فزعة سعود الهزاني لخاله الدويش

[معلومات العضو تركي ال فنيس]

هذا وطبان الدويش خال الهزاني راع الحريق وصى على سعود الهزاني راع الحريق وقال ياسعود وش تنفعني به ياخالك ؟ قال ابشر باللي تبي: قال : الدواسر خذو الريشة وسوو بنا وفعلوا اللي مايجهلك واليوم وش بتنفعني به ؟ قال: اللي تبيه ياخال بانفذه ، انت عطني القوة والرجال اللي تبي وازهل الدواسر عندي آخذ ثارك منهم ، بس عطني رجال وعتاد.

وجاك الدويش ساحب مطير معه لين وصل الحريق ، عند ولده سعود الهزاني وظهرو على الدواسر مع (برك) وإلى الدواسر من تحت العارض كلهم ، وقاموا الحناتيش من ال بلحسن المساعرة مدري من اللي راح منهم هم لاذي (العتلة) وربعو فيها وقالوا يالربع مانا برايحين من تحت العارض وقاموا الحناتيش أهل (10) ركايب ويوم جاو مع الهدار لينهم ظاهرين على الهزاني والدويش ، وغاروا عليهم وياخذون البل ويقفون بها ، وريسهم ابن خذيعان الحناتيش واجتمعوا وقالوا وش الرأي هذا الدويش ومعه الهزاني واللي معهم (40) مكعكعة من الحريق من الهزازنة ومن بني زيد وش رأيكم ياحناتيش حنا بلا (10) خيالة هل نخليهم ياخذون البل ولا نلحقهم ، وانا باشير عليكم نخليهم ياخذون البل وبنروح للدواسر وبيجمعون لنا وتسلم انفسنا (وكان يختبر ربعه) ، فقال واحدن منهم : يابن خذيعان لو إنك تحب الستيرة ماظهرت مع الهدار وزبنت العتلة قبل أهلها (باقي الدواسر ) والله لاما ترد إبلك ماعاد تعرس بناتكم من اليوم ليوم القيامة قال: تدرون عاد :

ياسعد عيني يوم شفت وجيهكمتنازابكـم صــم الـرمـك جمـيـع

الا من يرد الشول من يمة العداجـعــل لا ردو عـلـيــه يـطـيــع

تراها يالربع على وجيهها لين نرد البل ولا نموت من دونها ، قالوا: تم وهذا الراي الطيب قال: ابن خذيعان لربعه علموني من اللي بيتمزهل من الدويش ومن اللي بتمزهل من الهزاني ، قال واحد منهم: ازهلوا الدويش وقال الثاني : ازهلو الهزاني ، ويقومون الرياجيل ويعارضونهم وإلى الدويش مجوخ (لابس جوخة) والهزاني مثله ، ويقوم اللي تمزهل من الدويش ويضربه ذيك الضربة بين عيونه ليهو ظاهر مع صنقره ليهو طايح عند يدها ويقوم الثاني ويضرب الهزاني ويبتر رجليه مع غارب الفرس ليهو منسدح هو وفرسه ، وإلى اهل العشر (الحناتيش) ظاهرين من ورى البل ماجاهم شيء ، والربع طايحين خلافهم ، ويوم جاو الدويش لينه ميت واما الهزاني باقي حي قالوا وش جابك لنا يالهزاني ، جايبن مطير معك تبي إبلنا وانت قصيرنا وانتو عملانا ياهل الحريق ، قال والله هذا اللي حصل الحاصل قالو: هو ودك نخليك للطيور تاكلك ولا نلحقك إيااهم قال: إلا الحقوني اياهم (يقصد باقي ربعه اللي طقو) ويركبونه على ذيك الفرس ورجليه تلاوح عليها إلين وصل ربعه.

