الملك عبدالله والحقيقه

[معلومات العضو البدراني ابو محمد]

اخوي ابو بندر اولا احب اشكرك على موضوعك اللي مايدل الا على شيء واحد وهو غيرتك ومحبتك لارضك واللي كلنا باذن الله نكن هالشيء ويكفي من غلا الوطن انه في الاسلام من قتل دفاعا عن ارضه فهو شهيد
ما ابي اطول عليك ولكن ياولد العم انا لي وجهة نظر تختلف عنك تماما
ياعزيزي المعيشة في السعودية مهيب الارخص ابدا. ياعزيزي فيه مدن كثيرة ارخص منك. وبالعكس اغلب دول الخليج لا تستورد من السعودية وانا اتكلم عن السلع اللي المهمة اللي تدعم الاقتصاد وفي الاساس السعودية دولة مستوردة. ياعزيزي انا افدي هالارض ولكن الواحد لابد يقول اللي في خاطره. دول الخليج ميزانيتاتها في سنين تعادل ميزانية السعودية في سنة لاتقول لي كم عددهم وكم عددنا ياعزيزي استثماراتهم بها الميزانية البسيطة افضل من استثماراتنا بها الميزانيةالضخمة.
مانتكلم الا خوفا من ان يصيبنا ما اصاب دول اخرى اعطيك مثال مصر وصدقني بيصير لنا مثل ماصار في مصر ناس تاكل بملاعق ذهب وناس ماتلقى قطعة خبزة لعائلة كاملة.
نعم نحب الوطن نعم نعلن ولائنا للملك نعم ونعم ونعم ولكن يا اخي فيه ناس تاكل حقي وحقك وحق الباقين.
عموما اخي ابو بندر هذي وجهة نظري ولك الحق في قبولها وردها.

تقبل خالص تقديري واحترامي
ابو محمد البدراني