مسابقة شعبية من الطراز الأول

[معلومات العضو فراج بن فهد آل تركي]

السلام عليكم ورحمة الله وبركاته

أخوي أبوالسلاطين

نسمعك ولانسفهك وغالي والطلب رخيص ألا مجاني

لكن فيه ملاحظة طال عمرك:

الشيخ الشمري طلب القافية تكون ( بيت النملة) وإبن سبيل

وضعها ( بيت نملة) فلا أدري هل هناك خطأ من الرواة أم ماذا ...الله أعلم

وإبن سبيل شاعر مافيها كلام بيقدر يجيب بيوت النمل والعفاز كلها

يعني مثلاً لو كان المطلوب(بيت النملة) فبإمكاننا تعديل ماقال ابن سبيل

ليصبح :

نور عيني عود موزً ناعمً مطواعي=كلما هب الهوا قام إيتمايل حمله
حبه إيخج الحشا مايوجعه بوجاعي=لكن الخفاق حطه مثل بيت النمله

وعلى نفس المنوال بالنسبة ل(حد السيف) نستطيع أن نقول :

ألا ياوجودي وجد من في السجن ملهوف=ربيع العمر ودّع إركابه وجاه الصيف
سبايب وليفً ناعمً ضامر السرجوف=ونظرات عينه في القسا مثل( حد السيف)

لكن ماأدري إذا كان مطلوب قصيدة كاملة أو لا
إذا كان نعم فترانا مستعدين ورهن الإشارة


وتقبل خالص شكري وتقديري

 

 

 

 

[معلومات العضو فراج بن فهد آل تركي]

السلام عليكم

(فوق الأشدة)

سم ياسعد لاعدمتك

دواسرً حزنا جميع البطولات=حتى المعادي بالفعايل نشدّه
هاماتنا طالت نجوم السماوات=لونا بوسط الناس فوق الأشده

وسلامتكم

 

 

 

 

[معلومات العضو محمد الغريري]

ابو السلاطين


في الحقيقة مسابقة شعبية رااائعة بمعنى الكلمة ..


واختيار موفق وموضوع جذاب يحث فيه على المنافسة الشريفه بين شعراء المنتدى واتمنى من بقية الشعراء المشاركة وتفعيل هذه المسابقة ..



" فوق الأشدة "

بديت بسم الله قصيد وقوافيه = محيي هشيم العظم من طول مده
بالله نعوذ من الزمان وبلاويه = وبالله نعوذ من الزمان ومكده
الطيب فعله هيّض القلب خافيه = ونختار من زين المعاني اجدده
دواسرن يا سعد منهم عوانيه = لا ثوّر البارود فوق الأشده

جزاك الله خير يا برق الجنوب دوم سباق للخير ..



اخوكم في الله

محمد الغريري

 

 

 

 

[معلومات العضو أبو السلاطين]

أشكـر جميع المشاركين في المسابقة

سعـــــــد آل بريك
قدرك عندنا كبير جعلك تسلم والله لا يهينك على اختيار الكلمتين


أخيك الاصغــــــــر
أبــــــــو السلاطيـــــــن

 

 

 

 

[معلومات العضو أبو السلاطين]

بـــــرق الجنـــــــــــوب

جعل من ارثك في الجنة
اما بالنسبة لسؤالك هل امير شمر طلب ( بيت النملة ) والشاعر بن سبيل
قالها ( بيت نملة ) فأنا اطلعت عليها هكذا .
واما بالنسبة هل المطلوب قصيدة فنحن نطلب ولا تهينون ( اربعة ) ابيات اقل شيء
إلا إذا عند احد من الاعضاء اقتراح فنحن رهن الإشارة .
ومــــا يـــــــــامـــــــــــر عليــــــــك عـــــــــــدو

وجعل يمينك مايجيها العطب على هذه الابيات
ولا عليك امر وين الكلمتين اللي يبدا بها الشاعر اللي بعدك

أخيــــــك الاصغـــــــــر
أبــــــو السلاطيـــــــــــن

 

 

 

 

[معلومات العضو أبو السلاطين]

محمـــــــد الغريــــري
لي الشرف ان يكون اسمك من بين الاسماء المشاركة
وجعلك تسلم على الابيات الجزلة والرائعة
وحنا ما سوينا الا القليل لهذة القبيلة وهي تستاهل اكثر
ولاعليكم امر اتفقو أنت وبرق الجنوب واختارو لنا كلمتين للشاعر اللي بعدكم
وحبذا كل شاعر يكتب ابيات يضع الكلمتين تحتها لجل تسير المسابقة على الشكل المطلوب


أخيــــــــــــ الأصغـــــر ـــــــــك
أبـــــــ السلاطيـــــن ـــــــــــــو