قصيدة التوبـــــــــة

[معلومات العضو عبدالله الحافر الغييثي]

هذه قصيد التوبه لشاعر/محمد بن عبدالله العوني وهو في السجن اللتي فيها من الحكم واجلال الله الشي الكثير

يا الله يا والـي علـى كـل والـي=يا خير من يدعـا لكشـف الجليلـه
المالك المعبـود محصـي الرمالـي=الكون والدنيا ومـا بـه فهـي لـه
ما كان أول لـه ومـا كـان تالـي=ملكه يدير به علـى مـا يجـي لـه
يقضي ويمضـي قـادر مـا يبالـي=والخلق ما تفعل بـلا امـره فعيلـه
ما له شريـك جـلَّ فـوق متعالـي=علمـه أحـاط ابدقهـا والجليـلـه
أشهـد فـلا غيـره إلـه ولا لـي=ربٍّ سواه أخشـاه وأرجـي لنيلـه
يا واحـدٍ فـوق السمـوات عالـي=من سطوتـه كـلَّ الخلايـق ذليلـه
يا فارج الشـده بضيـق الحوالـي=إفـرج لعبـدك يـا منجـي خليلـه
وانظر بعينك يا با الافـراج حالـي=فـرد غريـب والمصافـي قليـلـه
وحيـد مالـي غيـر ظلـك ظلالـي=ذليل مالـي غيـر عـزك وسيلـه
يا راحم أرحـم شيبتـي وأنخذالـي=يا جابر اجبـر عثرتـي والفشيلـه
والطف وناظر يالولي فـي سؤالـي=لا تواخذني فيما مضى لي من فعيله
لا اخوان لا عمان لا مـن خوالـي=ولا من صديق في الورى نشتكيلـه
لو كان ما يجلـى سـوا الله جالـي=ما شفت عبد هرجتـه لـي جميلـه
تقطعـت وذم العـرى والمـدالـي=مـن جملـة الخـلان والمستخيلـه
وقضيت من المخلوق ما حد بقالـي=إلا انت يا للي مـا يخلـي عميلـه
عادوني كل الناس شـرق وشمالـي=ولا بقـا غيـرك ذرا ألتجـي لــه
شافونـي مذلـول ٍ وحيـدٍ لحالـي=ولا لي من الفزعات مومـي شليلـه
وأنـا بعـون الله امتـانٍ احبالـي=متجـودٍ بحبـال منشـي المضيلـه
لو كان كـل ٍ لـه صديـق اموالـي=اقـراب واخـوان واللـي قبيـلـه
أنا لـي اللـي زابنـه مـا يسالـي=جزل العطا مبري الجسـوم العليلـه
إلـى دعـو حبانهـم فـز بـالـي=رفعت طرفي له وقمت أشتكـي لـه
ويـلا تنـادو بينـهـم للنـوالـي=ناديت باسمك يـا منشـي المخيلـه
ومن لا ذبك ما صار بالضيق تالـي=يصير الاول ولو كانت أعظامه هزيله
ونـا دخيلـك يـا عزيـز الجلالـي=حاشا كرم جـودك يضيـع عميلـه
بريت من غيـرك بحالـي ومالـي=وزبنت أنا بحماك عـن كـل ميلـه
من شر خلقك لا يـذ بـك ولا لـي=غيـرك مـلاذٍ شامـخٍ ينعـي لـه
يا رب مالي غيـر جـدواك والـي=ون كان خليتـن فـلا لـي عقيلـه
يـا عالـم بالمخطيـه والعـدالـي=تشوف مالي غيـر عدلـك وسيلـه
فـلا تواخذنـي بمـا ضـي فعالـي=ياساتر العـورات مضفـي جميلـه
لو كـان ذنبـي راجـح بالجبالـي=عفوك عظيم ليـس ذنبـي عديلـه
أطلبك تقبـل توبتـي عـن خمالـي=واطلبك عنـي كـل كـرب تزيلـه
واطلبك تغفر لي وتصلـح اعمالـي=يا مزبن الخايـف إلـى بـاد حيلـه
مـولاي لا منجـا ولا ماتجـا لـي=إلا انـت ياللـي مـا يذيـر نزيلـه
يا فزعة المظلـوم منشـي الخيالـي=يا فارج الشـدات لـو هـي ثقيلـه
أفرج لمن بالحبـس دونـه رجالـي=وابواب واقفـال وحصـونٍ طويلـه
في وصـط دبـابٍ غريـب الحالـي=أظلم ولا أدري وش نهـاره وليلـه
متروك مالـي مـن يـرد المقالـي=لا حد يبي قولـي ولا حـد يشيلـه
ولا احـد غيـرك عليـه اتكـالـي=إلا انت يا منجـي دريـك الدبيلـه
مـا دام تنظرنـي وتسمـع مقالـي=ما خاب عبـدٍ يـدري انـك وكيلـه
يـا سامـع بالليـل حـسَّ النمالـي=وصوت يونس في البحور الطويلـه
الماء وضرب الموج مثـل الجبالـي=فوقـه اجيبـت دعوتـه وتهليـلـه
يا مصـرف الايـام هـي والليالـي=في قولته كن يجـر القلـم بتعديلـه
أدعوك باسمـاك العظـام الجزالـي=وابحق ما خصيت لك مـن فضيلـه
وابحق عظمـة قدرتـك والجلالـي=وابحـق نـورك والفعـال الجميلـه
وابحق ما نزلـت مـن أول وتالـي=تجيرني مـن شـر خلقـك طويلـه
وتنـزل كربـات علينـا اثقـالـي=تغطلست مالـي سـوى الله دليلـه
أمن على قلـب يجتـول اجتوالـي=يا مسكن الروعـات سكـن جفيلـه
أسرع علينـا يـا قريـب النوالـي=لا تجعـل الشـده علينـا طويـلـه
يا فارج الكربـه بضيـق الحوالـي=أومـر لعبـدك بالفـرج وتعجيلـه
واجل الأمـور المعظلـه والجلالـي=عني وكل عبد مسلـم يندعـي لـه
وصلاة ربي عـد رمـل السهالـي=علـى نبـي وضــح الله دليـلـه
صفوة قريش اللي مشـى بالعدالـي=نبينـا المعصـوم عـن كـل ميلـه

