النـاس وعيـون العـواذل بلتنـي

[معلومات العضو عبدالله الحافر الغييثي]

قصيده للشاعر/خليل المطير(حسام الشعر)

الجـرح غايـر والسنيـن اتعبتنـي=سايرتهـا رغـم الهمـوم الأليمـه
ابكي حوال الناس لـو مـا بكتنـي=عندي من الأحزان دولـه عظيمـه
هي غربـة الأيـام مـا ساعدتنـي=ما شفت بالدنيـا قلـوبٍ رحيمـه
عشـت الحيـاة وكنهـا عيشتنـي=بين الجحيـم وبيـن نـار الهزيمـه
اقرا عيون النـاس لـو مـا قرتنـي=عيـنٍ تصوبنـي وعيـنٍ كريـمـه
الحال مايـل والظـروف ارهقتنـي=والدمع سيلٍ سال مـن دون غيمـه
الخـد حافـي والليالـي وطتـنـي=وعزي لمن سـود الليالـي تظيمـه
عشـت الحيـاه ودنيتـي عذبتنـي=والله يعيـن اللـي حياتـه سقيمـه
لو جيت ابا اشرح قصتـي عورتنـي=الصمت في بعـض المعانـي غنيمـه
ولولا هموم القلب يـوم احرقتنـي=ما قلت كلمـه والنوايـا سليمـه
يا بوي وين امي عسى مـا جفتنـي=ما شفتها يا بـوي وش هالظليمـه
طلقتها وتقـول لا مـا اعجبتنـي=وش يعجبك يابوي مانـي غشيمـه
راحت وكانت ودهـا لـو شرتنـي=ضاع الحنان مـع النـدم والنديمـه
ذكرتها واليـوم هـي مـا نستنـي=يمـه تعالـي لـك معـزه وقيمـه
يمه تـرى الدنيـا بعدكـم رمتنـي=في بيت ابوي ولا عرفت الحشيمـه
تدريـن يمـه والعيـون اسهرتنـي=ما ذقت طعم النوم ذقـت الحريمـه
النـاس وعيـون العـواذل بلتنـي=ولولا الحيا لسـوي اكبـر جريمـه
يمـه شربـت المـر حتـى سقتنـي=ايـام بقعـاء مرهـا والصريـمـه
لو جيت ابا اضحك بالألم عاقبتنـي=عشت الليالي مثـل عيـش اليتيمـه
سبحت في بحـر الألـم واغرقتنـي=طبع القسـى فيهـا تبينـي وليمـه
رمح الغدر شفتـه وفيـه اطعنتنـي=وزادت جروح القلب واصبح هشيمه
يمه وشوفي كيف بقعـاء احضنتنـي=بدل حنانك ذقـت غـل وحميمـه
واليـوم والله حالـتـي محزنتـنـي=قمت اتذكـر لـي جـروحٍ قديمـه
ذكرى جروحٍ مع شقاهـا غزتنـي=ما عاد به رحمـه ولا فيـه شيمـه
هذا وانا ذكـرى السنيـن اتعبتنـي=جاريتها رغـم الضغـوط الأليمـه

 

 

 

 

[معلومات العضو نايف الفصام]

ابـــــــــــــــــــن غيـــــــــــــــــاث

صح لسانك ولسان الشاعر قصيده محزنه ياعزتيله

ولاهنت على نقلها تسلم يمناك يالقرم

مطنوخ

 

 

 

 

[معلومات العضو عبدالله بن قويد]

الغييثي لاهنت وصح لسان قايلها ...

 

 

 

 

[معلومات العضو عبدالله الحافر الغييثي]

مطنوخ ابن قويد ياهلا ورحب بكم والله يعينه على مصيبته والله لا يهينكم على المرور الطيب الف شكر