مزاين الدواسر(خطلان الأيدي) وأكتمال فرحة (عتيبة الهيلا) !!!

[معلومات العضو العطاوي العتيبي]

من هذا المنتدى الكبير .. منتدى ربعنا وأصحابنا وخويانا (خطلان الأيدي) قبيلة الدواسر العظيمه ..
يحييكم وأحد من أبناء (قبيلة عتيبة) دفعه للتسجيل في هذا المنتدى حبه وأعتزازه ((بالآد زايد)) وشيوخهم ونخوتهم وشهامتهم وخوتهم .. وأحب أن يقول لكم بأن أفراح مزاين عتيبة لن تكتمل ألاّ أذا تم تحديد مزاين أخواننا (الدواسر) ويعلم الله أننا نتابع مزاينكم أول بأول ((حباً فيكم)) عبر هذا المنتدى وكدرنا كثيراً الأمر الذي صدر من أمارة الرياض بتأجيل المزاين وتعشمنا بعودة ألأمير سلمان من الخارج ولقاء الشيخ الجليل /مران أبن قويد به وقلنا ((لعل وعسى))
أن تزين الأمور ..
ولاكن حتى هذه اللحظه لم يتم التحديد ولو أننا نتابع (بشارة ) أخونا عبدالله أبن قويد ألي قبل أسبوع .
أحببنا الدواسر ونفرح لفرحهم ونألم لما يؤلمهم . فهم أصحاب لنا وخويا ورفاقه وفوق هذا واحد من شيخهم (((أبوزابن))) الشيخ /مران أبن جروان أبن قويد ـ محافظ عفيف السابق ومحافظ شقراء الحالي ـ له وقفات طيب وشهامه ماننساها له .والشيخ سعود أبن متعب أبن قويد (رفيق وصديق عزيز)
وكثير من أخواننا الدواسر جيران لنا في المرباع ورفاقه فالمحول وبيننا وبينهم مزارق طيب وعلوم رجال غانمه ..
وهنا بهذه المناسبة ندعوا ربعنا الدواسر تشريف أخوانهم العتبان في مزاينهم الحالي ظيوف غالين ويشاركون في جوايز الضيوف واللي مايشيله المكان تشيله العيون ....
وبأذن الله عن قريب نلبي دعوتهم بحضور مزاين (خطلان الأيدي) وأن نشاء الله يكون بمستوى هذه القبيلة الضاربه في الجزيره العربية ..


وتقبلوا تحيات أخوكم / العطاوي العتيبي

 

 

 

 

[معلومات العضو فيصل بن جزاء]

لاهنت يالعتيبي على مشاعرك النبيله يالقرم ومزاين الدواسر بيتم ان شاء الله قريب ونتشرف بوجودكم

وحضرنا مهرجان مزاين عتيبه الهيلا واعجبنا الاستعداد القوي للمزاين والتنظيم ونتمنى لكم التوفيق

والنجاح وصراحه مزاين عتيبه من افضل المزاينات اللي حصلت بجهود ابناء الهيلا

ونرحب بك في موقع قبيلة الدواسر الرسمي

خالص التقدير والاحترام

 

 

 

 

[معلومات العضو مسعود العماري]

شعور غير مستغرب

واشكر لك هذه المشاعر الاخوية

وان شاء الله تكتمل الفرحة

 

 

 

 

[معلومات العضو أبو سعود الودعاني]

لاهنت يالغالي

على مشاعرك الطيبه والنبيله

وفق الله الجميع لما يحبه ويرضاه

وانشا الله تسمع ونسمع جميعا في القريب العاجل

من العلوم ما يسر عن مزاين خطلان الأيدي

لاهنت وتقبل خالص ودي

 

 

 

 

[معلومات العضو صالح الجعيدي]

لا هنت على مشاعرك الطيبة ،، وعسى ايامك أفراح يالسنافي.

وإن شاء الله مزاين خطلان الايدي يتم وتكتمل الفرحه يالقرم.

أشكرك على المشاعر الأخوية التي غير مستغربة من النشاما شرواك.

 

 

 

 

[معلومات العضو فهد الغريري]

بيض الله وجهك ياطيب الساس والله يوفقكم في مزاينكم العامر والحق ينقال ياعتيبه تنظيم راااااائع وعسى الله يوفقكم وان شاء تشرفون محلاتنا في مزاين خطلان الايدي في الايام المقبله ونسأل الله رب العرش العظيم ان يوفقنا لما يحب ويرضا

 

 

 

 

[معلومات العضو تركي المسعري]

لاهنـــــــــــــــــت ياخــــــــوي العطاوي العتيبي على شعورك الاغير مسغرب منه

ومن ناحية المزاين تام وبتسمــــــــــعون اخبار تسر انشاء الله تعالى

والله يوفقكم في مزاينكم ويتمه انشاء الله

اخوك تركي المسعري

 

