الاد زايد هيضوني وغنيت،،،من طيبهم هاضت علي القريحه

[معلومات العضو المستشار]

اليا ومرك الله وفي السوق طبيّـت=جنّب عـن المترديـه والنطيحـه
واليـا هـداك الله للخوه وخـاويـت=دوك الدواسـر كاسبيـن المديحـه
قوم(ن) اليا جات الحرايب طواغيـت=وكفوفهم تنـدى ولاهـي شحيحـه
فقيرهـم لاجيـت بيتـه تعشّيـت=تلقى الشحم والعود الأزرق وريحه
وكريمهم ترحيبتـه بـك اليا جيـت=ترحيبة(ن) تبري القلـوب الجريحـه
إن قلت له تبقى قلط بك على البيـت=وإن قلت وشلونك ذبح لك ذبيحـه
وصبيّهم لاصحت فيـه وتعزويـت=صدره من النخوه يـروّع فحيحـه
قبيلة(ن) يفخربها الحـي والميـت=شريحة(ن) راحـت وباقـي شريحـه
من عاش يبقى طيّب الذكر والصيت=ومن مات منهم جعل ربي يبيحـه
ألاد زايـد هيضـونـي وغنّـيـت=ومن طيبهم هاضت علي القريحـه
حاولت أعد فعولهم لكـن أزريـت=وماقلت فيهم غير حاجه صحيحـه
فهمت من بعض التجارب وعانيت=ويكفيك من بعض التجارب نصيحه
اليا هـداك الله للخـوّه وخـاويـت=دوك الدواسـر كاسبيـن المديحـه

صح لسان قايلها وتسلم يمينك