الا يا عاذلي يكفـيك لومي

[معلومات العضو سالم بن صمهود]

الا يا عاذلـي يكفيـك لومـي=اوانا دونـك تكفينـي همومـي

انا ما احتاج منـك مـا تقولـه=كلامك وسط عقلي ما يدومـي

ولا مثلك عرف ما في ضميري=تكلم وانـت تجهلـك العلومـي

انكانك في كلامك منصح ٍ لـي=انا ابغي منك في صفي تقومـي

وكانك بـس نفـاع ٍ بهرجـك=فكثر الهرج ما يقظي لزومـي

وكانك مقصدك تـدري بغيبـي=فهذا ابعد عليك امن النجومـي

انا لـي غايـةٍ ماحـدٍ عرفهـا=ماهيب لكـل سـوام ٍ يسومـي

مدام اصل الحياة انها تجـارب=فنا مالعرف مانيـب محرومـي

خذيت امن التجارب لي فوايـد=عرفتبها على دربـي يمومـي

يقول اللـي سبقنـي بالمثايـل=يقـول ان الغنايـم بالعزومـي

وانا اشكر نعمة اللي شفت فضله=الاهٍ فـوق خلقـه مـا ينومـي

هو اللي جـل شانـه نلتجيبـه=له يصلي وله عبـده يصومـي

اليامنه نـوى يرحـم اعبـاده=تضلل رحمـة مثـل الغيومـي


وسلامتكم جميعاً



ابن حشفل صح الله لسانك من اول بيت الى اخربيت