لامن وقفت بموقفي بالموقف المزحوم=اجمل لابتي والخصم يبطي ماتناساني
اشوف الحر الاشقر مير في ريشه كسر وثلوم=وشمله اسم الحرار اللي تعشي كل جيعاني

ياسلام ياسلام الليل يابن مرضي

 

 

 

 

[معلومات العضو ابن مرضي الدوسري]

عليك الله يادلو ٍ على بطنه فتق وخروم = ولاضني تفيد بحملتك في كل الاحياني
بطلنا حجتك والراس عالي والقدر محتوم = مدام ان الدعاوي كلها من غير برهاني

 

 

 

 

[معلومات العضو مسعود المقيبلي]

المشاركة الأصلية كتبت بواسطة ابن مرضي الدوسري

عليك الله يادلو ٍ على بطنه فتق وخروم = ولاضني تفيد بحملتك في كل الاحياني
بطلنا حجتك والراس عالي والقدر محتوم = مدام ان الدعاوي كلها من غير برهاني

لقينا سوق بياعه لكنا مالقينا سوم=ومن باع الغوالي في مزاد الرخص خسراني
عليك الثوب ضافي مير ثوبك ماعليه كموم=الا ياشين راعي العقل لا من سار عرياني


تصبحون على خير

 

 

 

 

[معلومات العضو ابن مرضي الدوسري]

تبي تصبح على همك مدامك ماسي ٍ مهموم = ترى سوق الغلا مايدخله ياخوك جاباني
على درب المهالك منت لاحادي ولا ملزوم = لاكن اسحب جلنطك طال عمرك لا تعداني

 

 

 

 

[معلومات العضو ابن مرضي الدوسري]

المشاركة الأصلية كتبت بواسطة مسعود المقيبلي

خلوووووووووووووها

يدوم بك البقا والليل ساري والنجوم نجوم=تحزم والعصا سيفي وهالميدان ميدان ميداني
عسى الله يستر المسلم مع العالم بستر هدوم=قبل ما تنكشف ويبين عيبك يالعريباني

يدوم بك البقا والليل ساري والنجوم نجوم=تحزم والعصا سيفي وهالميدان ميدان ميداني

لا تعجل لاتعجل البيت فيه زياده

 

 

 

 

[معلومات العضو مسعود المقيبلي]

المشاركة الأصلية كتبت بواسطة ابن مرضي الدوسري

يدوم بك البقا والليل ساري والنجوم نجوم=تحزم والعصا سيفي وهالميدان ميدان ميداني

لا تعجل لاتعجل البيت فيه زياده

شكرا للتوضبح

بس عسى ماهوب طاريٍ عليك اني زابد البيت بقصد وزن




خطا مطبعي كلمه مكرره