وتقوم مطير تنسحب ماعينو خير ، ويوم جاء الهزاني لابوه في الحريق قال له ابوه: وهو قد وصاه قبل يروح قال: ترى أبل الدواسر ماتوخذ والدواسر على خيل طيبة تشرب حليب فيه دبس ووالله إن تطارد من فجر لين تغيب الشمس ، وخيلك ماتاكل إلا حشيش وخيل خالك مثل الأمثال.والله ماينتصف اليوم وبعد معكم فرس. فيقول الهزاني لابوه:-

خذينـا إبـل علـى فخـوذهـا الـنـونوالـدال برقـاب البكـار الحسينـات

لحقت بمنهو يذعـر الخيـل مجنـونربعه على الساقة يجرون الأصوات

عز الله إن ذا علمكم اللي تقولونالـحـي ماينـطـح الـربـع الأمـــوات

الشيخ ساقوه بيـن اذانيـه مسنـونخـلـي طـريـحً والسبـايـا مغـيـرات

دواســرً عــن الـلـقـا مايـحـيـدونوايمانهـم يرمـي بهـا سـو الافــات

عـز الله انـه صـدق اللـى يقولـون( والكذب ماوطـى بيـوتً رفيعـات

الراوي التاريخي الشيخ محماس بن علي آل ربيّع المخاريم

 

 

 

 

[معلومات العضو عبدالمجيد]

يعطيك العافية أخوي تركي ولاهنت على هذه القصة الرائعة والي يتبين فزعة الدواسرمع بعضهم والعزيمة الصادقة والمواجهة من دون خوف والتوفيق من الله قبل كل شيء......

 

 

 

 

[معلومات العضو العماني]

لاهنت يابوهادي على ايراد هذه القصة ، والله يطول بعمر الراوي الشيخ محماس بن ربيع المخاريم

تقبل تحياتي،،

 

 

 

 

[معلومات العضو سالم بن صمهود]

خذينا إبل علـى فخوذهـا النـون=والدال برقاب البكـار الحسينـات
لحقت بمنهو يذعر الخيل مجنـون=ربعه على الساقة يجرون الأصوات
عز الله إن ذا علمكم اللي تقولـون=الحـي ماينطـح الربـع الأمـوات
الشيخ عنكص بين علباه مغبـون=والخيل من ضرب المزاريق عجلات


ونعم في ربعنا وبني عمنا ولاهوب مستغرب عليهم الطيب


الاخ العزيزتركي بن فنيس
بيض الله وجهك على اتحافنا بانجازات ربعنا

 

 

 

 

[معلومات العضو ابو فهد الغييثي]

يعطيك العافيه على الطرح

ولاهنت على كل حال

تحياااااااااااتي

 

 

 

 

[معلومات العضو نايف الخييلي]

الاستاذ تركي ال فنيس

أشكرك جزيل الشكر ولاغرابه منك حرصك على تدوين تاريخ قبيله الدواسر بشكلً عام

فانت من الربع الميامين اللى يُشهد لهم بالحميّه والطيب وشهادتي فيك مجروحه,

وان سمحت لي بالمداخله البسيطه في موضوعك , فالسالفه كما أوردها الاستاذ

المؤرخ بادي بن فيحان الرجباني انها على محسن الهزاني ( الشاعر المعروف )

وكان انت يامحسن له قصيده غزليه مشهوره ذم فيها الدواسر بالسرق وهي للى قال فيها :

قالوا تتوب من الهوى قلت لالا = الا ان يتوبون الدواسر من السرق

وانا شخصياً قد سمعت بهالبيت من أكثر شخص وهو يروي السالفه وان يقصد بذلك ان

بعض قيمان الدواسر يغيرون على هل الحريق ويأخذون معاويدهم , حتى ان الملك

عبدالعزيز قد قال بمجلسه مازحاً لخاله أحمد السديري : صحيح انكم سرقان يالدواسر,
فقال خاله : وش علينا من ابا ( .... ) ياطويل العمر .

