ََّّّّ~ ّ~ّّّّّّّّّّّّّ كلمه مني وقصيده منك ّ~ّ~

[معلومات العضو لين]

من بادي الوقت وهذا طبع الايامي = عذبات الأيام ما تمدي لياليها
حلو الليالي توارى مثل الأحلامي = مخطور عني عجاج الوقت يخفيها
أسري مع الهاجس اللي ما بعد نامي = وأصور الماضي لنفسي واسليها
أخالف العمر وأراجع سالف أعوامي = وأنوخ ركاب فكري عند داعيها
تدفى على جال ضوه بارد عظامي = والما يسوق بمعاليقي ويرويها
الا صفى لك زمانك عل يا ظامي = اشرب قبل لا يحوس الطين صافيها
الوقت لو زان لك يا صاح ما دامي = يا سرع ما تعترض دربك بلاويها
حتى وليفك ولو هيّم بك اهيامي = سيور الأيام تجنح به عواديها

الليل

 

 

 

 

[معلومات العضو السمو]

يا لــــيل يا لغـــز بــك الفكــر يحـتار * * يا حاضر ســــرك عن االنـاس غايـب
يا كثــر ما يخفي ظلامك من اسـرار * * من غاص با عماقك يشوف العجايب
جـــــبّار وحـنـيـــّن ووافي وغـــــدار * * افــراح واحــزان ونعــــيم ومصايـــب
احدٍ علــيه ارحـــم من الوالد البــــار * * واحدٍ شباب ويصبح الصـبح شـايب
يا ملتقى الخـــلان في كل الاقـــطار * * ياما بسـتـرك يلـتـقـون الحــبـايــــب
وكم واحدٍ ســــاري للأحــــباب زوار * * اليا سـلم كســـبان لـو رد خـــــايب
وياما تحــــت ظلك بغيرون الأشــرار * * على حــلال النـاس ســرق ونهايـب
ويا ما من العبرات في وقت الاسحار * * يـهّلــها عـبــدٍ مـن الذنــــــب تايــب
وياما قضاك اخر على رقص وســكار * * في سترك الضافي له الكيف طايــب
وياما ســـرى فيك المنافق بالأخــبار * * وحــوّل سكونك في دقـيقه طـلايــب
ياما حــلا جـــوك ويا كـثر الاخطــــار * * فيك الصفا واحيان فيـــك الشـوايــب
سبــحان مـن بامره تدابــير الاقـــدار * * ربٍ خلق بك من جمـيع الغـــــرايــب
يا لــــيل يا لغـــز بــك الفكــر يحـتار * * يا حاضـر ســــرك عن االناس غايـب



سماحة الشيخ : عبد العزيز ابن باز رحمه الله

.