تعصف بي الدنيا ويضحك حجاجي......

[معلومات العضو ابو طارد]

قصيده انا بنضري اعتبرها رائعه وغاضبه وعزيزة نفس

تجي على الجرح وتدمله من قوة ماتحمل من معانيها

اترككم معها وهي لاتعبر الا عن وجة نضر كاتبها

..مانيب في طرد المقفين ملـزوم=مالي بهم ياطيـب الفـال حاجـه
..طرد السراب يزيد في نفسي اللوم=وانا الذي مثلـي يبيـن انزعاجـه
..المسك مسك وبيّنه ريحة الثـوم=والورد عطره ماتحبسـه زجاجـه
..الطيب من ربي مقدر ومقسـوم=والحـر حـر ولوتعكـر مزاجـه
..خلك بعيد هناك طيب ومحشـوم=مافيه داعـي للتعـب والمواجـه
..ولا ترى عندي سواليف وعلـوم=يسري بهاالساري ويشعل سراجـه
..إن كنت نايم هيه صحصح من النوم=خلك معي صاحي وخل السماجه
..شفني غسلت ايدي منك من اليوم=واصبحت عندي قشةٍ في عجاجـه
..ولا انا صيتي مع الناس معلـوم=ياسلسبيلي وش تركـت لهماجـه
..افرد جناحيني كذا وابعـد الحـوم=الصعب يسهل لي واحطم سياجـه
..تصبح لي الدنيا قرنفل ويشمـوم=والطيب في كفـي مقاليـد تاجـه
..اعزف لقلبٍ بين الاضلاع محزوم=مافيه ضيـق الا تلتـه انفراجـه
..خابره لا ضاق الزمن فيه زيزوم=تعصف به الدنيا ويضحك حجاجـه
..المال ماعمره بنى مجد لرخـوم=والمال مايقضي للاجـواد حاجـه

منقووووول

 

 

 

 

[معلومات العضو الواضح]

لا هنت يابو طارد


على النقل وياليت تبين لنا الشاعر

 

 

 

 

[معلومات العضو ابو طارد]

بناءً على طلبك أخي "الواضح"

هذه القصيدة للشاعر منصور الحربي.

وتقبل خالص التحيات ،،،

 

 

 

 

[معلومات العضو أبو زايد]

لاهنت