قصيدة بمناسبة زيارة الشيخ محمد بن مران بن قويد ....

[معلومات العضو صبي آل عريمه]

المشاركة الأصلية كتبت بواسطة صالح الجعيدي

السلام عليكم ورحمة الله وبركاته ،،، مـنـقـول ،،،

زار الشيخ/ محمد بن مران بن قويد عائلة الثويني بمدينة جبه في حائل
يوم الثلاثاء شهر شعبان الماضي 15/8/1428هـ
وبـرفـقـتـه كلا من:
الدكتور/ عـلـي الجعيدي الدوسري
والرائد/ حنيش المصارير الدوسري
وقد ألقى الشاعر الكبير/ محمد الضيف الله الرمالي الشمري قصيده بهذه المناسبه، وهي:-

غنى القصيد وجوهر الفكر صافي= والشعر(أنا) واليوم هذا مجاله
القاف ياقف كل قافً لقافي= وانا الذي هام القصيد أنحناله
أن قلت كافي قالو الناس كافي= عندي (جواب) وعند غيري سواله
اليزم(يوم) وبين الايام وافي= حي البلاد وحي منهو عناله
عند (الثويني) والثويني مضافي= ومزهب الرواي مسقي جماله
هذا مناخ( عمير) ريف الهجافي= من ضاق باله عاد منساح باله
وعياله اللي كل ابوهم سنافي= والنعم بعياله ونعم بعياله
(فايز) وفايز بالسنين العجافي= تعطي يمينه مادرت عن شماله
واللي عوافي قال مامن عوافي=الفارس المغوار راعي الجماله
هذا اعترافي يوم اقول اعترافي=يزهى عريب المنسبين وزهاله
ياشيخ يابن(قويد) وان جيت لافي= حياك ربي ياعريب السلاله
مثلك ولد ماظن مثلك يشافي= فليكتب التاريخ ياللي بداله
انتم دواسر ماخفى الناس خافي= وانتم قمر شعبان وانتم هلاله
انتم هل الوادي واهل الفيافي= وادي الدواسر والدواسر لحاله
انتم ثقال الروز مانتم خفافي= وانتم رواسي نجد وانتم جباله
وانتم عرب من دور عبد المنافي= وانتم خوال اهل السمو والجلاله

وسلامتكم ،، مع خالص التحية و الاحترام ،،

يستاهل الشيخ محمد بن مران بن قويد والربع اللي معه ويستاهلون خطلان الايدي

الحفاوة والثناء الجزل

وكفو بشمر والرمالات من شمر وافين وعوايدهم الطيب


ولاهنت ياصالح الجعيدي