أنآ ليه أشتكـي جرحي ؟!

[معلومات العضو محمد بن سالم الخضراني]

المشاركة الأصلية كتبت بواسطة بدر آل شآفي

أنا جيتك على النيه .. أحسب إنك على مبداي=ولاكن للأسف خنتي .. خفوقٍ ضمك شعـــــوره
لك الله من خذلتيني أحس إن الأسى مرساي=أعيش بلجة أحزاني .. كأن الأرض مهجـــــوره
واصوًت والصدى صوته .. مثل عزف الالم بالنـــــاي=وأحاول أكتم أنفاسي .. وصاح القلب من جوره
رسمتك للأمل بسمه .. واشوفك حلمي ومعناي=وغيرك لو تباطيته .. غيابه يشبه حضـــــوره
تعالي شوفي اعيوني .. قهرها يستلذ بكاي=أنا حتى الحنايا من عقب فرقاك .. مكـــسوره
يناديك المكان اللي .. نشدني عن غلا ذكراي=يبس ريقه من الفرقى .. ورسم حزنه على سوره
أنا ليه اشتكي جرحي .. وأنا الي حاضنك برضاي=مدام ان الخطا مني .. جروح الوقت معذوره
أبسكت دامها خيره .. تعبت أسمع صدى شكــــواي=بكيت .. ولابقى غير التعب والشوق والصــــــوره !!

الشاعر بدر ال شافي

صح لسانك صح لسانك

قصيده معبره وفيها من الحزن الكثير

تقبل مروري الخفيف وسجل اعجابي