قصيدة في مزاين المصارير

[معلومات العضو رائــــــــــد]

المشاركة الأصلية كتبت بواسطة ابوهديل

يالله يالمطــــــلوب ياعالم الخـــــفى = ياعـــــالم باللي وراء المنطـــــــــــوق
انك تقــــــــدينا على طــــــيب العمل= وانك تكــافينا غثى المطــــــــــــــــفوق
وانك تبـــــــارك في يمامن يقــــــودنا = و انه بعـــــزك دايــمــن مــــرفـــــــــوق
ويامرحــــــــبا ترحيبة في وجوبــــها = اعداد مايوضى الســــــحاب بــــــــــروق
العود الازرق واشــــقر البن والشحم = بضـــيافة اللــي للمـــديح يلـــــــــــــــوق
خفران بن متعب تنومس فعــايلــــــه= حرن نتــل للـــــــنايفـــــات سبــــــــــــوق
الطيب ساسه والجمايل غرايســــــه = وعليه من مطـــحس شــــبه ورمـــــــوق
ومطحس الى عديتنا منه خصـــــــله = تســوا خــزاين طـــــاقها المـــطبــــــــوق
فذن نشاء مافيه كبدن بتكـــــــــرهـه = وزودن على حمـله يشيل وســـــــوق
ذكره بقى لو كان واروبه الثـــــــــرى = عساه فالجنه مــــــــــع الفـــــــــــــاروق
هذا وانا لي منهجن في مثـــــــايلي= سقت القريحــه بالمعــــاني ســـــــــــوق
شاعر وأنا ربعي تجمل قصـــــــايدي= أفعــالهم فالواجـــبــــات تشـــــــــــــوق
لهم علي حقن كما كاشف الضحى= وعلــيهم لــي فنايبـــــات حقــــــــــــــوق
افخر بهم واطعن بهم مهجة العداء = وافـــضى بــهم حصن عليه غلـــــــــــــوق
واضر بهــم بحرن عميقن بقعــــره = وارقــى بهم في نايف الشاهــــــــــــــــوق
خزامتن لمقرعـــــــن فـــيه هدره = وبلامــتن لمشــودقـــــن بشــــــــــــــدوق
لآد الحبيبي غلمتن ترهق العداء = يوم النـــضى والخيـــل وام عــــــــــــروق
دقلاتنا منها يشيب رضيـــــــــعها = وتســــــد عـــنا بالصـــــحيــح حلـــــــــوق
منا هل العشر المسماة بلقــــاء = يوم الفســـيحة بالزحـــول تضــــــــــــــوق
ومنا مشاهيرن يخـــــــــــلد فعلــــهم = واللـــي يزيـــــف حــجـــته مـــــزلوق
حزام راعــــــــي طعنتن مشـــــهوده = فعــــلن فريـدن ما هو بمسبــــــــوق
رمحه فرى الخيال والغوج وارتـــــــكز = في صـحصـح البيداء فتح مشـقـــــوق
وشبنان مقـــــطع حق بالعرف مقتــدر= شــــــيـخن يلا منه هــــرج موثــــــوق
وفنجال من هابـــوه بواجــــــة السرب= شــــــربه طلــيـفـيـــح رفــيع الـــذوق
شربه وثبت موقـــفه يوم اللقـــــــــــاء= حول بـــشـــيخ القـــــوم حام النـــوق
وهاجس صليب الراي والطيب مكسبه= فــــي ساعـــتن كل بها مـــــزنــــوق
لحقه يبي ذبحه غريمن من العــــداء =وفـــــكـه بعد ما غير المنطــــــــــوق
وهويمل مايهفي ضميره مادحـــــــه = مفراص ماس صـــــاطن فاتــــــــــوق
وخوينا من دونه الـــــــــروح تنجلب=وان كبرت البلوى عليـــــــــه يــــــــروق
سعد المعيبيل ان شرحنا لقصـــته=شـــيئن على كــــل الخـــــيال يفــــــوق
بلـــون بــــلاه بـها الزمــن وبليبها = طــــاح الخـــــوي من قــــلة المـــوفوق
اقفى به الناعـــــور بالــــبير والرشا =في ديــرتن ماتملك المخلـــــــــــــــوق
