خــــ أأأأرحل ــــــلاص

[معلومات العضو ســـطام الروقي]

مات الغـرام بمقبـرة كـذب دنيـاك=مدفون بيـن اول لقـاك وغيابـك
مات الغرام ومـات حبـك وعـزاك=قلب ٍ على عرش الغرام احتفى بـك
قلب ٍ نثر عطر الوفـاء فـي زوايـاك=حتى طعنته وانجرح !! وانتهـى بـك
قلب ٍ رغم كذبة غرامك بدى هنـاك=يُضفي .. على مسرح سموّك ثيابـك
ودام الجفاف ابهّت مُغلـف هدايـاك=في رُبعك الخالـي وصحـراء سرابـك
خّـل الهدايـا للـريـاح وحنـايـاك=اسرج بها نار الفصـول وعذابـك
يذبل ربيـع احلامنـا بأيـدي اشتـاك=ويُنبت خريـف آمالنـا صيـف بابـك
بأقتل تحت شمسي طيوفك وذكـراك=وبأنحت على صخر القصيـد لجنابـك
أقسى مـن فراقـك قبولـي بشـرواك=و اصعب من قبولي وصالك هلا بك
يعني خلاص ارحل عسى الله يرعاك=ودام الفجـوج اوسـاع خيّـر ركابـك
و لـوّح علـى درب المـوداع بيمـنـاك=حتى يوادعـك السـراب و ترابـك
ارحل شطبت اسمك ودونّت فرقـاك=واسمي تكرّم واشطبه مـن كتابـك

 

 

 

 

[معلومات العضو ابو عسكر الغييثي]

صح لسانك ياسطام الروقي وننتظر الجديد


اخوك/ ابو عسكر الغييثي

 

 

 

 

[معلومات العضو شافي القويسي المخاريم]

ما يحتاج امدحك يا سطام
انت خابر رائيي في قصيدك
تحياااااااااااتي

 

 

 

 

[معلومات العضو ابو فهد الغييثي]

سطام الروقي

صح السانك مليوووووون

ولاهنت على كل حال

وننتظر جديدك وابداعك

تحياااااااااااااتي

 

 

 

 

[معلومات العضو ســـطام الروقي]

ابو عسكر صح بدنك وتسلم يمين منهو على الطيب رباك

 

 

 

 

[معلومات العضو ســـطام الروقي]

شافي صح لسانك وشهادتك على صدر بناخيك من ذو مبطي والعين ماتعلا على الحاجب فداك من جهل قدرك يالامير

 

 

 

 

[معلومات العضو ســـطام الروقي]

ابو فهد الغيثي

صح بدنك وصحت لياليك يالنداوي وابشر بسعدك

 

 

 

 

[معلومات العضو الطايل]

ســـــــطام الروووقي ::::::::: صح لسانك على هذا الابداع قصيده تفوق الخيال قريتها عدة مرات ابدعت بكل بيت هنئيآآآآ لك على هذا الابداع ::: اخوك فهد السهلي

 

 

 

 

[معلومات العضو فهد بن مبارك الودعاني]

الأخ الشاعر : سطام الروقي ،، يامرحبا بكـ بمنتدى قبيلة الدواسر هذا أولاً ،، ثانياً : صح الله السانكـ و أعتلى شانكـ ،، قصيدهـ رائعه جداً و جميله ،، مبدع أينما كنت يالغالي ،، و لأ تبطي بجديدكـ ،، لـكـ كـل الآحـتـرام و الـتـقــديـر ،،

 

 

 

 

[معلومات العضو مبارك بن محيا الدوسري]

سطام


جزل


تحياتي لك

 

 

 

 

[معلومات العضو غلا نجد]

لكل بداية نهاية

صح قافك وسلم لنا احساسك

دام نبضك الراقي ينثر عبيره بيننا

متابعه لجديدك

ادام الله عليك هذا التميز

احترامي وتقديري

 

 

 

 

[معلومات العضو ســـطام الروقي]

الطايل هلا وغلا ومراااحب وصح بدنك والاروع مرورك

 

 

 

 

[معلومات العضو ســـطام الروقي]

فهدددددددددد هلا من نجد لين لندن مراااحب صح بدنك وغلي حييييييل ودام البقاء ياطيب الساس تسلم روحك

 

 

 

 

[معلومات العضو ســـطام الروقي]

مبارك بن محيا هلا ومسهلا لاعدمتك يابن الاكارم اهل السن والعن مراااحب وصح بدنك مليون

 

 

 

 

[معلومات العضو ســـطام الروقي]

غلا نجد صحت لياليك بالمسرات والرغد يابنت الاجواد تسلم اياديك وحرف الرنان