(( درّة )) الزحزوح تتلألأ في أرض الكويت

**معلومات** **العضو** · 12-08-2008, 05:40 PM

السلام عليكم ورحمة الله وبركاته

..

المشاركه الثانية للشاعر الكبير / خالد بن مدعث الدوسري ( الزحزوح ) .

في برنامج شاعر العرب على جائزة الأمير الشاعر والفارس محمد السديري , رحمة الله

وهي عبارة عن قصيدة وطنيه تتكلم عن سيرة البطل الراحل

الملك / عبدالعزيز بن عبدالرحمن آل سعود , رحمة الله

..

بسم الذي من ضياء وجهه ومن نوره = انور على مشرق الدنيا ومغربها
رب ٍ خلق كل شي ودبّر أموره = الخلق محصيه .. والاقدار كاتبها
بداية ٍ بأسم رب الكون مذكوره = وبداية ٍ ما بدت بالله .. عقّبها
من بعدها .. حضّر الشاعر من شعوره = مثايل ٍ من بنات الفكر جاذبها
لو المثايل بعض الاحيان .. مغروره !؟ = تِفحم صدور الشواعير بتعصّبها
الشعر .. مقناص له ديره .. وله دوره = و شريدة الصيد .. ما كلٍ يجيك ابها !!
وأنا ليا شفتها .. حذره ومذعوره = جنّبت عنها .. وأنا عيني تراقبها
ولقفت للصيد لين أعقّب اسبوره = ولا ارمي الشرد .. لين يزين مضربها
وانقى درّرّ الشعر وأغوص فبحوره = وافتل معانيه وانقضها واركبها
الشعر .. درة بحر عسره ومخطوره = ماهي مطيه من ادنى السوق جالبها !!
و بموحد الدار زان الشعر و حضوره = وجبنا له اغلى درّرّ البحر وأطيبها
(( الدرّه )) اللي تليق بكاره و كوره = الغاليه .. ما تساق إلا لصاحبها
تساق لموحد ابلاده وطابوره = بالعزوة اللي على الأسلام مذهبها
له عزوة ٍ في نهار الكون مشهوره = اليا اعتزى يسكت الاعداء ويرهبها
يمناه .. بالخير , قبل الشرّ .. مآموره = واليا دعى الشرّ ما تخطي ضرايبها
تبطش , وترفى الخمال , وتستر العوره = موهوبة ٍ كثر هيبتها وهايبها
حر ٍ يخلّي الحرار الشقر مصقوره = عن مخلب ٍ تقصر النّدرّ مخالبها
محنك ٍ .. يستمد الشور من شوره = محكحك ٍ .. عاصر الدنيا وجربها
له عشقة ٍ .. عندها الفرسان منحوره = عشّاقها دونها .. تفتل شواربها
غندورة ٍ .. ما تشابه كل غندوره = الموت الأحمر .. تكدّه مع ذوايبها !!
وجاها معزّي بجمع ٍ تضرس انموره = يا معانق الموت .. يا معانق ترايبها !!
واضحت بهم راية التوحيد منصوره = و روس الجهل قِصت .. و رِزت نصايبها
وقت ٍ مضى .. وانقضى .. لا عادت اعصوره = ومن هووول ما نسمع احداثه .. نكذبها !!؟
واليوم .. كل ٍ يعرف احدوده و دوره = تنزل به الناس منزال ٍ يناسبها
واللي عدى وأعتدى .. يبرك على زوره = نفس ٍ تبي الشرّ .. تلقى من يحاسبها
ما فيه نفس ٍ عن المآجوب معذوره = ( النفس وش عذرها في ترك واجبها ؟ )
يامآ علينا لكم يا أعيال .. أخو نوره = من واجبات و عهود ٍ ما نخون ابها
أولهن : البيعه , اللي ما بها بوره = في ارقابنا لين تلقى الروح طالبها
وأخيرهن : دعوة ٍ بالغيب مآثوره = تطلب قريب ٍ مجيب ٍ ما يخيّبها
تحمى وطنا من الشيطان و اشروره = وتعز ّ حكامنا .. وتعزّ جانبها
والمذهب .. اللي جنود ابليس جمهوره = ماهوب غالب .. وأهله ابليس غالبها
لـ أبليس ناس ٍ ينوخّها بباكوره = ومع كل درب ٍ نهى الله عنه يشعبها
يلقى لهم جرة ٍ مع كل مجروره = والنار مثوى الوجيه اللي يسحبها
ومن شذّ عن دربنا ما طالت اشبوره = ايديه قدام تحذفنا .. نتربها

..

