اكتب اسم شاعر واللي بعدك يكتب قصيده له

[معلومات العضو ابو زيد الغييثي]

قصيدة الخلوج الشهيره للعوني

خلوج تجذ القلب باتلى عوالها =تكسر بعبرات ٍ تحطم سلالها
تهيض مفجوع الضمير بحسها =الى طوحت حسه تزايد هجالها
له قلت أنا يا ناق كفى عن البكا=لا تبحثين النفس عما جرى لها
لا تفجعين البال بالله هودّى =ولى خلوج ٍخبث البين بالها
تبكين فرقا بكرة ٍشدة العرب =ضاعت يمين البوش والا شمالها
تجيك يا ناق الخطا أو تجينها =وان كان ضاعت لك بديل بدالها
لكن أنا اليوم ما تنعد مصاوبى =ولا علتي تبرا ولا ينشكى لها
فلو البكا يا ناق عنى يحلها =بكيت بيض أيامها مع ليالها
ولو البكا يا ناق يرجع لغايب =بكيت لين العين ييبس ثمالها
وابكى على الا ثنين ما ذعذع الهوا =مدى الدهر لين النفس تلحق زوالها
وابكى على ما صاب نفسى وما جرى =وابكى على فتخان الايدي زلالها
وابكى على دار ربينا بربعها =معلوم خشم الرعن من شمالها
ومن شرق طعسين الأرخم تحدها =بين اللوى والسر ما اطيب سهالها
دار بنجد جنة كان قبل ذا =ومن صكته غبر الليلى عنا لها
وصفه من الخفرات بيضا عفيفه =يفوق كل البيض باهر جما لها
حسودها يغضى الى مر حولها =من خوف عيال تربوا بجالها
حى امنا واحلو مطعوم درها =غدتنا وربتنا وحنا عيالها
بزور بنا ما مثلها يكرم الضنا =وصول بنا لكن نسينا وصالها
تلقى علينا الجوخ والشال فوقنا=وهي عاريه تبكى ولا احد بكى لها
ولا أحد جزع من صيحته يوم سبلت =ولا أحد نشد من بعد ذواش جرى لها
قلت آه واويلاه يا خيبة الرجا =كيف أمنا تهضم وحنا قبالها
يا طارش من فوق سراقة الوطا =هميم الى سارت ذعرها ظلا لها
حايل ثمان اسنين ما مس خلفها =ولا بركت للشيل جملة حمالها
الى بدالي لازم قلت شدها =واضبط عن الفزات مقضب حبالها
ولا نعتنى بالخرج ماذي بحزته =شل قربة ٍ واجعل زهابك عدالها
فالى شلت خذلى بالرسن قدر ساعه= أبلغك في دق المسايل جلا لها
والى ختمته بالسلام فحثها =من دار ابو جابر سقى الغيث جالها
اوصيك يا مرسال بالسير والسرى =واحذرك نوم الليل عينك ينالها
الى سرتها عشر وخمس مغرب =مرواحك الشام منها منا لها
والى جيت سوق العصر ياتيك غلمه =تخثع بزينات البريسم انعالها
يقولون لك ياصاح عطنا علومك =بلدان نجد ٍعقبنا وش جرى لها؟؟
قل كل بلدان القصيم وغيرها =عن الخوف زاموا دون جاله رجالها
مير داركم من عقبكم تندب الثرى =تبكى على الماضين واعزتا لها
ترى مركب الاخطار هو مصعد العلى =ولا يدرك المقصود غير احتمالها
وترى بالسيوف المال والعز والبقا =والجنه الخضرا بخضرة ظلالها
قومو براى الله واقضوا ديونكم =أنتم هل القالات ما أنتم رذالها
مدام ابو جابر على العز والبقا =عنا ثقيلات الحمول ارتكى لها
الى احترك سبع القبايل تحركت =والى رسى ترسي رواسي جبالها
قوموا برايه ثم راي ابو ثامر =ابو كلمة يافي بها حين قالها
عرق الصخا بحر الندى مرهق العدا =لااشتبت الهيجا تعرفه رجالها
هيج سباع الحرب بالبر والبحر =والشمس تشكي منه عجه ينالها
ومصقلات الهند تدعي له البقا =لولاه كان اصدت بغمده سلالها
نشا مولع بالحرب والضرب ماشكا =والخيل والعيرات تشكي هزالها
من كثر مامسه على السير والسرى =من كثر ماخاضت مهامه سهالها
قوي باس مايلين الى مضى =الى ضكته صعب الحمول ارتكى لها
شال الحمول الثقيله يوم جدعت =عفى زمول جدعتها وشالها
هذا وتم القيل والله به الرجا =وصلوا على المختار مااهمل خيالها

