قصيدة الحفل

[معلومات العضو تركي هذال بن نيف]

المشاركة الأصلية كتبت بواسطة حسن بن بطحيّه الودعاني

يا وجيه الخير يا الاجواد يا الجمع الغفير=يا ظنا زايد وتغلب يا عزيزين المقام
يا سلام الله عليكم من كبير ومن صغير=والضيوف الحاضرة نثني عليهم بسلام
بالنيابة قلتها باسم (الوداعين) الشهير=ربعي اهل العز والطالات في يوم الزحام
لابةٍ في ذمتي ما هيب فيكم تستشير=دايم تدعم توحدكم وتدعم الالتحام
في ضيافة شيخ وابن شيوخ ومقدم سفير=(ضاري ابن حطيم ضاري) ما يحوش إلا السنام
قدمه فعله لا قيل إن الكبيرة للكبير=وإنتهض من طيب راسه وأشهد إن العود قام
قام قومة من يوردها على الجمّ الغزير=لوم عيني (يالغييثي) فيك عيني ما تلام
كيف لا (يا اهل الثمان) وفعلكم ماله نظير=الله إللي حطكم للقوم والعايل إخزام
من شمال احدودنا سدٍ كفيتونا المغير=عزوة (إبن غياث) مرهبة الجموع ولا تضام
يا الدواسر يا الكواسر يا مدلهة القصير=جعل جمعاكم على عز وطاعة واعتصام
صبحكم صبحٍ تنفس بالثنا مسك وعبير=وليلكم عسعس على مجدٍ تصادمه الغمام
يا الدواسر عيبكم واحد وربي به خبير=ما تركتوا للقبايل شي لا شرق وشام
أتركوا للقوم شي تفتخر بامره مثير=لجل محدٍ يختلس منكم الأسامي و الوسام
مدحكم لو مدحكم ينقاد بالسلك الحرير=يعتبر مدحٍ لنفسي ما بغيته يا الكرام
الشهادة لكم مجروحة ولا تخفى بصير=حيثني منكم واليكم وانتو لمثلي حزام
بس أنا ما جيت أدور ضوء وفلاش وصفير=مقصدي سامي وكسبي ما يجي فيه إقتسام
جيث وأبغى قول كلمة تقرع بوسط الضمير=و واجبي يفرض علي أقولها حسب النظام
من هنا بدعي خيار القوم من شيخ وأمير=دعوةٍ يشقى بها الطيب عساها فيها تمام
ودنا يكمل تجمعكم ويثمر كل خير=للمريض وللفقير وللأسير بكل عام
والمهور إللي طغت وش لون يقواها الفقير=من ضحاياها العنوسة والشباب أعرض وشام
التناحر والتنافر والتخاصم ما يصير=والتسامح والتواضع سيرة إرجالٍ عظام
المشاكل كوم ما يقوى يقوم بها البعير=والحلول إقبالها واجد تبي عزم همام
عالجوها وابتدوا من اليوم تقرير المصير=لا تخلون الحمل فوق الجمل ماله اخطام
لتكافل والتقدم عجلوا حث المسير=بارك الله جهد من يسعى لتحقيق المرام
الأمل فيكم كبير بقدرة الحي القدير=فكرة الموضوع مطروحة ومنكم الإهتمام
قبل ما انسى باقي شي بقوله ما يضير=ساعد اهل الحفل بالتنظيم من دون إصطدام
الوسيلة ما تبرر غايتك لو قلت غير=والتجمهر صورة ما هيب تعكس الإحترام
التجارب واضحة من يذكر الحفل الأخير=والنجاح من التجاوب حسب دقة الإلتزام
ودي إني خاسرمن غالي الغالي كثير=وانكم أنتوا فوق فوق الفوق ما فيها كلام
قلتها وجهة نظر وأرسلتها عبر الأثير=يا عسى مسك الختام يكون في مسك الختام

اخوي / حسن بن بطحيه

اسعد الله اوقاتك بكل خير

بيض الله وجهك على هذه القصيده الجزله ومن جزل وتشرفت بسماعها في الحفل

واسعدني حضورك 0

تقبل مروري

تحياتي لك

تركي بن هذال بن نيف

 

 

 

 

[معلومات العضو حسن بن بطحيه]

المشاركة الأصلية كتبت بواسطة تركي هذال بن نيف اخوي / حسن بن بطحيه اسعد الله اوقاتك بكل خير بيض الله وجهك على هذه القصيده الجزله ومن جزل وتشرفت بسماعها في الحفل واسعدني حضورك 0 تقبل مروري تحياتي لك تركي بن هذال بن نيف الله يصح بدنك صحة تامه يابو هذال والله يا خوك مايسليني في البعد الا ردودكم اللي القابها العوض وتشالي حالي وانت شهادتك بعشر ياتركي للشاعريتك المشهودبها اطربني كلامك وانت ماعليك زود دمت ودام تواصلك..