مرئية من موقع You Tube

.
.

أخوكم /

ولد زايــــد وسيع البنايـــد

**معلومات** **العضو** · 12-08-2008, 05:59 PM

بيض الله وجهك

ماشاء الله أنت من الاعضاااء رائعيين لكن

نبي مواضيع اكثر منك

دائماً مواضيعك كلها ابداااع

شكراً لك

**معلومات** **العضو** · 12-08-2008, 06:31 PM

اقتباس:

المشاركة الأصلية كتبت بواسطة قلم بدون حبر

بيض الله وجهك

ماشاء الله أنت من الاعضاااء رائعيين لكن

نبي مواضيع اكثر منك

دائماً مواضيعك كلها ابداااع

شكراً لك

..

ابشر بعزك .. وان شاءالله القادم افضل

بس نبي منكم التفاعل

والف شكر يا غالي عالمرور والرد الوااافي

أخوك

**معلومات** **العضو** · 13-08-2008, 12:20 AM

ولد زايد وسيع البنايد

لاهنت على ماقدمت

ويستاهل ابومدعث من يفزع له

والله يوفقه ويوفق ابومبارك ويـتأهلون للراحل النهااائيه

بيض الله وجهك على ماقدمت يالذيب

تقبل تحياتي

**معلومات** **العضو** · 13-08-2008, 01:18 AM

اقتباس:

المشاركة الأصلية كتبت بواسطة محمد الولامين

ولد زايد وسيع البنايد

لاهنت على ماقدمت

ويستاهل ابومدعث من يفزع له

والله يوفقه ويوفق ابومبارك ويـتأهلون للراحل النهااائيه

بيض الله وجهك على ماقدمت يالذيب

تقبل تحياتي

..

مرحبا بك با محمد

ولاهنت على جهدك الرااائع في تنزيل المقاطع عاليوتيوب

بيض الله وجهك

والله يوفق شعراء الدواسر في هذه المسابفة اللي تحمل اسم شخصية دوسريه

وهو محمد بن احمد الله يرحمه

يعطيك العافيه عالمرور

أخوك

**معلومات** **العضو** · 13-08-2008, 01:50 AM

الله لايهينك ياولد زايد ياوسيع البنايد وعسى الله يوفق الزحزوح خالد بن مدعث وعقبال يأخذ شاعر العرب بإذن الله ، وكذلك تمنياتي القلبية لممثل الدواسر الثاني البطل محمد بن مبارك الصخابرة .

لاهنت يالغالي وتقبل ودي وتقديري ــــــــــــ

**معلومات** **العضو** · 13-08-2008, 01:55 AM

لا هنت يالغالي

وعسي الله يوفق أخونا خالد بن مدعث ومحمد الصخابره في هذه المسابقه..

بارك الله فيك ووفقك ورحم والديك....

**معلومات** **العضو** · 13-08-2008, 01:57 AM

ولد زايد وسيع البنايد

لاهنت على ماقدمت

ويستاهل ابومدعث من يفزع له

والله يوفقه ويوفق ابومبارك ويـتأهلون للمراحل النهااائيه

بيض الله وجهك على ماقدمت يالذيب

تحياااااااااااتي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
التغطية المصوّرة لزيارات مشائخ وأعيان وأبناء قبيلة الدواسر لـ مجالس ودواوين وجهاء القبيلة بدولة الكويت.	الإداره	:: قسم اللقــاءات والفعاليات والتغطيات الخاصة::	8	10-02-2011 05:04 PM
تقديم المجموعة الأولى: السعودية x قطر - اليمن- الكويت	عبدالكريم العماري	:: القسم الرياضي ::	6	28-11-2010 09:30 PM
التغطية المصوّرة لحفل إفتتاح مبرة قبيلة الدواسر الخيريّة بدولة الكويت.	الإداره	:: قسم اللقــاءات والفعاليات والتغطيات الخاصة::	16	22-11-2010 09:44 AM
حسين الدوسري: حديث المتروك جسد مواقف شعب الكويت	برجس ناصر البراك	:: قسم السياســة والإقتصاد والأخبار ::	0	23-05-2010 12:29 AM

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية