هذا وشكله ماحداني عن النوم

[معلومات العضو دغش البطي انتقل الى رحمة الله مساء الاثنين الموافق 8-1-2007 رحمه الله واسكنه فسيح جناته]

ياسعود كان الناس حطّوا بي إعلوم=في غيبتي ياطول ليلٍ سرو به
فأنا ثقيل الروز مانيب منجوم=بأقول : زيدوا بالعلوم الكذوبه
مانلحق المغتاب شرهه ولالوم=حيثه لنا عدًّ قراحً شروبه
صلى وزكى وأتبع الحج بالصوم=ولسانه أهدالي الأجر والمثوبه
هم ياكلون العرض والعرض مسموم=ماخافوا المولى ولافكرو به
لادين ينهاهم ولاعرف وإسلوم=يلقون في الغيبة حلاة وعذوبه
الضيف لاجاهم مقدّر ومحشوم=ومن يوم حرّك موتره شرشحوبه
تلقى الردي يغتاب شجعان وقروم=يسرد مساويهم وينسى عيوبه
وهو نهار الهوش ماينطح القوم=لاشافهم قامت تراعد إجنوبه
هذا وشكله ماحداني عن النوم=وأهل الوفا والطيب ماعبّرو به
ولو البشر طرمان ماشفت مهموم=عاشوا رفاقه في حياةً طروبه
لكن طبيعة في البشر دايم الدوم=في كل بلدان العجم والعروبه
محدن من إهروج المخاليق معصوم= الله . وهو رب الخلايق . حكوبه

	الشاعر الكبير : برق الجنوب لله درك من شاعرٍ راقي ومبدع ولو أنها ليست بغريبه عليك يالسنافي والكبير يبقى كبير والجبل مايهزه ريح،،،،، قصيدة تحمل من الدرر والجزاله والحكم مايجملها ويجمل شاعرها وفيها رسالة مباشرة لمن إعتاد على أكل لحوم البشر والعياذ بالله وكم يؤسف المرء عندما يرى هذه النوعية اللتي تكلمت عنها منتشرة وموجودةٍ في مجتمعنا الأسلامي وبكثرةٍ شديدة ،،،، ولقد قال الله عنهم ( أيود أحدكم أن يأكل لحم أخيه ميتاً فكرهتموه ) الآية صح الله لسانك مليون × مليون ولايكفون

 

 

 

 

[معلومات العضو فراج بن فهد آل تركي]

المشاركة الأصلية كتبت بواسطة دغش البطي

صح بدنك ياأبوبطي ووالله إن الكلمات تقف عاجزة حسيرة عن التعبير

كل ماأستطيع قوله هو إن كان هناك في القصيدة مايستحق الإعجاب

فإنما أتى من سماع وقراءة قصائد كبار الشعراء أمثالك......


أسأل الله أن يجنبنا وإياك مايبطل أعمالنا من غيبة وغيرها

وأن يجعل أعمالنا وأقوالنا خالصة لوجهه الكريم

تقبل خالص شكري وتقديري

أخوك برق الجنوب