شعراء من ( الدواسر ) .. يرثون انفسهم !!

[معلومات العضو ولد زايد وسيع البنايد]

[QUOTE=عشر سنوات من وفاته تقريباً ..
وليس صحيحاً انه توفي بعدها بايام .. ولا باشهر حتى ..

فقد قالها عام 1393هـ او 1394هـ في المستشفى بالرياض
على إثر نوبة قلبية فاجاته حينها..
وقد من الكريم عليه بالشفاء منها ..

وتوفي بعدها بسنوات عام 1403هـ
;212794]

المشاركة الأصلية كتبت بواسطة ولد زايد وسيع البنايد

[align=center]بسم الله الرحمن الرحيم

السلام عليكم ورحمة الله وبركاته

.................

و القصيده الاخرى لـ الشاعر الكبير // سليمان التركي السديري الدوسري _ رحمه الله _

عندما كان في المستشفى بالرياض في 5 / 4 / 1402هــ

و هو يوصي فيها ابنه فيصل وكأنه تنبأ بدنو أجله

يقول سليمان التركي :

أشوف دياني وقف لي على الباب = يبي الوفا مني ويطلب حسابه
ماينـّسي دين ٍ تقفاه طلاب = الدين ما يوفيه كثر الطلابه
يا ( فيصل ) اودعك توديع من غاب = لا تحتريه أنه يجي من غيابه
غيبة دهر ماهي شهر عد وحساب = في مظلم ٍ ينهال فوقي ترابه
أبيك ما تجزع وتفزع وترتاب = لاجاك من ينعى ويشلع ثيابه
عمر البكا مافاد حي ٍ ولا ثاب = لو سر غيرك كان سر الندابه
اعزم وشم واصعد من المجد مرقاب = واطلب لـ أبوك انه يخفف عذابه
وعليك بـ اخوانك وربعك والاقراب = حقي عليك مواصلك للقرابه
وما بينكم لا ينقل الهرج سباب = ترى دمار الدار نقل السبابه
ومن الرجال اليا تخيرت الأصحاب = تخير اللي ما يبدل جوابه
مغلاق باب الشر ، حلاّل الأنشاب = زبن الدخيل اللي تنصى جوابه
وابعد عن الداني ولو مرة ٍ طاب = لزوم يظهر لك مرار ٍ عيابه
وانص الرجال اليا تخيرت الأنساب = كل ٍ تعوض به ياكود النسابه
وأنشد عن المربـَـا ترى العرق جذّاب = عرق الردي لابد يجذب جذابه
بلغتك الاعلام من غير نجاب = والحر يفهم من خطاه و صوابه

..


و بالفعل بعد هذه القصيده بـ أيام انتقل الشاعر الى رحمة الله

لا تبخلوا عليه بالدعاء

اطال الله في اعماركم واعمار ابائكم ومن تحبون

ورحم الله موتانا وموتاكم وموتى المسلمين اجمعين في جنات الفردوس الأعلى ..



السلام عليكم ورحمة الله وبركاته ..

أخي الكريم ..
لو سمحت لي بالتعليق هنا ..
أن الأمير سليمان بن تركي السديري ..
قد قال هذه القصيدة قبل عشر سنوات من وفاته تقريباً ..
وليس صحيحاً انه توفي بعدها بايام .. ولا باشهر حتى ..

فقد قالها عام 1393هـ او 1394هـ في المستشفى بالرياض
على إثر نوبة قلبية فاجاته حينها..
وقد من الكريم عليه بالشفاء منها ..

وتوفي بعدها بسنوات عام 1403هـ

تحياتي الصادقة ..
اعذروا تطفلي ..!!

..

مرحبا بك يا العدابه

ولاهنتي على هذا التطفل القيم والرااائع

وبالعكس / هذا ليس تطفل أنما تصحيح معلومه ولك جزيل الشكر على هذه الاضافه

يعطيك الف عافيه


أخوك