تزوج الأبــكار مادمت شبعــــــــان *** وأم العيال في بيتها والبزارين

[معلومات العضو المبيعيج]

تزوج الأبــكار مادمت شبعــــــــان=وأم العيال في بيتها والبزارين
ياسامع مني نصيـــــــحة وبرهان=لشبابها وشيبانها والبخيلين
خسران ياللي تجمع المـال خسران=ماتنفعك دنياك والعمر سبعين
ولدك مرتاح بها وانت شقيــــــــان=عندك عجوز وجامع لك ملايين
تجي من اعمالك إلى البيت زهقــان=تبي قدوع وقهوة وشاهي زين
تطلب غداك من الفجر وانت جوعان=قطعة دجاج مثلج ورز بصحين
زوجتك عجوز كالهزيلة من الضأن=تلج وتخاصم تقل تطلبك دين
تشكي ضهرها والمفاصــل وسيقان=والضغط والسكر مع منطق شين
وعيال بنتك عندها تقل فيــــــــران=تخرب كما خرب سد مأرب شياطين
تكسر فناجيل ودرايش وبيبـــــــان=صجة ولجة عند وجهك وبزارين
قم واستعذ بالله من كل شيطـــــان=اظهر وخل البيت وانص الديايين
تلقى سماط وكبسه ولــحم خرفان=من رأس مالك يخصمونه من الدين
متع حياتك قبل يارثك قطـعـــــــان=لاشاف جثمانك على القـــبر بكفين
يأخذ بناتك والمهر منه طفـــــران=يتهنى بمالك وأملاكك والملايين
ويفرش له فراشك وبيتك له اسكان=يتنعم بثروتك وحلالك يامسيكين
تزوج الأبــكار مادمت شبعــــــــان=وأم العيال في بيتها والبزارين
اغنم وخذلك بنت بكر على شـــــأن=تلقى بساتين ثمرها فيتامين
وكل مااقبلت تفز ولو انت تعبان=تعطف عليك وتهمزك بملس اليدين
رشف العسل بين الشفايا والأسنان=الله جعل فيها الشفا للمصاخين
ورص النهود وصك فتنة بفتنان=ينزل عطاس الرأس وصماخ الأذنين
الذ من البارد على كبد عطشــــان=وأحلى من الوجبة بعد جوع يومين
همهم وحبحب وارتعش تقل سكران=محروم من شوف البنات المزايين
انسامهن عنبر ومسك وريحــــــان=من جرب الأبكار عاف ام خمسين
وإن جاء عجوزه نام عند ام عثمان=من ذاق لحم الريم عاف البعارين
يرجع شبابك والمنولن كما كـــــــان=يدق سلـــف مايبي دف بيــــدين
تمتع بدنياك حيد العمر فــــــــــان=اكرم عيالك والرحــم والمساكيـــــن
لابد من يـــــوم تحزم بالأكفــــــــان=وتحط في قبر على عمـــــق مترين
اموالك جمعتها بمساهمات وبنيـــــان=وتراك مسئول عن الزين والشين
ينعم بهــــا الـوارث بنات وصبيـــــان=وعيال بنتك يوم الأحزان فرحـــين
مالك سوى ماأكلت وأبليت وإحسان=على الفقير وطعت ربك على الدين
وصلوا عدد ماعلت الســــحب وديان=على النبي اللي هـــدانا إلى الدين ..

 

 

 

 

[معلومات العضو الودعاني]

تـزوج الأبكـار مادمـت شبعـان
وأم العيال فـي بيتهـا والبزاريـن
اغنم وخذلك بنت بكر علـى شـأن
تلقـى بساتيـن ثمرهـا فيتامـيـن
وكل مااقبلت تفز ولو انـت تعبـان
تعطف عليك وتهمزك بملس اليديـن
رشف العسل بين الشفايا والأسنـان
الله جعل فيهـا الشفـا للمصاخيـن
ورص النهود وصك فتنـة بفتنـان
ينزل عطاس الرأس وصماخ الأذنين


عز الله ان شاعرها ملهود وقده يبي العرس ولكن الله يعين والحال عند بعضهااا
مشكور المبيعيج على القصيدة

 

 

 

 

[معلومات العضو أبوفهيد الودعاني]

اغنم وخذلك بنت بكر علـى شـأن=تلقـى بساتيـن ثمرهـا فيتامـيـن
وكل مااقبلت تفز ولو انـت تعبـان=تعطف عليك وتهمزك بملس اليديـن
رشف العسل بين الشفايا والأسنـان=الله جعل فيهـا الشفـا للمصاخيـن

انا اشهد انه صادق ومايلام

المبيعيج صح لسانك ولسان

قايلها ولاهنت ،،،،

 

 

 

 

[معلومات العضو المبيعيج]

الوعاني الله لايهينك على المرور وشكراً على الرد ويامرحبا بك في المنتدى

 

 

 

 

[معلومات العضو المبيعيج]

البراق الله لايهينك على المرور والله يبيض وجهك

 

 

 

 

[معلومات العضو ناصر فياض الودعاني]

ههههههههههههههههههههههههههههههه


صدق عينه عزالله انه صدوق


لاهنت يالمبيعيج

لك مني كل الود

 

 

 

 

[معلومات العضو alriyad]

.. { امحق نصيحه

وبعض الرجال مايبي له وصاة قليل خاتمه ينفذ على طول} ..

 

 

 

 

[معلومات العضو محمد بن سالم الخضراني]

انشهد ان الشاعر مدبولة كبده

لاهنت يالمبيعيج

 

 

 

 

[معلومات العضو الهول الودعاني]

صح لسانك يالمبيعيج

ايه والله انها مدبولة تسبده

 

 

 

 

[معلومات العضو الشقرديه]

الف عافيه على القصيده لاهنت