ابـو قـرون تغـذى بالشـمطري

[معلومات العضو عبدالله الحافر الغييثي]

السلام عليكم ايها الاحبه كثير ما قرأت هذه القصيده ولكن لا اعرف شاعرها ارجوا الافاده لمن لديه علم بصاحبها

الـبـارحـة سـاهــر والـدمــع يــجــري =والقلـب حــزن عـلـى فـرقـا حبيـبـه
كـريــم يــابــارق يــنــوض حــــدري =واللـي سـرى بالغـداري يقتـدي بــه
والـلـي ضــرب وادي خــلاه يـجــري =عسى طروش البـوادي ترتـوي بـه
متخـفـي لابــس لـــه بـشــت بـــدري =حسبي على البشت واللي غرني به
يامدمـج السـاق حـالـي مـنـك مـبـري =بــري النجاجـيـر عـيــدان صلـيـبـه
ابـــو قــــرون تــغــذى بالـشـمـطـري =مثـل السفايـف علـى كـور النجيـبـه
ابـــو عـيــون لـيــا دلّـــت تــخــزري =ترمي بالاسبـاب ويـل اللـي تصيبـه
ابــو خـديــد يـشــادي نـجــم فـجــري =والا القمـر لا انتحـى يبغـي مغيـبـه
ابـــو نـهـيـد كـمــا الفـنـجـال زبـــري =ويمـزّع الثـوب مـن حــال غصيـبـه
يـالـيـتـنـي عــالـــم لـلـغــيــب وادري =عن غض الانهاد منهو من نصيبـه
ياليـتـنـي حــايــف ويــقــال خــبــري =انهب صخيف الحشا ثـم أغـدي بـه
من طاب لـي طبـت لـه والكـل يـدري =والـلـي يتـغـلا علـيـنـا وش نبـيـبـه
ان مـت حطـو بـد رب البيـض قبـري =تكفـون حطـي علـى قبـري نصيـبـه
يـامـن يــرد الحبـيـب ويـاخـذ اجــري =قـفــا بـــلا سـبــة ربـــي حـسـيـبـه
مـاقـدر الله عـلـى المخـلـوق يـجــري =والعـبـد لــزم تــرى يـاخـذ نصيـبـه
وآقـــوّ ماصـابـنـي وآقــــوّ صــبــري =لـعــل مـاصـابـنـي مــنــه يـصـيـبـه
يالله طـلـبـاك مـغـنــي كــــل فــقــري =كــل عـلـى قــد حـالـه تعـتـنـي بـــه

 

 

 

 

[معلومات العضو بن ساجي]

	من طاب لي طبت له والكل يدري واللي يتغـلا علينـا وش نبيبـه جميل ما تنقله لنا يا بن غياث , ويا ليتني أعرف من هو صاحب القصيده عشان أفيدك . تقبل مروري وأعجابي بك

 

 

 

 

[معلومات العضو أبونواف الدوسري]

الأخ خميس تستاهل كل الخير

بحثت لك عنها ونقلت المكتوب عن شاعرها الشاعر الكبير سليمان بن شريم رحمة الله عليه....

ولدسليمان بن شريم عام 1305هـ وتوفي عام 1363هـ ولد في عين بن قنور وانتقل الى عنيزة وكانت تتوهج
شعرا وشعراء ومجالس للشعر ورواة وكأن الجميع يتحدث لغة الشعروبالتأكيد فان ذلك اثرى شاعريته وزادها توهجا , تنقل بن شريم بين عنيزة والكويت والحجاز والرياض فوجد في كل مكان من هذه الاماكن شعراء كبار ساجلهم واحتك بهم تطرق بشعره لجميع اغراض الشعر من مديح ورثاء وغزل وحكمه وكان الجميع ينتظر جديده فعندما يقول القصيده تنطلق بها الرواة من قلب الجزيرة الى الكويت والحجاز وقد لقب حديثا بمتنبي الشعر الشعبي وهو يستحق ذلك .
ويتميز شعره بمناسبته لكل الاجيال لسهولة مفرداته وقوة معانيه وجديد افكاره ودليل ذلك انك لو استعرضت بعض قصائده لتعجب سامعها انها لشاعر توفي قبل أكثرمن ستين عام في حين ان هناك شعراء معاصرين لاتستطيع فهم مفرداتهم .
صدر له ديوان اسمه < ديوان سليمان بن شريم > في عام 1410هـ من جمع بندر الدوخي ونشرت قصائد بن شريم في العديد من كتب الشعر الشعبي والصحف والمجلات وله مساجلات ومراسلات مع معاصريه من الشعراء الكبار امثال (صقر النصافي = بن دويرج = عبدالعزيز الفايز = مرشد البذالي = عبدالرحمن الربيعي =لويحان = منديل الفهيد وغيرهم ) .

