تنخا هل الطولات وافين الاشبار

[معلومات العضو راشد المسعري]

السلام عليكم ورحمة الله وبركاته

الشاعر مبارك بن عبدالله بن محمد الدوسري كان في يوم من الايام ذاهب إلى الضمان الاجتماعي بوادي الدواسر للتسجيل فيه وكان رئيسه هو الاستاذ موفي حميضان الودعاني " ابو صقر" وكان الشاعر ذاهب من اجل إكمال اجراءات تسجيله بالضمان وعندما أقبل على مكتب المدير وجد بعضاً من كبار السن (رجال ونساء) في انتظار الدخول لمكتب المدير العام للتسجيل في هذه النفقة المقطوعة من الدولة لكبار السن والمعوزين والمرضى ومستحقينها ، مما حدا بالشاعر لأن يعيش معاناة هؤلاء الكبار وقام بتحضير قصيدة ودخل على ابو صقر (المعروف بوقوفه الطيب في مثل هذه المواقف ومساعدة المحتاج وكبار السن) ومدحه بأبيات وشكا له حال مثل هؤلاء الكبار في السن وقدم حاجتهم على حاجته :-

يالله يامنشي هبوب البشاير = طالبك غيثٍ ينهمر ماه مدرار
ياعالم بامر البشر والمصاير = عز القلم من عزتك قيد الاشعار
من بعد ذا وجّه لراعي الجباير=موفي على الثنتين يانسل الاحرار
يابو صقر والوقت لاصار باير= تستاهل الجزلات ماسقت الاعذار
ماقد حسبت أرباحها والخساير=لا درتها تندار تندار تندار
حي الرجال اللي تقيل العثاير = خبّر بها عني طويلين الأعمار
تشكي الحرار من الزمن والحراير = تنخا هل الطولات وافين الاشبار
وياشين ناسٍ ينزعون الستاير = قم لا عدمتك جارك الله من النار
راعي الصبر كبده عليها مراير = عثرةٍ صغير وطاح باسبابها كبار
تمت ماغير ابيات والدم فاير = وش قيمة الاصفار لا صارت يسار

 

 

 

 

[معلومات العضو ابن شميعان]

صح لسان / مبارك بن عبدالله بن محمد الدوسري

ولا هنت يابو عبد المحسن على نقلك للقصيده وبارك الله فيك

تحيااااااااااتي لك

نايف ابن شميعان

 

 

 

 

[معلومات العضو هادي جدا]

بيض الله وجهك يابن مسعر على هذا النقل الجزل و المتميز من انسان جزل و متميز . وصح لسان مبارك بن عبدالله الدوسري . وابوصقر يستاهل كل علم غانم وقف مع هل الوادي أيام فترة التقديم الأوله وقفه والله يعجزون عنها ناس واجد . لدرحة أنهم نفلوه ولا أحد يخفاه الشي هذا الله يكتب اجره ويرزفة ابوصقر . أخوي راشد لا تحرمنا جديدك المتميز ياكحيلان

 

 

 

 

[معلومات العضو يحيى الودعاني]

صـــــــــــــح لسانه مليون

الله يغني فقراء المسلمين من فضله و لا يحيجهم لحد


بيض الله وجهك على النقل

لاهنت

 

 

 

 

[معلومات العضو عبدالله الفاران]

لسان / مبارك بن عبدالله بن محمد الدوسري

ولا هنت يابو عبد المحسن على نقلك للقصيده وبارك الله فيك

تحيااااااااااتي لك

 

 

 

 

[معلومات العضو ابوبدر المصارير]

يستاهلون الوداعين عز الله دائم سباقين للعلم الغانم ويستاهل المدح ابو صقر

وصح الله السان الشاعر الجزل اللي نشر عن هذا العلم وهذي من ابلغ وسائل النشر للعلوم الطيبه

وبيض الله وجهك يابو محسن على ايراد القصيده ومحتواها والله يعطيك العافيه

 

 

 

 

[معلومات العضو ابو عمر الشمري]

تمت ماغير ابيـات والـدم فايـر
وش قيمة الاصفار لا صارت يسار


يستاهل الطيب المدح ,, لاهنت على النقل ,,,