قاعدة نظام الجهله .... الاذلاااال !

[معلومات العضو الزين]

لاهنت يالكنق وبيض الله وجهك
يمكن انا اختلف معك بخصوص الموظفين في الجهات والشركات الخاصه

من الشروط الاولي لتعينهم هو ان يكون لديه اللباقه وانه يحرص على ارضاء العميل ويمكن بعض الاحيان يتحمل غضب المراجع ولايقدر يسوي شيء لان هذا بيوقف مصيره
يعني اي ملاحظات عليه مسكوه الباب وبكل سرور لان هالموظف بداله عشر

المشكله في المؤسسات والوزارات الحكوميه يمكن يكون ذا الموظف لا شهاده ولامركز
يمكن وظيفه هامشيه (انا مانيب ضد الوظيفه لكن ضد الاسلوب ) لكن ياخوي اذا جيته تحس انه متقمص شخصيه الوزير والا المدير ويعطل المعامله علي شيء مايسوي

ذا الشيء يتوقف علي شخصيه الموظف ان كان يعاني من مشاكل نفسيه وعدم ثقه بالنفس
اذا جاء له مراجع وكان في حاله ونتقدر نقول مسالم تفرعن عليه وفرد عظلاته وحاول يبين للموظف انه شيء مهم وان المعامله متوقفه عليه
اما اذا جاء ذا المراجع اللي الشرار يتطاير من عيونه خلص له المعامل وغصب موب طيب لانه يعرف مافيه مجال

مانقدر نقول الا الله يهديهم ويصلحهم وان ذا الموظف مسئول عن كل عمل يقوم به وانه محاسب امام ربه

 

 

 

 

[معلومات العضو king]

المشاركة الأصلية كتبت بواسطة الزين

لاهنت يالكنق وبيض الله وجهك
يمكن انا اختلف معك بخصوص الموظفين في الجهات والشركات الخاصه

من الشروط الاولي لتعينهم هو ان يكون لديه اللباقه وانه يحرص على ارضاء العميل ويمكن بعض الاحيان يتحمل غضب المراجع ولايقدر يسوي شيء لان هذا بيوقف مصيره
يعني اي ملاحظات عليه مسكوه الباب وبكل سرور لان هالموظف بداله عشر

هلابالزين
ودي اقتنع بس يمكن شركاتكم غير بعض شركاتنا
لكن موظفين الشركات اوالجهات الخاصه وبالذات اللي بعيدين
عن الاعين المراقبه يكونون افضع
عموماً اضافه وبالذاات بالجزء الاخير من التعليق وفت وكفت وهذا الحاصل
شاكر تواصلك واضافتك الرائعه المثريه لماطرحت
وممنوونك ومنووره دوم