::: لعـبـة (( بيت = قصيدة )):::

[معلومات العضو الزين]

لوما يهب الهوى ماكان رفرف علـم=ياحكمة ٍ جـاز معناهـا وتشبيههـا
ولولا فعول الكرم ماذِكروا اهل الكرم=ولا عرفنا ريـال النـاس وجنيههـا
ولو كان مافي قلوب الناس مبدا عشم=ماشفت بعض العرب تبدي مشاريهها
العقل في حزته خير ٍ من الف محزَم=والجهل يقضي على الحكمه بتتويهها
ويقدّر العافيه مـن ذاق حـر الألـم=والغافلين يتولـى الوقـت تنبيههـا
درب الخْطا يتجه حسب إتجاه القـدم=ويطيب ممشا القدم لا طاب توجيهها
وكل ٍ على نفسه مخيّر وكـل ٍ حكَـم=مابين تحسين صورتهـا وتشويههـا
الشرّ في وجه راعيـه إيتمثـل نـدم=واهل المكارم يبين الخير بوجيههـا

خالد الزهيري