من كان ساسه للردى مضرب امثال /// اليوم يحسب من كبار القبيله

[معلومات العضو شيهانه على كف صقار]

إن كنت تنشد يالمسيكي عن الحـال
مالي علـى كتمانهـا عنـك حيلـه
الصبر عن بـوح الاحاسيـس قتـال
والبوح في بعض المواقف ، فشيلـه
لو كل مايطري علـى البـال ينقـال
ماكـان شفـت ان الثقيلـه ثقيـلـه
ابطيت اكافح ضيقـة البـال بالبـال
وادفـع بـلا هاجوسهـا كـل ليلـه
لين اقبلت مثل .. السحابـه بهمـال
تشفي غليـل اللـي تزايـد غليلـه
طاحت ، ولاْوفق من حناياك منـزال
وابطلبك يابدر ( تكمـى ) المخيلـه
ان قيل ترعد .. قلهم : صوت زلـزال
وان قيل تبرق شف لها ادنـاة حيلـه
مابي .. تناقلها هـل القيـل والقـال
وتصير من بعـد القصيـره طويلـه
يابدر .. ماني عال .. لو صحتي عال
شفني من الصدمات نفسـي عليلـه
اشيـل حمـل ٍ لـو يشيلنـه جبـال
الله وامانـه غيـر تصبـح نثيـلـه
أرمي من هموم الزمن واسحب أدبال
وانزل عن ( الجوكر ) وغيري يشيله
من كثر ماشفت بحياتي مـن انـذال
بديت اشـك ان النذالـه ... فضيلـه
ماطاح من عيني رجل طاحوا .. رجال
ورجال ( يابن حنيف ) ماهي قليلـه
اقرب من اللي قالهم ضمـن ماقـال
راكان بن حثليـن راعـي الجزيلـه
( هذا ولد عـم ٍ وهـذا ولـد خـال
وهـذا رفيـقٍ مالقيـنـا بديـلـه )
سبحان منهـو يابـدر غيّـر الحـال
وحط الجفـا بيـن الخليـل وخليلـه
هـذا الزمـن يبغالـه لـسـان دلاّل
من يستحي هالوقـت واعزتـي لـه
وقتٍ به ( الراعي ) غدى راعي دلال
كل ٍ علـى طاريـه ينفـض شليلـه
ومن كان ساسه للردى مضرب امثال
اليوم يحسـب مـن كبـار القبيلـه
المال يابن حنيف ملعون ابـو المـال
ذل العزيـز وعـز نـاس ٍ ذليـلـه

 

 

 

 

[معلومات العضو بنت الاشراف]

صح لسانك على القصيده الرائعه انتظر جديدك

 

 

 

 

[معلومات العضو شيهانه على كف صقار]

بنت الاشــــــــراف اشكـــــــــــرك على مرورك

 

 

 

 

[معلومات العضو رحمة الايام]

يعطيك العافية
وصح لسانك والى الامام

 

 

 

 

[معلومات العضو ابومبارك الدوسري]

صح نقلك ِ

ولاهنتي علي هالأختيار

تحيييييييتي

 

 

 

 

[معلومات العضو فيصل بن جزاء]

اختيار رائع ياشيهانه الله يعطيك العافيه

 

 

 

 

[معلومات العضو أبو زايد التغلبي]

ياسلااااااااااااااااام

قصيدة تكتب بماء الذهب ومليئة بالمعنى من أولها لآخرها

بس مابينتي لنا يا شيهانة من صاحب هذه القصيدة الشامخة ؟

 

 

 

 

[معلومات العضو راشد المسعري]

قصيدة رائعة ومليئة با لحكمة في آخر الأبيات شكراً لك على النقل أخت شيهانة .

 

 

 

 

[معلومات العضو ولد ودعان]

مشكوره على القصيده يالشيهانه

تحيايتي

 

 

 

 

[معلومات العضو فتى الوداعين]

هـذا الزمـن يبغالـه لـسـان دلاّل == من يستحي هالوقـت واعزتـي لـه
وقتٍ به ( الراعي ) غدى راعي دلال == كل ٍ علـى طاريـه ينفـض شليلـه
ومن كان ساسه للردى مضرب امثال == اليوم يحسـب مـن كبـار القبيلـه

بيض الله وجهك على القصيدة ومعانيها معروفه جدا وواضحه العبرة لمن اعتبر وشكراً على الاختيار الرائع والجميل

اخوك
فتىالوداعيــــــــــــــن

 

 

 

 

[معلومات العضو ســـاري]

المال يابن حنيف ملعون ابـو المـال
ذل العزيـز وعـز نـاس ٍ ذليـلـه

صح السانك واختيارك

 

 

 

 

[معلومات العضو رحمة الايام]

صح لسانك
والله درر
واتحفينا بالجديد والى الامام
تقبلي فائق احترامي