انواع الرجال

[معلومات العضو ابو زيد الغييثي]

يالله تعدّيهـا علـى خيـر وتصـيـب = مـن حدّنـي أكتـب خمالـه وعيبـه
يبغى الصّراحه مابها شـك ولا ريـب = باقولهـا والـنـاس كــلٍ وطيـبـه
الـحـر ماينـفـع بلـيّـا مخالـيـب= والعقـل للرجّـال زيـنـه وهيـبـه
والسّالفـه ماهـي بلحيـة مواجـيـب= كـلٍ علـى طبعـه يجيبـه حليـبـه
بعض المنابـت بالمراجـل عذاريـب = وبعض المنابـت للمراجـل خصيبـه
رجلٍ يبـي طاريـه عنـد الأشانيـب= ورجـلٍ يبـي طاريـه عنـد الحبيبـه
ورجـلٍ يـودّي بالسواليـف ويجيـب= ورجـلٍ سواليفـه لفعـلـه تجيـبـه
ورجلٍ يغض الطّرف عن جارة صحيب = ورجلٍ عيونه فـي محـارم صحيبـه
ورجلٍ تسـد بغـيبته يومـه أيغـيب = ورجلٍ ولا تـقـدر تســد مغـيبـه
ورجل يغيب ويفقدونـه هـل الطيـب= ورجلٍ ليامن غـاب ماحـدٍ دري بـه
ورجلٍ تشوف بخوّتـه لـك مكاسيـب= ورجلٍ تشـوف بخوّتـه لـك غليبـه
ورجلٍ إذا أخطى يرى نفسـه مصيـب = ورجـلٍ إذا إخطـى يراهـا مصيبـه
قلت الصّراحه مابهـا شـك أو ريـب = كـلٍ علـى طبعـه يجيبـه حليـبـه
بهـلك مـا والـلـه ملاقـيـن عـيب = تـاجٍ على روس المرا جل وهـيبـه
إشره وشرّه كـان تبغـى المواجيـب = عط حـق تاخـذ حـق مابـه معيبـه

أبو محمد الشرافي اختيار موفق وجميل ورائع

لاهنت على هذا التميز في انتقاء هذا النص

محبك ومغليك / ابو زيد الغييثي