اهدى للمنتدى من الشاعر / فهد بن مطلق المصارير

[معلومات العضو ابوبدر المصارير]

السلام عليكم ورحمة الله وبركاته
إهداء خاص من الشاعر الشاب والمتميز / فهد بن مطلق المصارير
وحصريا لمنتدى قبيلة الدواسر الرسمي
هذه ألقصيده وهي مشاركته في حفل عيد الفطر المبارك بمحافظة الخرج
اثر تلقيه دعوة من الجنة المنظمة
في وقت ضيق ووقت عباده وهو من أهل الخير ويحرص على مثل هذه الأوقات
وما كان منه إلا هذه الرائعة
وقد خصنا بها ووعدنا خير بان ينضم إلا هذا المنتدى الراقي
وهو متابع للمنتدى ومتجنب الإعلام ,,,
شكر لك يا (( أبو طــلال )) وفي انتظار تشريفك

إلا القصيدة

يامرحباً بك يارفيع المقامي=ما لاح برق وغرّد الطير بالحون
ارحب تراحيب المطر في الغمامي=مهوب لا ألف ٍ ولاهوب مليون
عد البشر عد الحجر والحمامي=ماتنحصي أعدادها لو يعدون
عاداتكم تشريفنا كل عامي=وعاداتنا نجب لكم ما تريدون
لله در العيد عقب الصيامي=في عامه الهجري بتسعة وعشرون
عقب الألف وأربعمية بالتمامي=عيد الفطر عيدين بالطعم واللون
عيدك مبارك ياالأمير العصامي=ولي الشرف اقولها لك وممنون
رجل ٍ عظيم ٍ من ارجال ٍ اعظامي=آل السعود مطوعة كل مجنون
معرب ٍ مابين خال وعمامي=أصل وفصل قول وفعل مابه اظنون
هذاك إبن ناصر حفيد الأمامي=راعي الثنا راعي القنا راعي العون
سيرته تكفي عن مقالة إعلامي=منهو صغير وغايته فوق لمتون
شيخ ٍ تنافذ من ذراعه وهامي=هيام منهو بالهوى صار مفتون
معشوقته تصعب على كل رامي=لاهيب لانور ٍ ولاهيب خاتون
شهادة مامثلها في الانامي=شهادة ٍ تسوى شهادات سربون
شهادة القادة بصدره أوسامي=عبدالله وسلطان تسوى لها كون
عقب التعب والجهد حاز المرامي=وصحيح من (جد وجد) ياهل الهون
ذكرت أبو الطيب حكيم الكلامي=اللي ذكر بيت ٍ كما الدر مكنون
على قدر أهل العزم تأتي العزامي=بيت ٍ فصيح معرب ٍ كسر وسكون
من شانكم يامير قلته بعامي=وان شا الله إن اهل الفصاحة يعذرون
في مدح أبو فيصل ترى ما ألامي=وشلون مامدح طيب الذكر وشلون
الخرج قبله كان نصفه هدامي=واليوم من كثر المباني يهدون
جاب الدواير كلها بإهتمامي=شياً بقرطاس ٍ وشياً تلفون
وان مانفع قرطاس فالراس حامي=زيزومها بالفعل ياللي تقولون
من كثر ماشال الحمول الجسامي=يسهر وسكان المدينة ينامون
يعس تالي الليل بعض القسامي=متنكر ٍ لحوالهم لا يشوفون
يخاف من هفوة كثير المنامي=يحط راسه والأوادم يدقون
لله درك يالحكيم الهمامي=يقولها من كان منصف وموزون
ويقولها من طاب عقب السقامي=ويقولها من كان معدم ومسجون
ويقولها من يرتجي له طعامي=من يوم جبت إنسان ماعاد يشكون
ويقولها من راجعوا فالدوامي=ما فيه لا غايب و لا فيه مشحون
وعن كل طالب علم في هالمقامي=أقولها والكل خلفي يردون
الله يديمك بالعمر والسلامي=الخرج محسود ٍعسى مابه اعيون
من دونها من خلفها والامامي=ماتشتكي نقص ٍ ولا تشتكي دون
وكل المناطق دونها كل حامي=حامينها من كل مفسد وملعون
وختامها بعطيك زبدة كلامي=اتميزك ثنتين عن مايسون
ثنتين تجمع بينهن بالخطامي=ثنتين تسوى بالأمارة ثلانون
درعية إبن سعود وقت الظلامي=مؤسس الأولى بتاريخ كانون
شيخ ٍ عدل بين الحلال وحرامي=شيخ ٍ حكم بالدين ماهو بقانون
والثانية منشا الملوك الاحشامي=دار ٍسكنها معزي اللي تعرفون
عبدالعزيز الصيرمي القطامي =في السيح وسط الخرج ساكن ومامون
مؤسس الدولة بـ خيل وجهامي=والرمح والشلفا مع السيف مسنون
من ساحل المشرق لساحل اتهامي=ومن دار قابوس ٍ إلى دار مأمون
أرفع له اعقالي بكل إحترامي=حب ٍ كذا في الله ماهوب عربون
في دمي وجسمي وداخل إعظامي=وأورثه لا صرت في القبر مدفون
والله وبالله وعلي الحرامي=ما بدّله لو تعرض أموال قارون

