ربعي محددة الجمل يوم الادبار

[معلومات العضو يحيى الودعاني]

بسم الله الرحمن الرحيم


( في ديرة آل حميد صلبين الاشوار )

قصيدة للشاعر بدر بن هزاع بن حزيم الرجباني الدوسري في قبيلة آل حميد الدواسر ، بعد عودته من الغربة ويرافقه أخيه خالد بن سعد الرجباني عام 1418هـ .

الوقت طول و أنت يا القرم دوار=نوب مسانيـد ونـوب محاديـر
في ديرة آل حميد صلبين الاشوار=كسابة النامـوس ربـع مناعيـر
كم واحد من ضربهم عظمه كسار=خلي عشىٍ لمعكافـات المناقيـر

( ربعي محددة الجمل يوم الادبار )

وقد قمت بالرد عليه بقصيدة منها : ( الشاعر مبارك بن سيف بن غانم آل حميد الدوسري )

يا لله يا لمعبود يـا والـي الأقـدار=يا وامرٍ عبـده علـى نيـة الخيـر
يا مغرق فرعون في موج الابحـار=ويا مخرج يوسف من الهول والبير
انك تساعدني على قـول الاشعـار=وانـك توفقنـا دروب التياسـيـر
والشعر له مبـدا ومعنـا ومعبـار=واللي مهيضنـي كـلام المساييـر
ربع مـن الغربـة لفونـا بمسيـار=وانـا لشوفتهـم نسـوق التباشيـر
يا مرحباً يا خير من جا ومـن زار=ترحيبـة فيهـا معـزة وتقـديـر
ما غرد القمري على روس الاشجار=في خايع من بين نبـت ونواويـر
وما ظف ريشه طاير في الهوا طار=وما غردت فوق الغصون العصافير
يا مرحبا من خاطري سر واجهـار=ما هل وبل مـن مـزونٍ شخاتيـر
ترحيبة يا هل المواجيـب والكـار=من بعد ذا الغربة وكثر المشاويـر
الله يحييكـم بعـد طـول الاسفـار=بين القبيلة فـي وسـاع الدواويـر
من روس ربع تكرم الضيف والجار=اهل الوفاء والمرجلـة والمخاسيـر
نطاحة الهيجاء على قحص الامهار=لا مشعت بيض السيوف البواتيـر
خيالهم من ساحـة المـوت مـاذار=كـم واحـد دزوه دون المصاغيـر
مظهورهم لاثار صيـاح وغبـار=ينزل اليا ختفت جميـع المظاهيـر
ربعي محددة الجمل يـوم الادبـار=في ساعـةٍ معـاد يقبـل معاذيـر
من لابة تسقي العدا كاس الامـرار=الاد زايـد لابسـيـن المقـاديـر
دواسر تعرف اليا صار ما صـار=وتاريخهم يبنـي معـزة وتفخيـر