الشاعر / دغش بن بطي رحمه الله

 

 

 

 

[معلومات العضو ماعلي قصور]

لاهنت ع الموضوع المسلي اخوي


والشاعر المطلوبـ


((((( حمدان المري ))))

 

 

 

 

[معلومات العضو فيصل بن جزاء]

الاخت لين

هذي قصيدة محمد العبدالله القاضي في القهوه

يامل قلب كل ما التـــم الأشفـــــاق = من عام الأول به دواكيك وخفـــوق
يجاهد جنود في سواهيج الأطراق = ويكشف له أسرار كتمها بصنــــدوق
إلا عن له تذكار الأحباب واشتــاق = باله وطاف بخاطره طاري الشــــوق
قربت له من صافي البــن مـا لاق =بالكف ناقيهــا من العــذف منســــوق
أحمس ثلاث يانديمــي على ســاق = ريحه على جمر الغضا يفضح السوق
حـذراك والنيــه وبـالك والأحــراق = واصحا تصير بحمسة البــن مطفــوق
لا أصفـر لونــه ثم بشت بالأعـراق = صفرا كما الياقوت يطرب له المـــوق
وعطت بريـح فاخـر فاضح فــــاق = ريحه كما العنبر بالأنفــاس منشـــوق
دقه بنجـر يسمعــه كــل مشتـــــاق = راع الهوى يطــرب إلا دق بخفـــــوق
ولقم بـدلة مـــولع كنـــــها ســـــاق = مصبــوبة مربوبـــة تقـــل غرنــــــوق
خله تفـوح وراعي الكيــف يشتــاق = إلا طفــح لــه جوهـــر صح لــــه ذوق
أصغر قموره كالزمـرد بالأشعــاق =وكبـــار هالطافـح كما صافي المـــــوق
وزله على وضحا بها خمسة ارناق = هيل ومسمــار بالأسبـــاب مسحــــــوق
مع زعفران والشمطري إلا انسـاق = والعنبــر الغالي على الطــاق مطبــــوق
فالا اجــتمـع هــذا وهــذا بتـــيفـــاق =صبه كفيت العـوق عن كـــل مخلـــــوق
بفنجال صين زاهـي عند الأرمـــاق =يغضي بكر سيه كما إغضــاي غرنـــوق
إلا انطلق من ثعبتـة تقـل شبـــــراق = رنق تصـور بالحمامـــه على الطـــــوق
شكل على الفـنجــال لونـــه إلا راق =دم الغـــزال إلا انـمــزع منـــه معلــــوق
ذوقه إلا منـه تســلســل بالأريــــاق =عليـــه من مـــاء صـــافي الورد مذلـــوق
راعيه كنه شــارب ريــق ريـــــاق =كاس الطرب وســــرور من ذاق له ذوق
يحتاج من بيض العذرى إلا فــــاق = غرو يمــــز شفــاه والعنـــق مفهـــــــوق
عبث يعيل بحبتــــه ما بعد مـــــاق = وهو يضاهي زاهـــي البــــدر بشعـــــوق
في وجنتيه إلا غنج ضوح بــــراق = عجــــل رفيفـــه بالطهــــا مزنه طبـــــوق
سحر كتب من حبر عينيه بـأوراق = خديـــــــه صادين ونــــونــين من فــــــوق
كن العرق بخدودها حص الأرناق = نثـــر على صفحـــــات بلــورة الشـــــــوق
إلا تبسم شع وإشــــراق بالآفــــاق = نوره يفـــوق البـــــدر سحـــــر منطـــــــوق
بالعنق كن المسك والورس بـــراق =ما مشخـــص في صــدري الشـــــاخ مدفوق
أبو دليق كن باطـــــرافه حـــــلاق =حدر البريم وهــــافي الـــــوسط مســــــروق
يمشي برفق خايف مدمج الســــاق = ويفصم حجول ضامهـــــا الثقــــل من فـــوق
أظن لو يمشي شقاق بالاســــــواق = من المـــــلا مايمطــــخ الخمــــس مخلـــــوق
إلا حصل لك ساعة وأنت مشتــاق = فاقطف زهر مالاق والعمــــــــر ملحـــــــوق
فايلا حضر ماقلت عندي فالارزاق = في يـــد كريــــــم كافــــل كـــــل مخلــــــوق
هذا وصلـــوا عدد مانض بــــــراق= على النبـــــي الهاشمـــــي خيـــر مخلــــــوق