 

 

 

[معلومات العضو مشاري الرجباني]

لاهنت ياااا العطاوووي


وبيض الله وجهك


وهذا من طيبك يالغالي



ولك تحياااتي



مشااااااااااااري الرجباااني

عااااشق نووووووووف

 

 

 

 

[معلومات العضو الذيب العماري]

والله كادت دمعاتي تسقط على وجناتي من كلامك

الدنيا عاد فيها خير مدام فيها امثالك

 

 

 

 

[معلومات العضو محمد بن حمد الشكرة]

مرحبا بك ياالعطاوي في منتديات خطلان الأيدي وأنت أخو ماأنت بضيف علينا حياك الله والله لي الشرف نحضر مزاين عتيبة الهيلا لكن الظروف هي اللي ماتسمح لي بالحضور وأبرك الساعات تشريفك مزاين أخوانك الدواسر وتقبل تحيات اخوك أبو حمد الشكري

 

 

 

 

[معلومات العضو العطاوي العتيبي]

أخواني الأعزاء الغالين أسف على التأخر في الرد ..(أعذرونا مشغولين بمزايننا) لاكن لابد نذكر أحبابنا حتى في خضم هذا الحدث لاننساهم ولهم الحق علينا .
وبإختصار أقول لكل شخص لحاله مايلي :


فيصل أبن جزاء
الشرف لي ومشكور على الترحيب

مسعود العماري
ماقلت الاّ الصدق ومافي القلب لكم من موده .. لاهنت أخوي مشكور

أبو سعود الودعاني
العفو ياخوي والله يسمع منك وشاكر لك ..

صالح الجعيدي
وأيامك ياولد زايد .. أشكرك أخوي صالح .

المبدع في أدارة المنتدى /فهد هادي الغريري..
ووجهك أبيض يافهد تشرفت بكلامك ومعجب بجهودك ولقاءاتك مع شيوخ ورواة ومشاهير الدواسر

تركي المسعري
لاهنت والله يوفقكم وشاكر لك

مشاري الرجباني
ماعليك أنت والجميع زود شكراً لك أخوي مشاري

ملوك الأزد
صدقني كلام محبه قديمه وطلع من القلب .
شاكر شعورك والله يحفظك من كل مكروه وكرب

محمد حمد الشكره
الله يبقيكم على العز .. والشرف لشخصي بالتواجد بين آلاد زايد
شاكر مرورك

وأعلموا يقين العلم أن فيه الكثير من أخوانكم أبناء عتيبه يكنون لكم حب وتقدير ومعزه أكثر مما قلت وما أنا هنا ألا واحد من ألوف أتيت هنا للتعبير عن ودهم لكم وتقبلو تحياتي ومودتي مرة ثانية ولتعذروني ربما أتأخر كثيراً في المشاركه لاكن أنتم موجودون في القلوب .. وعلى العز يآلاد زايد ..
وبيض الله وجيهكم على الترحيب .. والسلام عليكم ،،،،

 

 

 

 

[معلومات العضو ابو زابن المسعري]

الاخ العزيز العطاوي

ارحب الله يحييك وبيض الله وجهك على الدعوه وعلى الشعور الغير مستغرب

ومزاين الهيلا زرناه وبنزوره والله يوفقنا واياكم لمايحب ويرضاء

 

 

 

 

[معلومات العضو عبدالرحمن النتيفات]

الاخ العزيز العطاوي

ارحب الله يحييك وبيض الله وجهك على الدعوه وعلى الشعور الغير مستغرب

 

 

 

 

[معلومات العضو فتى الوداعين]

العطاوي العتيبي الغالي مرحبا تراحيب المطر وعز الله انكم سويتو مزاين مشرف لكل القبائل وبهذا الحفل قد صفعة وجه من قال ان هذا يرجعنا لتخلف والتعصب وسوف ترى ان شا الله حفل الدواسر مكمل لما سبقه وسوف نكون يد واحد ضد الذين يدعون الى التخلي عن القبلية والبادي التي هي منشاء الابطال تحياتي لك وللجميع

اخوك : فـــتــــى الوداعيــــــــــــــن

 

 

 

 

[معلومات العضو حضرة جنابي]

يامرحبا ومسهلا

بالعطاوي العتيبي .. و كلامك الذرب ان دل على شي فهو يدل على طيبك ومرجلتك

و مزاين عتيبه نجح بكل المقاييس ..واللي منعته ظروفه من الحضور ..تابع المزاين على قناة الساحه ..

عزالله انه ترتيب وتنظيم عالي المستوى ونبارك لكم هذا النجاح غير المستغرب على قبيلة عتيبه الهيلا

تحياتي لك اخوي العزيز