ابن جلق و ميميته في رثاء زوجته

[معلومات العضو نايف الخييلي]

ياســــلام يابوالمثنى على هالسالفه والقصيده الرائعه لــ بن جــلق


الله يعطيــكـ العافيه على ماقدمت ودائــماً مبدع في كتاباتك وإختيارك للمواضيع

صابني رعبٍ ودزيـت الرسـول=باغـيٍ علـمٍ الـى قِلّـب تمـام
أسمع أمه عند تفصيخ الحجـول=والخـزاري والأهلـة والـزمـام
تندبه بالصوت واسمعهـا تقـول:=ليت اخو وضحا كشف عنها اللثام
شوف عيني يوم قـرّب للغسـول=والطوايق فصلوهـن لـه حـرام
فزّن الخفـرات مامعهـن عقـول=لاجـاتٍ بالـمـوادع والـسـلام
ثم شالوها اربعـه منهـم فحـول=عـزوةٍ مابيـن خـالٍ والعـمـام
واعبروا بـه للمصلـى للقبـول=كاتفيـنٍ كلهـم خلـف الامــام
يطلبون اللـي بعرشـه مايـزول=روضةٍ قبـره وطيبـا لـه مقـام
في فضـا روضٍ مقـرٍ للسيـول=بين(ابن سيرين) والصحب الكرام
في جوار الصحب قبلـي النـزول=عن(حسن بصري) وشرقه له مقام
واحفروا له حفرةٍ بالقـاع طـول=قامـةٍ والعـرض شبريـنٍ تمـام
وسّدوها عقـب ديبـاج الزلـول=لبنةٍ فـي وسـط مطـوّيٍّ هـدام
هلهلوا فوقـه حفيـره والتلـول=والنصايب ركّزوهـن لـه عـلام
شوف عيني والظبا حوله تجـول=باشـرن قبـره بحـبٍ والتمـام
والطيور الطايره من كـل جـول=ظللن قبر الغضـي مثـل الغمـام
والفواخت عقب هاذيـك العقـول=يرفعن الصوت هن ويّـا الحمـام