أخوكم / أبو بدر

تحيااااااتي

 

 

 

 

[معلومات العضو ولد ودعان]

صح السان الشاعر فهد بن مطلق ونشكره على هذا الاهداء ولاهنت يالحبيبي

 

 

 

 

[معلومات العضو ابوبدر المصارير]

المشاركة الأصلية كتبت بواسطة ولد ودعان

صح السان الشاعر فهد بن مطلق ونشكره على هذا الاهداء ولاهنت يالحبيبي

ارحب ياولد ودعان لاهنت ويعطيك العافيه على مرورك الكريم

 

 

 

 

[معلومات العضو السيف دايـم]

صح لسان الشاعر فهد بن مطلق ولاهنت يالحبيبي على نقل الجزل ياجزل.. لاعدمناك...

 

 

 

 

[معلومات العضو شافي القويسي المخاريم]

قصيده في غاية الروعه
صح لسان الشاعر فهد المصارير
ولاهنت اخوي ابو بدر على الطرح
تحياااااااااااااااااااااتي

 

 

 

 

[معلومات العضو ابوبدر المصارير]

المشاركة الأصلية كتبت بواسطة السيف دايـم

السيف دايم ارحب الله لا يهينك ويعطيك العافيه يالقرم

 

 

 

 

[معلومات العضو ابوبدر المصارير]

المشاركة الأصلية كتبت بواسطة شافي القويسي المخاريم

قصيده في غاية الروعه
صح لسان الشاعر فهد المصارير
ولاهنت اخوي ابو بدر على الطرح
تحياااااااااااااااااااااتي

ارحب هلا وغلا يالمنيعي لاهنت والله يعطيك العافيه

 

 

 

 

[معلومات العضو ابو فهد الغييثي]

صح لسان الشاعر فهد بن مطلق

ولاهنت يالحبيبي على نقل الجزل ياجزل..

تحيااااااااااااااااااااااتي

 

 

 

 

[معلومات العضو ابوبدر المصارير]

المشاركة الأصلية كتبت بواسطة ابو فهد الغييثي

صح لسان الشاعر فهد بن مطلق

ولاهنت يالحبيبي على نقل الجزل ياجزل..

تحيااااااااااااااااااااااتي

ارحب هلا هلا وغلا يابو فهد لاهنت

وبيض الله وجهك على المرور الكريم

وهذي طال عمرك قطعت قلبي وانا اكتبها

ما نقلتها جعلني قبلك

غالي يابن غياث

للتوضيح هههههههه

 

 

 

 

[معلومات العضو فيصل بن جزاء]

ابوبدر لاهنت على نقل القصيده

وصح لسان الشاعر فهد بن مطلق المصارير

شاعر جزل ومتمكن لله دره

ويشرفنا انضمامه لكوكبة شعراء الدواسر في هذا الموقع

خالص التقدير والاحترام

 

 

 

 

[معلومات العضو محمد الولامين]

صح لسان الشاعر / فهد بن مطلق المصارير

ولاهنت يابوبدر على ادراج القصيده وبيض الله وجهك

 

 

 

 

[معلومات العضو ابوبدر المصارير]

المشاركة الأصلية كتبت بواسطة فيصل بن جزاء

ابوبدر لاهنت على نقل القصيده

وصح لسان الشاعر فهد بن مطلق المصارير

شاعر جزل ومتمكن لله دره

ويشرفنا انضمامه لكوكبة شعراء الدواسر في هذا الموقع

خالص التقدير والاحترام

أرحب يا بو سعد أرحب هلا لأهنت وبيض الله وجهك على المرور الكريم

 

 

 

 

[معلومات العضو ابوبدر المصارير]

المشاركة الأصلية كتبت بواسطة محمد الولامين

صح لسان الشاعر / فهد بن مطلق المصارير

ولاهنت يابوبدر على ادراج القصيده وبيض الله وجهك

أرحب يا محمد أرحب هلا لأهنت وبيض الله وجهك على المرور الكريم