|
|||||||
24-06-2009, 10:30 PM
|
#1 | ||||||||
|
اخترت قصيدة الشاعر مهل المصارير الدوسري
الله مــن قــلبٍ وزا به مــليـلـــــه كثرت هواجيسه وروحي اكلها هات القلـم واكتب بيوتٍ جـزيلــه بــيوت شعرٍ والردى مادخـــلـها بـيـوت مـنقيه ولـوهـي قـليـلـــــه نـصايحٍ تـهدا عـلى اللي قـبلـها أشوف لي وقتٍ غريبٍ مـديلـــه وشوف لي دنيا على الله عدلها دنيا علي الاجواد راحت سحيلــه محدٍ يميز مـرها من عسـلـها كثرت مشاكلها وصارت طويلــه واسباب قـل الدين ضيع أهـلـها ان اقبلت كنها ســحاب الــمخيلـه مزنٍ على الوديان سيل فـحلـها يشدي نبـات في شـغايا مسيـلـه مـتخالطٍ نـوارها مــع نـفـلــها وان أدبرت فيها سيوفٍ صــقيلــه تظرب بحد السيف محدٍ سألها كــم صـــفةٍ راحــت بليا عـقيلــه راحت بهم الايام يمرس عجلها دنيا تفــرق الــعميل وعــميــلــــه والله يعلم ويش تالي عــملـها مــعاد تـصفي للـخليـل وخليـلـــه عشره ليالي مـايطول أمـلـها جانا زمــان مــاعــرفنا لجيـلـــه ناسٍ عــلى الدنيا كثيرٍ جهلـها خلت فروض الوقت دون النفيلـه وان سمعت المذن تزايد كسلها تحلق لحاها والـملابس طـويـلــه ولاعاد تعرف نوقها من جملها وعـيال الحمايل ما تهاب الـفشيـلـه والذيب يصبح خايفٍ من ثعلــها وجانا من المـغرب أمورٍ مهيــله ومخططات الغرب جتنا احيلها وغــزوٍ يراودنا على كل حيلــه جاب المعاصي والمشاكل دبلها جــيل على الاســلام يغلي غليله الله يبــطل كــيدهــا ويــخذلـــها ضيــع شباب ناشٍ عــزتــيــلـه قلد اسلوم الغرب حتى وصلها خطوى الصبي لا جاك عاين زميله كلٍ على شكله دروبه جدلــها أما غشاه اللــوم عــند الحــليــلـه واللى رقا العليا بعالي مثلــها من دور الــعليا بدرب الجميـلــه دروب المراجل عز للي فعلها ومن دور الهسات يلقي الفشيـلـه ومن دور العالات يلقى بدلها ومن طـاوع الشيطان ضيع دلـيـله وضيع حياته بين تايه شللــها والمــرجـله والدين عــز وفضيـلـه والله عوين اللي جهوده بذلــها وكثر التعـاون عــز بية وسيـلـــه ربع هداها الله وعزه شملـــها وكثر المشاكل مـا تعــز الـقبيـلــه وكثر التفرق للجموع يخذلـــها وربــع بلا عـقال مـاهـي دليلــه وربع بلا جــهال يكثر فشلــها ورجل بلا ربع عزومـه قـليـلـه ويمناً بلا يسرا عطيبٍ شللها يصبر على العجفا لوهي هزيلـه ويصبر على جور الليالي وميلها ويصبر ولو جاه من الناس عيله ويسايس الــدنيا ويترك زعـلــها من خوف لا تصبح حـياته ذليلـه وما يقدر الصعبات لجا نكلها ويا مـن على ربعه دبوره يشيلــه متكابرٍ نفسه ويــتبــع زللها مـاجرب الــدنيا عصـــور الدبيـلــه يوم الحرايب كل نارٍ شعلـــها واليوم في الاسلام يسحب شليله ويقول أنا عنتر بماضي جهلها متكابرٍ راسـه عســا الله يزيلــه مــاقدر النعمه وروحــه سألـها ويش الـذي نهار القيامـــه يجيلــه نارٍ وجنه وفي حديهن نزلها أمـا دعـي عــليـه وللى دعــيلــه وكلٍ يواجه سمعته ويحملـــها تمت وصلــوا عـد وبل المخيلـــه وعداد عشب نابتٍ في سهلها تقبلو تحياتي
|
||||||||
|
|
|
|
25-06-2009, 04:08 PM
|
#2 | ||||||
|
رد: اخترت قصيدة الشاعر مهل المصارير الدوسري
اقتباس:
|
||||||
|
|
|
|
25-06-2009, 05:19 PM
|
#3 | ||||
|
رد: اخترت قصيدة الشاعر مهل المصارير الدوسري
لاهنت أخوي الادريسي على اختيار القصيده الرائعه ,,,,
|
||||
|
|
|
|
25-06-2009, 05:57 PM
|
#4 | ||||||||||
|
رد: اخترت قصيدة الشاعر مهل المصارير الدوسري
اقتباس:
|
||||||||||
|
|
|
|
25-06-2009, 06:00 PM
|
#5 | |||||||||
|
رد: اخترت قصيدة الشاعر مهل المصارير الدوسري
اقتباس:
تسلم يا الغالي بمرورك العطر
|
|||||||||
|
|
|
|
25-06-2009, 11:16 PM
|
#6 | ||||||
|
رد: اخترت قصيدة الشاعر مهل المصارير الدوسري
صح لسان شاعرها ملايين
قصيده طيبه ولاهنت على نقلها ياخوي
|
||||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 02:44 PM
