ابيات مختاره لفلاح البريكي

[معلومات العضو عبدالله الصخيبري]

اخواني الاعزاء انقل لكم هذه الابيات من قصيده

من قصائد فلاح بن فهاد آل بريك مسندها لشخص يقال له

سعد ومن لديه تكمله لها لايبخل علينا

نديبي على جمس بلا شد وشراعي = ايلا من سرا من ديرة يصبح بديره
ولولا غباره قلت مايلمس القاعي = تعدا الرقوم ومخطرا يقطع انبيره
ونصه سعد يومه خبيرا بالاسناعي = ينصيه من حبه تعدا على غيره
على موتري صيفي وقيضي ومرباعي = ومن كثر مادوج تقارع مساميره
ادور ذهيب غادي بين الاقطاعي = غفال بدون وسوم واتعب مداويره
الا ياعيون الي من الصوت يرتاعي = يحاود مع الازراج في قلبه الذيره
رماني برمح صابني بين الاضلاعي = وان لارميته طاح رمحي مياسيره
ان علتي فيها راعي المعرفه ضاعي = طبيب الجراحه حار فيها بتفكيره

وسلامتكم

 

 

 

 

[معلومات العضو فهد الغريري]

السلام عليكم ورحمة الله وبركاته


اخوي الغالي عبدالله الصخيبري

صح الله السانك وعتلا شانك على هذي القصيده الطيبه

واختيار موفق عسى عمرك طويل على طاعته

وصح السان الشاعر فلاح ال بريك

تقبل تقديري واحترامي

اخوك فهد الغريري

 

 

 

 

[معلومات العضو عبدالله الصخيبري]

وعليكم السلام ورحمة الله وبركاته


مرحبا بك يابو هادي وصح بدنك والله يوفقنا جميعاً على نقل مايرضي الجميع