 

 

 

 

[معلومات العضو متعب الصخابره]

أســرع عليـنـا يـــا قـريــب الـنـوالـي ...... لا تـجـعـل الـشــده علـيـنـا طـويـلــه


صح للسان الشاعر وبيض الله وجهك ياابومطر على القصيده الجزله

 

 

 

 

[معلومات العضو ابو حسين الدوسري]

الله يقبل توبته ويتوب على عباده

وصح السانك يبو مطر والسان الشاعر

خالص التقدير لشخصكم الكريم

 

 

 

 

[معلومات العضو دغش محمد الصخابرة]

صح للسان الشاعر وبيض الله وجهك ياابومطر على القصيده الجزله



تقبل تحيـــــاتي وتقديـــــــري @

 

 

 

 

[معلومات العضو ناصر بن فهد]

الله يقبل توبته ويغفر عنه وعن المسلمين جميع

وصح لسانه وصح لسانك يبو مطر على النقل الراااع


وبيض الله وجهك

 

 

 

 

[معلومات العضو عبدالله الحافر الغييثي]

هلابكم ولاهنتوا على طيب مروركم والله يغفر له ولنا ولوالدينا وللمسلمين خالص التقدير لكم

 

 

 

 

[معلومات العضو التلميذ]

صح السانه

والله يقبل توبته

ولاهنت

 

 

 

 

[معلومات العضو عبدالله الحافر الغييثي]

هلابك يالتلميذ وشاكر لك المرور الطيب

 

 

 

 

[معلومات العضو العنووود]

متميـــــــــــــز ومبـــــــــــــــدع..كمــــــــــاعهدناك..



صح لسانك...ولسان قايلهــــــــــــا..

 

 

 

 

[معلومات العضو عبدالله الحافر الغييثي]

هلابك اختي العنود وشاكر لك الاطراء والمرور...خالص التقدير والاحترام

 

 

 

 

[معلومات العضو شيهانه بكف صقار]

صح الله لسانك اخوي الغييثي ولسان المطيري
وعسى الله يقبل توبته

لاهنت
احترامي~

 

 

 

 

[معلومات العضو فيصل الشكري]

الله يعطيك العافية ولاهــنت على القصيده الرائعه


وتقبل تحياتي,,

 

 

 

 

[معلومات العضو عبدالله الحافر الغييثي]

هلابكم جميع والله لايهينكم على طيب المرور