من اشهر قصائده رحمه الله تعالي قوله:
سرى البارق اللي له زمانين ماسرى................ صدوق المخايل بارقه يجذب الساري
وقوله :
قال الذي مايزمله شاهد الـــــــــــزور ............... والكامل الله واكـــبر الخلق مكــــبـور
وقوله:
ياهل الفاطر اللي فوقها من كل دشن جديد غالي
سلمو لي عليه الى لفيتو صاحبي ياهل المامونه
وقوله:
الاياعين ابوي العين يازو ل تعدانـــي ................ تعداني وانا غــــــــافل ولاراعا برديه
وقوله:
عن اللي صفح نصفح ولو كان هو غالي .... والاقبال يبشر صاحبه بالنـــــــــــــبا العالي
وقوله:
يالله يامجري القــــــــــــمر من مغيبه................ يامرجعه للشرق من عقب تغريـــــب
وقوله:
ياونتــــاه اللي برت جسم حالـــــــــي ............... بري الدبا نبنوب غصن تغشــــــــــلاه
وقوله:
حيا الله اللي يغـــــــــيب ويسرع الرده ........... اللي يجيني الى منه تباطانــــــــــــــــــي

وقصائد ابن شريم كثيره سوف نذكر بعض منها .


البارحه ساهر والدمـع يجـري = والقلب حزن علي فرقـي حبيبـه
كريم يابـارق ينـوض حـدري = واللي سري با الغـداري يقتديبـه
والي ضرب وادي خلاه يجـري = عسي طروش البوادي ترتويبـه
متخفي لابس لـه بشـت بـدري = حسبي علي البشت واللي غرنيبـه
يا مدمج الساق حالي منك مبـري = بري النجاجيـر عيـدان صليبـه
ابو قرون تغذي بـا الشمطـري = مثل السفايف علي كور النجيبـه
ابـو عيـون ليادلـت تخـزري = ترمي با الاسباب ويل اللي تصيبه
ابو خديد يشـادي نجـم فجـري = والا القمر لا انتحي يبغي مغيبـه
ابو نهيد كمـا الفنجـال زبـري = ويمزع الثوب من حال غصيبـه
يا ليتنـي عالـم للغيـب ودري = عن غض الانهاد منهو من نصيبه
ياليتني حايـف ويقـال خبـري = انهب صخيف الحشا ثـم أغديبـه
من طاب لي طبت له والكل يدري = واللي يتغـلا علينـا وش نبيبـه
ان مت حطو بدرب البيض قبري = تكفون حطو علي قبري نصيبـه
يامن يرد الحبيب وياخذ اجـري = قفـا بـلا سبـه ربـي حسيبـه
ما قدر الله علي المخلوق يجـري = والعبد لزم تري ياخـذ نصيبـه
وآقو ما صابني وآقـو صبـري = لعل مـا صبنـي منـه يصيبـه
يالله طلباك مغنـي كـل فقـري = كـل علـي قـد حالـه تعتنيبـه

.................................................. .

وله أيضاً هذه القصيدة :


يالله من مدات جودك يبـا الجـود = ياعـالـم بمغيـبـات اللـيـالـي
تفرج لقلب عـن مناويـه مـردود = عليه مـن غـارات بقعـا ميالـي
على عشير بـدل الولـف بصـدود = والولف حنت لـه قلـوب الجمالـي
انا له اشفق مـن خلـوج لمفـرود = وهـو وسيـع خاطـره مايبالـي
جحدت حبه يوم انا اقـواه بركـود = امسي بذ كره واصبح الصبح خالي
كني صحيح وخاطري منه ملهـود = والناس مايدرون انا ابخص بحالـي
وشلون اطيب وخزنة القلب ماجـود = لاصـار ماماجـود شـي بغالـي
عليه اجـدد سنـة العبـد مسعـود = لين اشتهر بيـن الخلايـق هبالـي
ماذاق من ضيم الليالي على السـود = ذقته على اللي مثل عنـق الغزالـي
اصفر عفر خلاني امشي بلا قـود = بامره تقدينـي سمـارة ظـلا لـي
الى ذكرت اشقر على الردف مرجود = مثل الد ويرع فوق حسـن الدلالـي
ولجلج بصقرات محاجيرهن سـود = واهنف وضيع حيلتـي واحتوالـي
بيني وبينه حبـل الادراك ممـدود = والهـرج بابـه مدفـع مايكـالـي
ياعود ريحان علـى جـال راقـود = من حيث مامالت به الريـح مالـي
بغيت منـه بغفلـة النـذل عنقـود = يبرد لهيب القلـب عقـب الهمالـي
اشفق عليه وكل ماجيـت مـردود = دربه وحل ماهوب دربـه عدالـي
يسعى بفرقى صاحبي كـل مقـرود = اما حكى له فـي والا حكـى لـي
وشاهدت مما قـال حمـاد لحمـود = من غاب عن عيني سلا عنه بالـي
يابو حمد لاتقطـع الهـون بالكـود = عساه مايجري لك اللي جـرى لـي
ان مت ماحصلت لي منه مقصـود = تراي عنـده خبـروا بـي عيالـي
وصلاة ربي عـد ماشـدوا القـود = او ماهمل وامطر حقـوق الخيالـي
والأل والاصحاب ياصاحب الجـود = ياعـالـم بمغيـبـات اللـيـالـي

 

 

 

 

[معلومات العضو سالم بن محمد الشرافي]

شكرا ياابو نواف على التوضيح والله يعطيك العافيه

اخوي خميس عسا طاب خاطرك الحين

 

 

 

 

[معلومات العضو لين]

قصيدة رائعة

مشكور أخ خميس على النقل ومشكور أخ أبونواف على أيراد أسم الشاعر

وصح لسان قائلها

 

 

 

 

[معلومات العضو عبدالله الحافر الغييثي]

الله لايهينكم على المرور وللاخ الاكبر ابونواف بيض الله وجهك يالسنافي كفيت ووفيت والله لايهينكم ومجمل حالك يالقرم