محاوره ناريه بين جهز وبكر الحضرمي

[معلومات العضو محمد القباني]

اخواني اخواتي رواد هذا الصرح السلام عليكم ورحمه الله وبراكاته

حبيت انقل لكم هذي المحاوره الذي جرت بين الشاعرين الشاعر الهرم بكر بن زعزوع الحضرمي وشاعرنا جهز المسعري اتمنا ان تعجبكم


جهزالمسعري


مرحبا ترحيبة ن ياصل صداها كل ديـره
بنيابه عن زبن حييـت يالرمـز المثالـي
يفتخر ميداننا في حضرت الشعر اومديره
سجلووها بصمة ن عظما على طول اليالي



بكرالحضرمي


البقا وشكر هل الطولات فرسان الجزيـره
ياجهز نشكر زبن ونقول يسلم كـل غالـي
احمد الناصر عميد الشعر ويسمى وزيـره
ونت من ربعه معرب بالجدود اوب الخوالي



جهزالمسعري


يابكر لن طال بك مده وكملنا المسيره
يمكن امن اديارنا تنهج وتنوي برحالي
ماعليكم زود لاكن علم اشيوخ العشيره
لاتتطول السالفه بين الايجابه وسوالي



بكرالحضرمي


بالعسر ولا اليسر حنا لنا اسلاح وذخيره
والزمن دوار يدرجها كما ادراج المحالي
يادواسر ماوردنا العد بحبـالا قصيـره
عندنا فنجال مر اوعندنا فنجـال حالـي



جهزالمسعري


الوعد بكره ليا كلن جلس يفرش حصيره
ثم تذكر نعمة المركا على حمر الزوالـي
انت رجالا خدمك ابنك وخيرك عند غيره
ياولد زعزوع فرق بالمطرف والموالـي



بكرالحضرمي


البديوي ناقـل ن شلفـاه ويبـاري بعيـره
يحسبنه سيد العالـم ولابـس ثـوب بالـي
ان حصدنا زرعنا نمشي على نور وبصيرة
ونت خلك في يمين العود ماحطك شمالـي



جهزالمسعري


انت لوك رجل متحضر وعاكس درب سيره
ماحترمتك لو لبست البش وصغيت العقالـي
ياحضارم لو خلطنا القمح بره مع شعيـره
ولله ان تنسون مهنتكـم وحلـم ن بريالـي



بكرالحضرمي


لاتطرف للبحر وتنوشكم موجه غزيـره
البحر موجه خطير اويصتفق مثل الجبالي
البديوي جاك ناقل سمن معزاه اومضيره
بعد ماطاح الحيا في ديرته والسيل سالي



جهزالمسعري


الجبان ايموت ميتة غبن لن مافيه غيـره
والشجاع ايموت ميتة عز في وسط القتالي
لاتحسبن البدو يالحضرمي طافين نيـره
البدو لن جا الصحيح اساسنـا ياهملالـي



بكرالحضرمي


الجبان ان مات ولاعاش منشد عن مصيره
والمشقى يلزم الضبان في وسط الرمالـي
ناركم تاكل حطبكم فصبـاح او فظهيـره
قابلو نيرانكـم عنـد الغـواري ودلالـي

 

 

 

 

[معلومات العضو ابن مرضي الدوسري]

الله الله

محاوره امتعتنا فيها يامحمد لاهنت

 

 

 

 

[معلومات العضو غازي المسعري]

محاورة رائعة

لاهنت اخوي محمد على النقل

 

 

 

 

[معلومات العضو ابو زابن المسعري]

محاوراه اكثر من رائعه

الله يصح السنت الشعار وبيض الله وجه جهز


وشكرا لك على نقل هذه المحاوره

 

 

 

 

[معلومات العضو ابو فهد الغييثي]

محاوراه اكثر من رائعه

الله يصح السنت الشعار وبيض الله وجه جهز


وشكرا لك على نقل هذه المحاوره

تحياااااااااااااااااااااااتي

 

 

 

 

[معلومات العضو حسن مسرع الدوسري]

ارررررررررررحب يامحمد القباني وكل عام وانت بخير
لاهنت يبو وليد ع النقل لمحاورة هرم الشعر بكر الحضرمي وشاعرنا الامبراطور / جهز المسعري ,,,,
اشكرك ولك مني كل الود