ابرك طريق

[معلومات العضو عبيدالله العرابي]

المشاركة الأصلية كتبت بواسطة فهد بن شويمي

السلام عليكم ورحمة الله وبركاته



من القديم واتمني ان تحوز علي ربع اعجابكم..

ياجعل قلبي ما يموت وخاطري ما يستضيق=لا سمعت إذني كلمةٍ ماهي بزينه من خوي
خوي .. إلى من ضاق وأنا منبسط أسكت وأضيق=ضيقة يتيمٍ من تدابير الزمن شبع وروي
قمت آتبسم كن ما في خاطري جرحٍ عميق=والاّ الحزن من ما يقوله .. زاويٍ قلبي زوي
ياقلبي اللي في بحر الاصحاب مجروح وغريق=لكن يرده للتفاؤل للحياه إنه قوي
وين الرفيق اللي يساوي له ثلاث إمية رفيق=إللي إلى من ظقت قال ( أبشر بعزك يالخوي )
على العموم . أبرك سنه وأبرك شهر وأبرك طريق=إني عرفت إن به سوي وإن به رجل ماهو سوي
الطيب فطره في عريب الساس والأصل العريق=أبسط مثال ( إبن صباح .. إبن سعود .. إبن جلوي )
تاريخ وأمجاد ولهم مع الكرم وجهٍ طليق=وعدوهم متعومس وظايق وكبده تكتوي
صحيبتي بيني وبينك بالغلا عهدٍ وثيق=ي أغلا بدويه مرثعٍ في قلبها حب بدوي
يالفوضويه يالغلا يالذة الحب العتيق=ياراسمه في دنيتي شاعر ومبدع فوضوي
مادامك تحبينني جدااااا ,,, وأنا قلبي رقيق=تكفين حنّيني من المغباش والليل سروي
على العموم إنتي هنا وأنا هنا بنفس الطريق=وأكيد قلبك مهتوي واكيد قلبي مهتوي
واليا تلاقينا وذاب الثلج وإشتب الحريق=أبرتوي من شوفتك وانتي بشوفي إرتوي
وإذا توادعنا عزاي الزفره اللي من شهيق=تفتح له ضلوعي طريق إمن الموادع ملتوي
وياقلب لاتحزن ولا تشعر ولو مرّه بضيق=خلك قوي دام الزمان يعاقب ضعيف وقوي
ودّي أعيش اللي بقا من عمري بليا رفيق=ولا أنجرح لي من خوي يسوى ثلاث إمية خوي

وسلامتك

الله علييييييك ما اروعك
جداً راقيه وشاعرها بلاشك راقي جداً
صح لسانك يابن شويمي إيوالله صح لسانك
دمت