نخاه ياسعد المسماء بهمــــــتــــك =الساق مكسوره كفـــيت العــــــــــوق
قال انتظري لا تباطا لــجــيتــــــي = وأنا عــــــــليك من الحـــنين اتــــــوق
قرب ذلوله ثم قــــــــدد لجــــــــلدها = وحدر عــــليه واظـــــهره برفــــــــوق
هـــاذي فعايلنا و هاذي ثبـــــــــوتها= واللي يوقــف ضـــدها محــــــــــقوق
ماقلتها من شأن حصرن لعـــــــدها = لا شك نرقا بالفضـــــــــايل فـــــــوق
تاريخــــنا مافيه حين بيجهـلــــــــه = يكون من جـــــوفه غشــــاه حـــروق
تغالبن ماهيب من ترك تاجـــــــــــر = متسلسه من ساسها الموثـــــــــوق
ساسن له الابطال ترجـــع وتـنـتمي= من سابق الدنيا وهـــــو مــرمــــــوق
من صلب عدنان من أسياد وائلـــــي= لا هـــــوب لا هــــــافي ولا مســــــروق
ماغاضـــنا من دون الزيف بالخفــــــى= يبي يــــــــــطــــــــول بالكلام عنــــوق
واللي يتـخبـط بالــوراء دوم جــــــاهل= عليه من كــل الجـــهات فتـــــــــــــوق
ومن سحب المحراث كثرت عوايقـــه= وجاته عراقـــــــيل الزمــــــان صـفــوق
واللي معه توفير هـــــرجن وسايقه = يطلع ويكشف رأسه المحلـــــــــــــــوق
أما قنع بالحق وارتـــــــــــــاح خاطره= ولا كوي فــــــــــي ثومة المعـــــــــــلوق
والصدق يبقى والتصـــــناع ذاهــــب = لو كـــــــــان أنـــــــــــا بالأمثلـه مســــبوق
والضلع ماهزه صفيرن من الهــــــــواء = ياللي تــــــــــــبي طـــمــس الحقايق فوق
( زايد وتغلب ) عزوتن دوســــــــريــــه= قـــــبيلــــــتن ماتقبل المفهــــــــــــــــوق
قبيلتن في نــــــجـــــد قـــادة جموعها= وترســـــــي إلا من جــاء هواهــــا دوق
وترى القــــبيــله عــــــزها بالـــتحامها = و لا التـــفرق للــقبيــلة عــــــــــــــــــــوق
ودام القبيله شـــورها في خـــــــيارها = العز فيـــــــــها يســـــــــــتوي مفــــــروق
يومن ذيــــــابة نجد تنهـــش لحومـــها = مافيه لا عاتــــــــــق و لا معتــــــــــــوق
الصــــف واحــــــد والقبيله وحـــــــدها= دون الجـــــــــــهام يورد المذلـــــــــــــــوق
ودون الديار اللي وسيـــعن حـــــدهــا = فيهـــا الغروس المــــايله بعــــــــــــــــذوق
دارن بـــها الخـايف مريحــن و آ مـــن= بالضــــــــلع و لا فــــي دمــــآث عــــــروق
والجـــار فيها حــق توسم له العصى = ومتيـــــــهن فيهــــا بـــــدون رفـــــــــــوق
دارن حمتها لا بتن تستحقـــــــــها = ياما حمي من دونــها من ســـــــــــــــوق
والدار عذراء والنشاما تصونهـــــــــا = كلن يرافي ثوبـــــــــها المشــــــــقــــوق
وياشينها لا كثروا في فتـــوقـــــها = وكلن يقول أنا لـــــــــهــــــــا المعشــــوق
مبداء عبث وأصل العبث من نقوصها= هومهنة الجاهل هواء الممـــــــــــــحوق
وقتن عـــجيبن كـــاثراتن غرايبـــه= هــد الغــــــراب وكـــــــوش الغرنـــــــوق
في ظل حكمن نطلب الله يحفظه = من كل غارات الزمــــــــــــــــان وبــــــــوق

الشاعر/ محمدبن بداح المصارير الدوسري

صح السان الشاعر محمد المصارير
وسلمت على النقل يالقرم
تقبل تحياتي