(( نخبه من محاورات شعـراء الموقع )) من غير ردود

[معلومات العضو شافي القويسي المخاريم]

بسم الدواسر ونا عنهم سفير ن ينوب = يامرحبا ياسليم اهل الوفا والدها
ياصقر نبغا الركايب لامشت فدروب = مافيه راعي من الرعيان يحتدها

ياصحابنا يالدواسر طيبين القلوب=تبقون وهل الوفا ماينجحد مدهـا
ان سقتها شرق ولا سقتها للجنوب=القيده وسمها واضح على خدهـا

لعل غر السحاب اللي غداله نصوب = يسقي ديارن ذبح حر الدهر خدها
مكنتنا اضن فسلمان واحد كذوب = حتى وضح مزحها قبل امس من جدها

ان كان مزن الحيا هبت عليـه الهبـوب=شالـت خيالـه بعيـد وعدتـه حـدهـا
احسب حسابك ترا هرجك عليك امحسوب=ترا المهمـه تبـي واحـد علـى قدهـا

مابين وقت الطلوع وبين وقت الغروب = شفنا بياض الصحايف مثل مسودها
ياصقر لاانيب لاغالب ولنت امغلوب = مير الحقيقه حقيقه لاازم انعدها

الغدر وسياسة استنزاف ما فالجيوب=لابدهـا تتضـح للـنـاس لابـدهـا
حنا عرفنا ان بنت ابليس هذي نصوب=من يوم سمت بناخيها علـى جدهـا

دنيا ن سوات الرحا ناس ن سوات الحبوب = وعيال حوا تكد وضايعن كدها
يالعنبو ذا الجلامد يا كبير الجنوب = ترتد وتحرم الرده للمرتدها

انته تحاول تحصل عن رحاها هروب=لكن ياولد حـوى رحـت مـع يدهـا
دعوتك صابتك يوم انك نفخت الذروب=ضايع تعب تبنـي الاصنـام ونهدهـا