 

 

 

 

[معلومات العضو فيصل بن جزاء]

الاخت ماعلي قصور

هذي قصيدة الشاعر حمدان المري

لوما الشعر يكتب عشانك جفيته = يادانه ماهي ب إياة دانه
ماقد طلب مني رفيق وعصيته = ولوما عطيته عندي أنها إهانه
يافلسفت شعري وياعذب بيته = يا قمه أحساسي وقمة حنانه
ياأغلى من اللي بعت واللي شريته = من فازبك بيصير قايد زمانه
قد شفت بعيونك عذاب وخذيته = بس أعتبرته شي مثل الامانه
أخاف أعلم به وأخونه فديته = بس أنا بحياتي ماعرفت الخيانه
تدرين شلي في غرامك جنيته = أنك خذيتي في عروقي مكانه
كتبت لعيونك قصيد ومحيته = وصرتي براويز القصيد وكيانه
أما بكاني الوقت والابكيته = وشلون وأنتي في قساه وليانه
مثلك لويطلبني عيوني عطيته = لوكان مابيني وبينك ميانه
لن الشعر لوينكتب ماقريته =الشعردانه وأنتي عيون دانه

الشاعر المطلوب " خالد عبدالرحمن " مخاوي الليل "

 

 

 

 

[معلومات العضو أبن حفيظ المزروعي]

أنا خارج عن الموضوع ولاكن ارجو من المشاركين
المعذره لاني اود طرح قصيده لي فالدواسر
وانا الشاعر ( محمد بن حميد بن حفيظ المزروعي )
وهذي مشاركه بسيطه وهديه مني ومن ربعي اللي بالامارات
لكل دوسري في شبه الجزيره


يا هاجسي ذالليل مابه معاذير @@ مبطي واعذرك وآتحرك مالعام

واليوم تكفى يا حسين التعابير @@ اطلق صراح اللي من العام ماحام اطلق صراحه لانوى خله ايطير @@ يكفيه يكفي ضامه الوقت وانضام
واليا شهر من فوق روس الشناضير @@ هذيك والله ساعة اورود لحيام
وردن على صوتي تسابق على السير @@ فكري وانا للفكر دنيت الاقلام
وسجلتها لاشك تحتاج تفسير @@ وما للفتى مصلوح في درب الاحلام
بين الثريا والثرى يا المناعير @@ دربن صعيب ويعشقه كل ضرغام
دربن زبونه ما يحسب المخاسير @@ ونفسه على العليا بها شوق وهيام
وقلته وانا من روس قومن مشاهير @@ آلاد زايد عزوتي درع وحزام
آلاد زايد فاليالي المعاسير @@ تاريخهم في نجد من قبل الاسلام
دواسرن لاجات سود المقادير @@ ركبو هل الحرشا على كل مقدام
خطلان الايدي مخلفين الطوابير @@ زبن الدخيل امزبنت كل منظام
خاطلان الايدي عاشقين الاباكير @@ كسابت الطالات من نسل الاكرام
طوال الشبور اهل السيوف البواتيير @@ اهل القنى والرمح وانساب حكام
خيالت الحرشا صقورن حواشيير @@وعند اللقا خصمهم يصبح اقسام
وباقي القبايل كلها دون تقصير @@ كلن لفعله له تواثيق واعلام
وقلته وانا بن حفيظ نسل المشاهيير @@ آلاد شكر وعزوتي شرقن وشام


وارجو المعذره ولتواصل هذا الايميل
( al--basha@hotmail.com)