أسمحولـــي يــالــدواســــر هنــــا

[معلومات العضو محمد العاطف القحطاني]

	السلام عليكم . مرحبا ياربعي الدواسر الكرام . اسمحولي أرسل هاذي الرساله العاجله للشاعر الواعد / سلطان الدوسري الموقر . المشارك في برنامج شاعر المليون . الحلقه القادمة أنت مشارك والله يوفقك ويسدد خطاك ولاكن تراك تحمل امانه ومسؤولية كبييره وعليك يااخونا سلطان تحسن اختيار القصيده وحسن طريقة الظهور وعدك الارباك او الخوف من الجمهور والربكه وانا ماالومك وسبق الكثير من الشاعر حصل فيه ربكه من اول ظهور له واخفق بعدها . نريد منك ياسلطان ان تكون واثق وتكون القصيده رساله عادله يستمتع منها الجمهور . شد حيلك ياأبن الدواسر فا والله للي يفرح الدواسر يفرحنا نحن قبيلة قحطان . والله يوفقك ويسدد خطاك ويرعاك . أرجو ان توصله الرساله هاذي وهي تعبير له شخصيا وودعم للقبيلة الدواسر الكرام . أخوك // محمد القحطاني من دولة الكويت . وفقك الله ياسلطان

 

 

 

 

[معلومات العضو المطنوخه]

امين الله يوفقه والف عاااافيه اخوي على طرحك..

 

 

 

 

[معلومات العضو نجــــــــــديه]

جعلك تحياا ياسهود من طيب اصك وحسن ذاتك لاهنت
وهذه المشاعر الطيبه تبين معدنك الاصيل
نشكرك على هذه البادره
والله يوفق سلطان
وفاله البيرق ان شاء الله

 

 

 

 

[معلومات العضو أبو سعود الودعاني]

بادره طيب

اخي الكريم

ونسئل الله جلا وعلا ان يوفق شاعرنا المبدع

سلطان المسعري

 

 

 

 

[معلومات العضو محمد النتيفي]

الله يوفقة امين ويوفق الكاتب العزيز ..

 

 

 

 

[معلومات العضو عبدالعزيزالمسعري]

لاهنت والله يابن قحطان
والله يوفق أبوحسين
وفاله البيرق والمليون

تحياتي
عبدالعزيزالمسعري

 

 

 

 

[معلومات العضو العماني]

بيض الله وجهك اخوي محمد على هذه النصيحه الطيب وان شاء الله اخونا سلطان بن حسين الدوسري واعي لهذه الأمور والمثل يقول اطلق الحر ولاتوصيه .

والله لايهينك على مشاعرك الطيبه والصادقة الغير مستغربه منك دائما ً اخوي محمد.

تقبل تحياتي،،

 

 

 

 

[معلومات العضو دوسري مميز]

بادره طيب

اخي الكريم

ونسئل الله جلا وعلا ان يوفق شاعرنا المبدع

سلطان المسعري

 

 

 

 

[معلومات العضو خلاّد الزايدي]

الله يوفق أخونا سلطان وهو خير من مثلنا ويمثلنا في هذا البرنامج

شاعر جزل وذرب وتظهر عليه إمارات الدوسري البدوي الأصيل وتوه في
أول شبابه ومزيون .... ماشاء الله تبارك الله ....الله يستر عليه من عيون
الناس

وأنا أوصيه بالإكثار من قراءة القرآن والتحصن بالأذكار الشرعية وأذكار الصباح
والمساء سواء في ذلك اليوم أو ماقبله وبعده لأنه وقاية له إن شاء الله وتعينه
أيضا على عدم الإرتباك فقد لاحظت أنه مرتبك بعض الشيء حين إلقاء قصيدته في مقابلة التصفيات وقد يكون هذا لأنه تلك المرة كان جديدا بالنسبة لللجنة والجمهور
أما الآن بعد موقفه المشرف مع حمد السعيد فهو أصبح معروفا لدى الجميع والكل يعترف ويشيد بشاعريته وسرعة بديهته وأعتقد أن الجميع بمافيهم اللجنة لم ولن ينسوا اسمه ورسمه بعد رده الجزل الوافي على الأستاذ حمد السعيد
فلذلك أعتقد أن سلطان قطع نصف المشوار وعرف بنفسه تعريفا وافيا وكافيا
وكل ماعليه الآن حسن اختيار القصيدة والتدرب جيدا على القائها
وفقه الله لكل خير

 

 

 

 

[معلومات العضو ابوهادي الودعاني]

امين الله يوفقه والف عاااافيه اخوي على طرحك..

 

 

 

 

[معلومات العضو مانع الولماني]

امين

الله يوفقة بس هووو بعد يحتاج تصويتكم

 

 

 

 

[معلومات العضو الـزمـامـي]

وعليكم السلام

والله هذا من طيب اصلك يالقحطاني وهذا شي مو غريب منكم

والله يوفقه ان شالله

 

 

 

 

[معلومات العضو مبارك الخييلي]

أرررررحب يابو عمر القحطاني


كثر الله من أمثالك



لاهنت طال عمرك على هذه البادره الغير مستغربه منك يالغالي



ونسئل الله أن يوفق شاعرنا سلطان المسعري ويسدد خطاه


وفااااااااله البريق بأذن المولى


لاتحرمنا من جديدك يالغالي



تقبل شكري والتقدير

 

 

 

 

[معلومات العضو محمد بن حمد الشكرة]

أخوي الغالي محمد القحطاني لاهنت وبيض الله وجهك وجعل اللي جابك في الجنة على مشاعرك الطيبة وأنت من لابة لها تاريخ عريق عيال مضيم قحطان وتستاهلون الناموس والفخر والله يوفق سلطان بن حسين ويستاهل البيرق تقبل تحياتي

 

 

 

 

[معلومات العضو دوسري حكيم]

علمك غام ياصبي قحطان ولاهيب غريبة على الاجواد الكلام الذرب والطيب
وياسلطان والله ماسجلت في المنتدى الا من اجلك ويعلم الله مهوب تعصب لكني سمعت قصيدتك في التصفيات وعرفت انها قصيدة شاعر ذرب وتستاهل كل خير
واكثر اللي بخاطري قاله سهود ومهود ولكني باضيف القليل في شكل نقاط
1- مثل ماقال سهود ومهود اترك الارتباك ولاتشيل هم ولا تنظر للفوز نهائيا (وانت تستحقه بلا شك) ولكن مجرد ظهورك في هذا البرنامج الضخم وانت في هذا السن يعتبر فوزا عظيما لم يحصل عليه غيرك
2- ابتعد نهائيا عن السياسة في مواضيع قصائدك واتركها في بداياتك وخصوصا في هذا البرنامج
3- عليك بالنصائح العامة الدينية والاجتماعية وكذلك المواضيع العاطفية وابتعد عن السياسة مرة اخرى
4- رتب اوقاتك جيدا وخصوصا رحلاتك واوقات نومك (واياك والسهر) وحاول الحضور قبل بدء البرنامج بوقت كافي لكي تشعر بالراحة وعدم الارتباك
5- لا اريد الاطالة عليك اخرا اوصيك ونفسي بتقوى الله في السر والعلن والله الله في الصلاة الصلاة الصلاة فهي خير من الدنيا وما فيها
وفالك البيرق ان شاء الله وتقبل تحياتي