الذكرى .. ياسعود !!

[معلومات العضو نايف الفصام]

المشاركة الأصلية كتبت بواسطة كلاش

السلام عليكم ..

أعلم أنها لاترقى لمستوى الذائقه , ولكنها ولدت هذه الليلة

بولادة متعسره , ولعل ذلك مايشفع لها تشوهها الأدبي ..

على شاطيك يالذكرى العذيه جيت أحث خطاي=هروبٍ من جهنم واقعي وأرجوك ذريّني
دخيلك جيتك من أقصاي ياذكراي لين أدناي=زبنتك من عقب تاهت من المسرى عناويني
تجلّدت وصبرت أخاف لاتشمت علي أعداي=وصرت أشكي همومي للزمن وأثره معاديني
له الله من زمانٍ مارحمني يوم سمع بكاي=عبس وجهه وصد ولا ألتفت يمي يشكّيني
وأنا من قبل ألومه لمت نفسي ليه أعاف الراي؟=وليه أكما الجروح النازفه بأقصى شراييني؟
مابين الجرح وصروف الزمن وانصاتتي للناي=ومخايل بارقٍ وبله لغيري ضاعت سنيني
على رغم الجروح ألي تجاذب للعوا بأقصاي=وهمومٍ تنهش الخافق مثل جوعى السراحيني
أعزي من توفى ميّته وأنقل بحثلي داي=وأموت ألفين مره ما لقيت ألي يعزيني
آثرت الغير وبنفسي خصاصه من كبر بلواي=وليا دقت هواجيسي وترها جاوبت عيني
وشفت الناس غيرّها الزمن وأنا على مبداي=أقاوم مير وين العافيه عني وأنا ويني
غدتبي دروبي ألي كلها مابين رايح جاي=ولا أدري وين دربٍ جابني حتى يوديني
وتنكرلي رفيقٍ ذاخره لاغطلست غدراي=وخلاني وأنا ألي ماهقيت أنه يخليني
أحسب أنه يميني بكربتي ون عوقّت يسراي=لكنه للأسف قفّى ولا أقفى الا متقفّيني
بنيت آمال في دنياي مير الياس هد ابناي=وقمت أوفي بعد فلست من ياسي دياييني
هقيت أني أجيب اللولو من غبة بحر دنياي=ورماني موجه الطامي على سِيف الثلاثيني
تسابقني سنيني والطموح معجّلٍ ممشاي=ولافتّحت عيني الا سنين العمر تنعيني
وعقب ضاقت فجوج الكون جيتك زابنك ذكراي=دخيلك بين حلو أيامك العذبات حطيني

الشاعر الجـــــزل كلاش


كل هذا ومشوهه ادبياً !!!!!!!

صح لسا11111نك مدد مهوب عدد وصح لسا11111نك لين ترضى

ابداع xابداع

ماخليت انت للابداع شي ... وانشهد انك تجيب اللولو من غبة البحر


سجل اعجابي بكل كتاباتك الجديده والقديمه

واعجابي بتوقيعك

احترامي وتقديري لشخصك الكريم ...

 

 

 

 

[معلومات العضو كلاش]

المشاركة الأصلية كتبت بواسطة دوسري مطنوخ

الشاعر الجـــــزل كلاش


كل هذا ومشوهه ادبياً !!!!!!!

صح لسا11111نك مدد مهوب عدد وصح لسا11111نك لين ترضى

ابداع xابداع

ماخليت انت للابداع شي ... وانشهد انك تجيب اللولو من غبة البحر


سجل اعجابي بكل كتاباتك الجديده والقديمه

واعجابي بتوقيعك

احترامي وتقديري لشخصك الكريم ...

يادوســري مطنوخ من ترثة شيوخ &&& مـاكر حـــرار مجـرّباتٍ فـراخه
وقتٍ مضى لباّسة الطاس والجوخ &&& والعايل المطنوخ تاطا صماخه
يفداك لاشٍ دلـخ من مجذب دلـوخ &&& ساسه ردي والقلب حقد ووصاخه


يامرحبا ياالمطنوخ وعقب عرفتك وعرفت أنك من هالحموله الكريمه

فوالله لو أكتب من هنا لين هناك ماأوفيك حق الطيب ألي ملكتوه

وملكتّوه غيركم بسموحة أنفسكم , وأنتم لكم حق الثناء على

كل دوسري تهمه الدوسريه ، وأعجابك بمتواضعة أخوك وثنائك

على كتاباته من حسن ظنك فيه ومن كرمك وطيب ذاتك