الوكاد يابو هادي لما نزل الدويش على الهزاني وغاروا على ابل المساعره ولحقهم هل

البل وفكوها وذبحوا عقيدهم ومنعوا من منعوا من القوم وكان من ضمنهم انت يالهزاني

فافرحوا لانهم ناوين له بالشر عقب بيته اللى ذكرتناه أعلاه , حتى ان واحدً منهم حط

حديدةً على الضوه يبي يقطع لسان الهزاني اللى ذم الدواسر في قصيدته , فقام واحدً

منهم ( الحناتيش ) ويحط غترته على الهزاني وقال : انا طالبه منكم , فعطوه

وقام :بأكرامه واعطاه ذلول وقال سلم لي على ابوك اليا جيته , فلما وصل اهله انت

يالهزاني , ندم على ماقاله وعرف انه ظالمً حظه وانه ماقال الحق في مكانة الدواسر

بين القبايل وانهم اهل الشيم وانهم ابعد مايكونون عن الكلام اللى قاله بحقهم فذكر

الابيت اللى انت أوردت بعضً منها ويثني على الدواسر وذكر ان الذم ماينزل من قدر الرجال الشيام فيقول:

خذينا إبل علـى فخوذهـا النـون = والدال برقاب البكـار الحسينـات

لحقت بمنهو يذعر الخيل مجنـون = ربعه على الساقة يجرون الأصوات

الشيخ ساقوه بين اذانيه مسنون= خلي طريحً والسبايا مغيرات

دواسرً عن اللقا مايحيدون = وايمانهم يرمي بها سو الافات

عز الله انه صدق اللى يقولون = ( والكذب ماوطى بيوتً رفيعات)
وسلامتك وتقبل شكري وتقديري

 

 

 

 

[معلومات العضو ابن شمسان البدراني]

بيض الله وجهك يا تركي على السالفه اللي تنومس وهذي عوايدك ما تجيب الا العلم الغانم وشهادتنا فيك مجروحه .. وأنا أقولك للأماااااااام ..

ولا هنت على الاضافه الطيبه يا نايف ..


تحياتي ،،،

 

 

 

 

[معلومات العضو ابن وتيد السباعي]

لاهنت يابوهادي على ايراد هذه القصة ، والله يطول بعمر الراوي الشيخ محماس بن ربيع المخاريم

تقبل تحياتي،،

 

 

 

 

[معلومات العضو تركي ال فنيس]

المشاركة الأصلية كتبت بواسطة عبدالمجيد

يعطيك العافية أخوي تركي ولاهنت على هذه القصة الرائعة والي يتبين فزعة الدواسرمع بعضهم والعزيمة الصادقة والمواجهة من دون خوف والتوفيق من الله قبل كل شيء......

الله يعافيك اخوي عبدالمجيد مرورك علي موضوعي شرف لي طال عمرك

 

 

 

 

[معلومات العضو تركي ال فنيس]

المشاركة الأصلية كتبت بواسطة هايف العماني

لاهنت يابوهادي على ايراد هذه القصة ، والله يطول بعمر الراوي الشيخ محماس بن ربيع المخاريم

تقبل تحياتي،،

ارحب ارحب يابومبارك اشكرك جزيل الشكر علي مرورك يالغالي

 

 

 

 

[معلومات العضو تركي ال فنيس]

المشاركة الأصلية كتبت بواسطة سالم بن صمهود

خذينا إبل علـى فخوذهـا النـون=والدال برقاب البكـار الحسينـات
لحقت بمنهو يذعر الخيل مجنـون=ربعه على الساقة يجرون الأصوات
عز الله إن ذا علمكم اللي تقولـون=الحـي ماينطـح الربـع الأمـوات
الشيخ عنكص بين علباه مغبـون=والخيل من ضرب المزاريق عجلات


ونعم في ربعنا وبني عمنا ولاهوب مستغرب عليهم الطيب


الاخ العزيزتركي بن فنيس
بيض الله وجهك على اتحافنا بانجازات ربعنا

ابن صمهود ارحب تراحيب المطر شرفت ولا كلفت طال عمرك

 

 

 

 

[معلومات العضو تركي ال فنيس]

المشاركة الأصلية كتبت بواسطة ابو فهد الغييثي

يعطيك العافيه على الطرح

ولاهنت على كل حال

تحياااااااااااتي

ارحب يابن غياث الله يعافيك وشرفت يالسنافي

 

 

 

 

[معلومات العضو تركي ال فنيس]

