::: لعـبـة (( بيت = قصيدة )):::

[معلومات العضو الزين]

والموقف الي يصنع الدهشه والاعجـاب ويثيـر=يضيف قوة عزم في بعض الوقايـع والصـدوف
وانا من اصحابـي وعدوانـي تعلمـت الكثيـر=وكـم غلطـةٍ تمـر قدامـي واخليهـا تطـوف
اشوفها حاجه صغيـره واعتبـر نفسـي كبيـر=والحاجه الي ماتمس الوجـه فـي ميـه ذلـوف
حيث التجارب بالحيـاه تخلـي الجاهـل خبيـر=وتخلي الـي مايعـرف العلـم يطلـع فيلسـوف
والسالفه بيني وبينك سرهـا فـي وسـط بيـر=لايدري الحاسـد ونقـال السوالـف والزهـوف
يوم الطموح اكبر من الواقع وانا عمري صغيـر=مانـي بخابـر لحـدٍ علـي منـه وامـعـروف
لكن بعد ماوصلـت الدعـوى لتقريـر المصيـر=قامت معي فيها صفوف ووقفت ضـدي صفـوف
واليوم هذا يا زمان الصمـت منقطـع النضيـر=اعـداي بالميـات لكـن اصدقـايـه بـالالـوف
واليا نشدوك الناس عنـي قلهـم حالـه بخيـر=ترى العدو يسمع واهو مقفي ولا يقـدر يشـوف

للشاعر الهاب الحربي