قصيد حسن بن عبيد محمد النتيفات ( من الهدار ) رد على أبو هديب

[معلومات العضو العاصف 15]

هذه القصيد أرسلها أبو هديب الزمامي يشكي على حسن بن عبيد محمد النتيفات( من أهل الهدار ) من حب خله لكي يتعرف على شعر حسن وليس من حب خله حيث قال أبو هديب هذه الأبيات :

ياراكب اللي مراياته جميحية= جمس إلى من مشى كن فيه جنحاني
ينصى حسن عيد أهل هجن جلاوية=له مجلس (ن) دايم بالكيف ملياني
قله تراني طريح لـ.........=من عقب حبه طريح فراش وجعاني

فرد عليه حسن بن عبيد النتيفات هذه الأبيات :

بديت عند العشي في رأس مبرية= بقاف (ن) بصبه صبيب السمن لازاني
ياركب اللي جديد ويقطع النية=جمس (ن) يخلي عسام الخد نثراني
لامن تحدر مبيره من وراء المية= لاكن يهزهز الأرض بركاني
ملفاه عيد النظر زبن الجلاوية= إلي بلاته المودة ثم تبلاني
أبو هديب (ن) علي أرسل مواصية=يشكي الهواء والهواء من قبله أشقاني
ونقض جروح (ن) علي بالصدر مكنية=أكنها خايف (ن) شمات عدواني
فالحب ياصاحبي سر وعلانية= السر كبه طراة الحب لعلاني
والحب يا صاحبي للناس ماريه=قبلك كواني على لنجاف وخلاني
جرحي تلاشى وجرحك تتلج دمية=شكواك لله وأنا يكفيك ما جاني
يا مرسل الجمس بسبيره وراعية= ما عاج دوني ولا زل وتعداني
جمس (ن) لفاني علي أجيب مبغيه=فنكان مقدر فعذري عند من جاني
بقاف (ن) إلى قلته أحمي قوافيه =إن كان جاني مجرب من التقصير براني
إن كان تشكي علي حب الــ....... = من شاف صخر الجبل ما هوب قوياني
إن قلت قوة فنا مانيب بقاويه=بنات منهو يرد الخصم عجزاني
فإن كان يا صاحبي بالمال مشريه=ارخصتنا كل مجني سر وعلاني
فاعلم تراء طيب الإبل عند راعيه= ما ينصخابه ولا للبيع شن جاني
لكن بوصيك في زيانك النيه =قنع ضميرك تراء للنفس شيطاني
من طمع في حق ناس (ن) عجز عن جيه=ومن عاين أموال غيره بات سهراني
أحد (ن) بماله كنوز الشرق ممليه=وأحد (ن) يقضي حياته بالتدياني
كل (ن) على ما قسم له عند واليه= تعمير دنيا وما عمر بها فاني
وبنصك لاشفت كل (ن) شبت ضويه= فقنع بضوك وما زين بها زاني
ويبرد ضميرك إلى من كثر طاريه=قرطوع من قربتك لا صرت عطشاني
ومزنٍ تهش على سنح وحريه= نفعه لهلها و لا لك كون لحزاني
ولو أن كل المطر تجني زبيديه=ما صار قلبك من اللوعات تعباني
واسمح إذا أن الهدف ما صاب راميه=ترى الليالي على رجلي تحداني
ما جاز للعين قالت ياليت ذا ليه=تعبت واللي يود القلب ما جاني
لون راعي المنى تنفعه أمانيه=طلبتنا مال سيدنا سليماني

 

 

 

 

[معلومات العضو محمد الغريري]

العاصف 15


صح لسانك ولسان الشاعر حسن بن عبيد النتيفات

قصيدة جزلة من راس جزل ..

من طمع في حق ناس (ن) عجز عن جيه = ومن عاين أموال غيره بات سهراني
أحد (ن) بماله كنوز الشرق ممليه = وأحد (ن) يقضي حياته بالتدياني
كل (ن) على ما قسم له عند واليه = تعمير دنيا وما عمر بها فاني

ونطمع بالمزيد ..


اخوك في الله

محمد الغريري

 

 

 

 

[معلومات العضو راشد النتيفات]

لكن بوصيك في زيانك النيه = قنع ضميرك تراء للنفس شيطاني
من طمع في حق ناس (ن) عجز عن جيه = ومن عاين أموال غيره بات سهراني
أحد (ن) بماله كنوز الشرق ممليه = وأحد (ن) يقضي حياته بالتدياني
كل (ن) على ما قسم له عند واليه = تعمير دنيا وما عمر بها فاني

صح لسان الشاعر حسن بن عبيد

وعز الله إن أبو هديب أسند أبياته على فحل

لا هنت أخوي العاصف15 على نقل القصيدة

تقبل خالص تحياتي.

& راشد النتيفات &

 

 

 

 

[معلومات العضو تركي ال فنيس]

بيض الله وجهك يالعاصف صح السانك والسان الشعار

 

 

 

 

[معلومات العضو أبوفهيد الودعاني]

صح الله لسانك ولسان الشاعر حسن بن عبيد النتيفات


لاتبطي بجديدك ،،،

 

 

 

 

[معلومات العضو العاصف 15]

اخي محمد الغريري

اخي راشد النتيفات

اخي تركي الودعاني

اخي البراق

شكراً على مروركم والاطلاع الذي اسعدني

تقبلوا تحياتي واحترامي جميعاً

 

 

 

 

[معلومات العضو فهد الغريري]

العـــاصـــــ15ـــــــف الجزل ميجيب الا الجزل.

صح الله السانك والسان الشاعر حسن بن عبيد النتيفات

والشاعرأبو هديب الزمامي انا اشهد انه عنز على شاعر.

العاصف15 لا تبطي علينا من جديد اهل الهدار

ترا طاريهم يسر الخاطر جعلهم يسلمون ولا

يهون الاخوان.


اخوك / فهد الغريري,,,,,

 

 

 

 

[معلومات العضو العاصف 15]

أخي فهد الغريري

اسعدني مروركم والاطلاع

وبشر بسعدك وانا اخوك وكل ماتبي به على الرأس والعين

تحياتي واشواقي لك يالغالي

 

 

 

 

[معلومات العضو النايف1]

مشكوووووووور يالعاصف

وصح لسانك ولسان حسن بن عبيد

وطال عمرك وياه على طاعه

 

 

 

 

[معلومات العضو العاصف 15]

النايف (1)

مروركم اسعدني لاهنت يالقرم

وجعل عمرك ما يقصر يابو عبد الرحمن

تقبل تحياتي

 

 

 

 

[معلومات العضو عبدالرحمن النتيفات]

لا هنت يالعاصف15

وصح لسان الشعار

 

 

 

 

[معلومات العضو الضاوي]

لاهنت يالعاصف 15

بيض الله وجهك وصح لسان الشاعران

 

 

 

 

[معلومات العضو محمد ال بو زمام]

السلام عليكم ورحمة الله وبركاته


لاهنت اخوي ( العاصف 15 ) على هذه اللابيات . . . .

.

 

 

 

 

[معلومات العضو دغش البطي انتقل الى رحمة الله مساء الاثنين الموافق 8-1-2007 رحمه الله واسكنه فسيح جناته]

صح لسان الشاعر حسن بن عبيد

وعز الله إن أبو هديب أسند أبياته على فحل

لا هنت أخوي العاصف15 على نقل القصيدة

تقبل خالص تحياتي.


دغش البطي