المشاركة الأصلية كتبت بواسطة نايف الخييلي

الاستاذ تركي ال فنيس

أشكرك جزيل الشكر ولاغرابه منك حرصك على تدوين تاريخ قبيله الدواسر بشكلً عام

فانت من الربع الميامين اللى يُشهد لهم بالحميّه والطيب وشهادتي فيك مجروحه,

وان سمحت لي بالمداخله البسيطه في موضوعك , فالسالفه كما أوردها الاستاذ

المؤرخ بادي بن فيحان الرجباني انها على محسن الهزاني ( الشاعر المعروف )

وكان انت يامحسن له قصيده غزليه مشهوره ذم فيها الدواسر بالسرق وهي للى قال فيها :

قالوا تتوب من الهوى قلت لالا = الا ان يتوبون الدواسر من السرق

وانا شخصياً قد سمعت بهالبيت من أكثر شخص وهو يروي السالفه وان يقصد بذلك ان

بعض قيمان الدواسر يغيرون على هل الحريق ويأخذون معاويدهم , حتى ان الملك

عبدالعزيز قد قال بمجلسه مازحاً لخاله أحمد السديري : صحيح انكم سرقان يالدواسر,
فقال خاله : وش علينا من ابا ( .... ) ياطويل العمر .

الوكاد يابو هادي لما نزل الدويش على الهزاني وغاروا على ابل المساعره ولحقهم هل

البل وفكوها وذبحوا عقيدهم ومنعوا من منعوا من القوم وكان من ضمنهم انت يالهزاني

فافرحوا لانهم ناوين له بالشر عقب بيته اللى ذكرتناه أعلاه , حتى ان واحدً منهم حط

حديدةً على الضوه يبي يقطع لسان الهزاني اللى ذم الدواسر في قصيدته , فقام واحدً

منهم ( الحناتيش ) ويحط غترته على الهزاني وقال : انا طالبه منكم , فعطوه

وقام :بأكرامه واعطاه ذلول وقال سلم لي على ابوك اليا جيته , فلما وصل اهله انت

يالهزاني , ندم على ماقاله وعرف انه ظالمً حظه وانه ماقال الحق في مكانة الدواسر

بين القبايل وانهم اهل الشيم وانهم ابعد مايكونون عن الكلام اللى قاله بحقهم فذكر

الابيت اللى انت أوردت بعضً منها ويثني على الدواسر وذكر ان الذم ماينزل من قدر الرجال الشيام فيقول:

خذينا إبل علـى فخوذهـا النـون = والدال برقاب البكـار الحسينـات

لحقت بمنهو يذعر الخيل مجنـون = ربعه على الساقة يجرون الأصوات

الشيخ ساقوه بين اذانيه مسنون= خلي طريحً والسبايا مغيرات

دواسرً عن اللقا مايحيدون = وايمانهم يرمي بها سو الافات

عز الله انه صدق اللى يقولون = ( والكذب ماوطى بيوتً رفيعات)
وسلامتك وتقبل شكري وتقديري

مرحبا هيل عد السيل بخوي الغالي نايف الخيلي اشكرك علي كلامك الطيب الدال علي طيب اصلك وعلي مداخلتك الرائعه الواضحه وكلنا يانايف مكملين لبعض طال عمرك ومداخلتك شرف ومرورك شرف طال عمرك

 

 

 

 

[معلومات العضو لادهشال]

بيض الله وجهك يا تركي على السالفه اللي تنومس وهذي عوايدك ما تجيب الا العلم الغانم وشهادتنا فيك مجروحه ..
ولا هنت على الاضافه الطيبه يا نايف ..

 

 

 

 

[معلومات العضو تركي ال فنيس]

المشاركة الأصلية كتبت بواسطة ابن شمسان البدراني

بيض الله وجهك يا تركي على السالفه اللي تنومس وهذي عوايدك ما تجيب الا العلم الغانم وشهادتنا فيك مجروحه .. وأنا أقولك للأماااااااام ..

ولا هنت على الاضافه الطيبه يا نايف ..


تحياتي ،،،

وجهك ابيض يالسنافي اشكرك جزيل الشكر علي الكلام الطيب